RR vs LSG: 14 વર્ષના ખેલાડીએ IPLમાં પહેલા બોલે જ ફટકારી સિક્સર, આઉટ થયા બાદ આંખમાંથી આવ્યા આંસુ
Vaibhav Suryavanshi Crying: રાજસ્થાન રોયલ્સમાં સામેલ 14 વર્ષીય વૈભવ સૂર્યવંશીએ શનિવારે લખનૌ સુપર જાયન્ટ્સ સામેની પોતાની ડેબ્યૂ મેચમાં 34 રન બનાવ્યા. જ્યારે તે આઉટ થયો, ત્યારે તે મેદાનમાં રડવા લાગ્યો.
RR vs LSG: જ્યારે રાજસ્થાન રોયલ્સના કેપ્ટન સંજુ સેમસન ઈજાને કારણે બહાર હતો, ત્યારે વૈભવ સૂર્યવંશીને ડેબ્યૂ કરવાની તક મળી, તે IPLમાં રમનાર સૌથી યુવા ખેલાડી બન્યો છે. બધા આ કિશોર કેવી રીતે રમશે તેની રાહ જોઈ રહ્યા હતા, તેણે તેના પહેલા જ બોલ પર લોર્ડ શાર્દુલના બોલ પર શાનદાર સિક્સર ફટકારીને બધાને આશ્ચર્યચકિત કરી દીધા. જોકે, તે 34 રનના સ્કોર પર સ્ટમ્પ આઉટ થયો, ત્યારબાદ તે પોતાની લાગણીઓ પર કાબૂ રાખી શક્યો નહીં અને મેદાન પર રડવા લાગ્યો.
जब भी इसका मज़ाक उड़ाने की भावना जोर से लगे,
— Gaurav Pratap (@gauravprat) April 19, 2025
बस याद करना, “तुम क्या कर रहे थे जब चौदह के थे?”@RajsthanRoyals@LucknowIPL #VaibhavSuryavanshi pic.twitter.com/QoGJUeZvaO
184 રનનો પીછો કરતા, વૈભવ સૂર્યવંશી અને યશસ્વી જયસ્વાલે ઇનિંગ્સની શરૂઆત કરી, પ્રથમ વિકેટ માટે 85 રનની ભાગીદારી કરી. 9મી ઓવરના ચોથા બોલ પર વૈભવ સ્ટમ્પ આઉટ થયો. તે માર્કરામનો આ બોલ ચૂકી ગયો, તેનો પગ હવામાં હતો અને ઋષભ પંતે તેને ઝડપથી સ્ટમ્પ આઉટ કરીને વૈભવની ઇનિંગનો અંત લાવ્યો.
Vaibhav Suryavanshi got emotional after he got out. 🥹
— Mufaddal Vohra (@mufaddal_vohra) April 19, 2025
- Well played, young man! 🙇♂️👏 pic.twitter.com/S5e9xUDYhd
વૈભવ સૂર્યવંશી રડી પડ્યો
વૈભવે 20 બોલમાં 34 રનની શાનદાર ઇનિંગ રમી, જેમાં તેણે 3 છગ્ગા અને 2 ચોગ્ગા ફટકાર્યા. જ્યારે વૈભવ આઉટ થયો, ત્યારે પેવેલિયન પરત ફરતી વખતે તેના ચહેરા પર ઉદાસી હતી. તેણે પોતાનું હેલ્મેટ ઉતાર્યું અને રડવા લાગ્યો, તેના ચહેરાને જોઈને સ્પષ્ટ થઈ ગયું કે તે વિકેટ પડવાથી દુઃખી હતો અને રડી રહ્યો હતો.
રાજસ્થાન રોયલ્સ 2 રને હારી ગયું
ફરી એકવાર રાજસ્થાન રોયલ્સ જે મેચ જીતી રહી હતી તે હારી ગઈ. છેલ્લી મેચની જેમ આ વખતે પણ રાજસ્થાનને જીતવા માટે છેલ્લી ઓવરમાં 9 રનની જરૂર હતી પરંતુ ટીમ ફક્ત 6 રન જ બનાવી શકી. આવેશ ખાને છેલ્લી ઓવર ફેંકી, આ પહેલા 18મી ઓવરમાં યશસ્વી જયસ્વાલ (74) અને રિયાન પરાગ (39) ને આઉટ કરીને મેચ પોતાની તરફ કરી દીધી હતી, જેમાં તેણે ઓવરમાં ફક્ત 5 રન આપ્યા હતા. લખનૌ સુપર જાયન્ટ્સે ટોસ જીતીને પ્રથમ બેટિંગ કરતા 180રન બનાવ્યા હતા, જેમાં એડન માર્કરમે 45 બોલમાં 66 રન અને આયુષ બદોનીએ 34 બોલમાં 50 રન બનાવ્યા હતા.
ટોપ સ્ટોરી
ટ્રેન્ડિંગ સમાચાર
