IND VS ENG: ઋષભ પંતે ટેસ્ટ ક્રિકેટમાં સિક્સરનો નવો રેકોર્ડ બનાવ્યો, બેન સ્ટોક્સ અને મેથ્યુ હેડનને પણ પાછળ છોડી દીધા
વિદેશી ધરતી પર ટેસ્ટમાં સૌથી વધુ છગ્ગા ફટકારનાર ખેલાડી બન્યો; કેપ્ટન શુભમન ગિલ અને રવિન્દ્ર જાડેજાની પણ શાનદાર બેટિંગ.
-
ઋષભ પંતે વિદેશી ધરતી પર ટેસ્ટમાં સૌથી વધુ 24 છગ્ગાનો રેકોર્ડ બનાવ્યો.
-
પંતની વિસ્ફોટક 65 રનની ઇનિંગ સાથે 3 છગ્ગા અને 8 ચોગ્ગા, ઇંગ્લેન્ડ સામે બે શ્રેણીગત સદીઓ.
-
કેપ્ટન શુભમન ગિલે 161 રનની ઐતિહાસિક સદી ફટકારી, પંત સાથે 110 રનની ભાગીદારી.
-
રવિન્દ્ર જાડેજાની અણનમ 69 રનની અડધી સદી, 5મી વિકેટ માટે 175 રનની ભાગીદારી.
-
ભારતએ ઇંગ્લેન્ડ સામે 608 રનનો લક્ષ્યાંક મૂકી 607 રનની લીડ મેળવી, જીત માટે મજબૂત સ્થિતિમાં.
Rishabh Pant sixes record: ઇંગ્લેન્ડ સામેની ટેસ્ટ શ્રેણીમાં ભારતીય ક્રિકેટ ટીમનો સ્ટાર બેટ્સમેન ઋષભ પંત શાનદાર ફોર્મમાં છે. પહેલી ટેસ્ટમાં બે સદી ફટકાર્યા બાદ, પંતે બીજી ટેસ્ટમાં પણ પોતાની ધમાકેદાર બેટિંગ ચાલુ રાખી હતી. આ મેચમાં તેણે એક નવો અને અદ્ભુત રેકોર્ડ બનાવ્યો છે, જેમાં તેણે બેન સ્ટોક્સ અને મેથ્યુ હેડન જેવા દિગ્ગજ ખેલાડીઓને પાછળ છોડી દીધા છે.
ઋષભ પંતનો ઐતિહાસિક સિક્સર રેકોર્ડ
ઇંગ્લેન્ડ સામેની બીજી ઇનિંગમાં પંત એ માત્ર 58 બોલમાં 65 રનની વિસ્ફોટક ઇનિંગ રમી હતી, જેમાં 8 ચોગ્ગા અને 3 છગ્ગાનો સમાવેશ થાય છે. આ 3 છગ્ગા સાથે, પંત એ ઇંગ્લેન્ડમાં કુલ 24 છગ્ગા ફટકાર્યા છે, જે વિદેશી ધરતી પર કોઈપણ બેટ્સમેન દ્વારા ટેસ્ટ ક્રિકેટમાં ફટકારવામાં આવેલા સૌથી વધુ છગ્ગા છે. આ રેકોર્ડ સાથે તેણે બેન સ્ટોક્સનો દક્ષિણ આફ્રિકામાં 21 છગ્ગાનો અને મેથ્યુ હેડનનો ભારતમાં 19 છગ્ગાનો રેકોર્ડ તોડ્યો છે.
ભારતની મજબૂત સ્થિતિ
આ મેચમાં ભારતીય ટીમે ઇંગ્લેન્ડ સામે 608 રનનો વિશાળ લક્ષ્યાંક મૂકીને પોતાની પકડ મજબૂત કરી લીધી છે. પંત ની અડધી સદી ઉપરાંત, કેપ્ટન શુભમન ગિલ એ પણ 161 રનની ઐતિહાસિક સદી ફટકારી હતી. ગિલ અને પંત વચ્ચે 110 રનની મહત્વપૂર્ણ ભાગીદારી થઈ હતી. પંત આઉટ થયા પછી બેટિંગ કરવા આવેલા રવિન્દ્ર જાડેજા એ પણ શાનદાર અડધી સદી (અણનમ 69 રન) ફટકારી હતી. જાડેજા અને ગિલ વચ્ચે 5મી વિકેટ માટે 175 રનની રેકોર્ડ ભાગીદારી થઈ.
ભારતીય ટીમે પોતાનો બીજો દાવ 427 રનના સ્કોર પર ડિકલેર કર્યો હતો. ભારતે પ્રથમ દાવમાં 527 રન બનાવ્યા હતા, જેના જવાબમાં ઇંગ્લેન્ડની ટીમ પ્રથમ દાવમાં 407 રનમાં ઓલઆઉટ થઈ ગઈ હતી. આ સાથે ભારતે 607 રનની વિશાળ લીડ મેળવી લીધી છે, જે ઇંગ્લેન્ડ માટે જીતવા માટે અઘરી રહેશે.
ટોપ સ્ટોરી
ટ્રેન્ડિંગ સમાચાર
