IND vs SA 2nd T20: આજે ભારત-દક્ષિણ આફ્રિકા વચ્ચે બીજી ટી20 મેચ, જાણો ક્યાંથી ફ્રીમાં જોઇ શકશો
India vs South Africa 2nd T20: ટીમ ઈન્ડિયા આ સીરીઝમાં ચાર મેચ રમશે. આ સીરીઝ ટીવી ચેનલ Sports18 પર જોઈ શકાશે
India vs South Africa 2nd T20: ભારત અને દક્ષિણ આફ્રિકા વચ્ચે ટી20 સીરીઝની બીજી મેચ આજે એટલે કે રવિવારે રમાશે. આ મેચ સેન્ટ જ્યૉર્જ પાર્ક સ્ટેડિયમ, ગકેબેહરામાં રમાશે. ટીમ ઈન્ડિયાએ સીરીઝની પ્રથમ મેચમાં જોરદાર જીત નોંધાવી હતી. હવે બીજી મેચની તૈયારીઓ ચાલી રહી છે. ચાહકો આ મેચને મફતમાં લાઈવ જોઈ શકશે. તેને ટીવીની સાથે મોબાઈલ એપ પર પણ જોઈ શકાય છે. બીજી મહત્વની વાત એ છે કે આ મેચનો સમય અલગ હશે.
ભારત અને દક્ષિણ આફ્રિકા વચ્ચે બીજી મેચ આજે- રવિવારે સેન્ટ જ્યૉર્જ પાર્ક સ્ટેડિયમમાં રમાવાની છે. આ મેચ ભારતીય સમય અનુસાર સાંજે 7.30 વાગ્યે શરૂ થશે. જ્યારે પ્રથમ મેચ રાત્રે 8.30 વાગ્યાથી રમાઈ હતી. પ્રથમ મેચ ડરબનમાં યોજાઈ હતી. આ કારણોસર તેમનો સમય અલગ હતો.
ભારત-દક્ષિણ આફ્રિકા મેચ ફ્રીમાં લાઇવ જોઇ શકશે દર્શક
ટીમ ઈન્ડિયા આ સીરીઝમાં ચાર મેચ રમશે. આ સીરીઝ ટીવી ચેનલ Sports18 પર જોઈ શકાશે. જો દર્શકો બીજી ટી20 મેચ મોબાઈલ પર જોવા ઈચ્છે છે તો આ પણ શક્ય છે. આ માટે તમારે Jio Cinema એપ ડાઉનલૉડ કરવી પડશે. અહીં તમે મફતમાં મેચ લાઈવ જોઈ શકો છો.
બીજી ટી20 દરમિયાન કેવું રહેશે હવામાન
ભારત અને દક્ષિણ આફ્રિકા વચ્ચેની બીજી મેચના દિવસે હવામાન ઠંડુ રહી શકે છે. હવામાન વિભાગના જણાવ્યા અનુસાર તાપમાન 16 ડિગ્રીની આસપાસ રહી શકે છે. વરસાદની સંભાવના ઘણી ઓછી છે. તેથી મેચ દરમિયાન કોઈ સમસ્યા સર્જાવાની શક્યતા નહિવત છે.
સંજૂની વિસ્ફોટક સદી
ભારતે ટી20 સીરીઝની પ્રથમ મેચ 61 રને જીતી લીધી હતી. દક્ષિણ આફ્રિકા સામેની આ મેચમાં સંજૂ સેમસને વિસ્ફોટક સદી ફટકારી હતી. તેણે 50 બોલનો સામનો કરીને 107 રન બનાવ્યા હતા. સેમસનની આ ઇનિંગમાં 10 છગ્ગા અને 7 ચોગ્ગા સામેલ હતા. તિલક વર્માએ 18 બોલમાં 33 રન બનાવ્યા હતા. તેણે 3 ફોર અને 2 સિક્સર ફટકારી હતી. આ રીતે ભારતે 202 રન બનાવ્યા હતા. જવાબમાં દક્ષિણ આફ્રિકાની ટીમ 141 રન બનાવીને ઓલઆઉટ થઈ ગઈ હતી.
આ પણ વાંચો
ટ્રેન્ડિંગ સમાચાર
ટોપ સ્ટોરી
