Sanjiv Goenka Profile: હૈદરાબાદ સામેની હાર બાદ કેએલ રાહુલને જાહેરમાં ખખડાવાનાર LSGના માલિકની જાણો કેટલી છે સંપત્તિ?

Sanjiv Goenka Net Worth: તમને જણાવી દઈએ કે IPL ટીમ લખનૌ સુપર જાયન્ટ્સ સિવાય સંજીવ ગોયન્કા પ્રખ્યાત ફૂટબોલ ટીમ મોહન બાગાનના માલિક છે. સંજીવ ગોયેન્કાની RPSG કંપનીમાં 50 હજારથી વધુ કર્મચારીઓ છે.

( Image Source : Social Media ) ( Image Source :Social Media )

Sanjiv Goenka Net Worth: સનરાઇઝર્સ હૈદરાબાદે લખનૌ સુપર જાયન્ટ્સને કારમી હાર આપી. આ હાર બાદ સોશિયલ મીડિયા પર એક ફોટો ઝડપથી વાયરલ થઈ રહ્યો છે. સોશિયલ મીડિયા પર વાયરલ ફોટોમાં લખનૌ સુપર જાયન્ટ્સના માલિક સંજીવ ગોયન્કા અને કેપ્ટન કેએલ રાહુલ જોવા મળી રહ્યા છે. આ ફોટોમાં એવું લાગી રહ્યું છે કે સનરાઇઝર્સ હૈદરાબાદ સામેની હાર બાદ સંજીવ ગોયન્કા કેએલ રાહુલ પર બૂમો પાડી રહ્યા છે. તે જ સમયે, લખનૌ સુપર જાયન્ટ્સના કેપ્ટન કેએલ રાહુલ શાંતિથી સંજીવ ગોએન્કાની વાત સાંભળી રહ્યો છે.

સંજીવ ગોએન્કા RPSG કંપનીના ચેરપર્સન છે

પરંતુ શું તમે લખનૌ સુપર જાયન્ટ્સના માલિક સંજીવ ગોએન્કાની પ્રોફાઇલ જાણો છો? સાથે, સંજીવ ગોએન્કાની નેટવર્થ કેટલી છે? વાસ્તવમાં, સંજીવ ગોયન્કાનો જન્મ કોલકાતામાં થયો હતો, તેઓ અહીં જ મોટા થયા હતા. આ પછી તેણે પ્રખ્યાત સેન્ટ ઝેવિયર્સ કોલેજમાંથી બી. કોમનો અભ્યાસ કર્યો. મીડિયા રિપોર્ટ્સ અનુસાર, સંજીવ ગોએન્કાની કુલ સંપત્તિ અંદાજે 3.4 બિલિયન ડોલર છે. આ સિવાય આ વર્ષે ફોર્બ્સે પોતાની યાદીમાં સંજીવ ગોએન્કાને 949માં સ્થાને રાખ્યા છે. સંજીવ ગોએન્કા RPSG કંપનીના ચેરપર્સન છે.

સંજીવ ગોએન્કાની કંપની આ વિસ્તારોમાં બિઝનેસ કરે છે...

તમને જણાવી દઈએ કે IPL ટીમ લખનૌ સુપર જાયન્ટ્સ સિવાય સંજીવ ગોયન્કા પ્રખ્યાત ફૂટબોલ ટીમ મોહન બાગાનના માલિક છે. સંજીવ ગોયેન્કાની RPSG કંપનીમાં 50 હજારથી વધુ કર્મચારીઓ છે. ભારત ઉપરાંત, આ કંપની વિશ્વભરમાં કાર્બન બ્લેક, પાવર, આઈટી, રિટેલ પ્રોડક્ટ્સ, મીડિયા એન્ટરટેઈનમેન્ટ, સ્પોર્ટ્સ, એજ્યુકેશન અને ઈન્ફ્રાસ્ટ્રક્ચરમાં બિઝનેસ કરે છે. સંજીવ ગોએન્કાએ IIT ખડગપુરના બોર્ડ મેમ્બર તરીકે પણ કામ કર્યું છે.

હૈદરાબાદે 10 વિકેટે મેચ જીતી હતી

IPL 2024ની 57મી મેચમાં સનરાઈઝર્સ હૈદરાબાદે લખનૌ સુપર જાયન્ટ્સને હરાવ્યું. હૈદરાબાદે 62 બોલ બાકી રહેતાં 10 વિકેટે મેચ જીતી લીધી હતી. પ્રથમ બેટિંગ કરતા લખનૌએ 20 ઓવરમાં 4 વિકેટ ગુમાવીને 165 રન બનાવ્યા હતા. જવાબમાં હૈદરાબાદે એકપણ વિકેટ ગુમાવ્યા વિના માત્ર 9.4 ઓવરમાં લક્ષ્યનો પીછો કરી લીધો હતો. ટ્રેવિસ હેડ 30 બોલમાં 89 રન બનાવીને અણનમ પરત ફર્યો હતો. તેના બેટમાંથી 8 ચોગ્ગા અને 8 છગ્ગા આવ્યા હતા. જ્યારે અભિષેક શર્મા 28 બોલમાં 75 રન બનાવીને અણનમ પાછો ફર્યો હતો. તેણે 8 ચોગ્ગા અને 6 છગ્ગા ફટકાર્યા હતા. લખનૌ સામે હૈદરાબાદની આ પ્રથમ જીત છે.