Cricket: શું ​​33 વર્ષની ઉંમરે વનડેમાં ડેબ્યૂ કરશે આ મિસ્ટ્રી સ્પિનર? T20મા વર્તાવી ચૂક્યો છે કહેર; ચેમ્પિયન્સ ટ્રોફી પહેલા લીધી 5 વિકેટ

Varun Chakravarthy: BCCI એ હજુ સુધી 2025 ચેમ્પિયન્સ ટ્રોફી માટે ટીમ ઈન્ડિયાની જાહેરાત કરી નથી. આ વખતે ૩૩ વર્ષીય મિસ્ટ્રી સ્પિનરને ટીમમાં તક મળી શકે છે.

વરુણ ચક્રવર્તી

Source : Abp LIVE

India Squad for 2025 Champions Trophy, Varun Chakravarthy:  2025 ચેમ્પિયન્સ ટ્રોફી આવતા મહિને રમાશે. બીસીસીઆઈએ હજુ સુધી આ વૈશ્વિક ટુર્નામેન્ટ માટે ટીમ ઈન્ડિયાની જાહેરાત કરી નથી. રિપોર્ટ અનુસાર, ટીમ ઈન્ડિયાની જાહેરાત 11 જાન્યુઆરીએ કરવામાં આવશે. આ પહેલા પણ ટીમ અંગે અનેક અહેવાલો બહાર આવી રહ્યા છે. તાજેતરના અહેવાલ મુજબ મિસ્ટ્રી સ્પિનર ​​વરુણ ચક્રવર્તીને ઇંગ્લેન્ડ સામેની ODI શ્રેણી અને 2025 ચેમ્પિયન્સ ટ્રોફીમાં તક મળી શકે છે.

તમને જણાવી દઈએ કે 2025 ચેમ્પિયન્સ ટ્રોફી પહેલા, ટીમ ઈન્ડિયા ઘરઆંગણે ઈંગ્લેન્ડ સામે ત્રણ મેચની ODI શ્રેણી રમશે. એ વાતની પુષ્ટિ થઈ ગઈ છે કે ઇંગ્લેન્ડ સામેની ODI શ્રેણી રમનારી ટીમ 2025ની ચેમ્પિયન્સ ટ્રોફીમાં પણ હશે. સમાચાર છે કે IPL અને T20 ઇન્ટરનેશનલમાં શાનદાર પ્રદર્શન કરનાર વરુણ ચક્રવર્તીને હવે ODI ટીમમાં તક મળી શકે છે.

વિજય હજારે ટ્રોફીમાં 5 વિકેટ લીધી

ટીમની પસંદગી પહેલા, મિસ્ટ્રી સ્પિનર ​​વરુણ ચક્રવર્તીએ સ્થાનિક ODI ટુર્નામેન્ટ વિજય હજારે ટ્રોફીમાં શાનદાર પ્રદર્શન કર્યું હતું. ટુર્નામેન્ટના બીજા પ્રી-ક્વાર્ટર ફાઇનલમાં, તમિલનાડુ તરફથી રમતા વરુણે રાજસ્થાન સામે 9 ઓવરમાં 52 રન આપીને 5 વિકેટ ઝડપી હતી. વરુણ વિજય હજારે ટુર્નામેન્ટમાં સૌથી વધુ વિકેટ લેનાર બોલર છે. તેણે 6 મેચમાં 18 વિકેટ લીધી છે.

T20 માં કહેર વર્તાવ્યો હતો
દક્ષિણ આફ્રિકા સામેની T20 શ્રેણીમાં વરુણ ચક્રવર્તીએ શાનદાર પ્રદર્શન કર્યું હતું. દક્ષિણ આફ્રિકામાં, વરુણે ચાર મેચમાં 12 વિકેટ લીધી. આમાં એક મેચમાં પાંચ વિકેટનો પણ સમાવેશ થાય છે. વરુણે 13 ટી20 આંતરરાષ્ટ્રીય મેચોમાં 19 વિકેટ લીધી છે. આ ઉપરાંત, તેણે IPLમાં 83 બેટ્સમેનોને પોતાના શિકાર બનાવ્યા છે. ખાસ વાત એ છે કે T20 ફોર્મેટમાં પણ વરુણ સામે રન બનાવવા સરળ રહ્યા નથી. તેણે પોતાના મિસ્ટ્રી સ્પિનથી મોટા મોટા બેટ્સમેનોને પેવેલિયન ભેગા કર્યા છે.

ચેમ્પિયન્સ ટ્રોફીમાં રમી શકે છે મોહમ્મદ શમી-

શમીએ મંગળવારે એક્સ પર એક વીડિયો શેર કર્યો છે. જેમાં તે બોલિંગ કરતો જોવા મળી રહ્યો છે. શમીએ નેટમાં ઘણો પરસેવો પાડ્યો હતો. શમીએ કેપ્શનમાં લખ્યું, "સ્પીડ અને જુનૂન, દુનિયાને કબજે કરવા માટે તૈયાર" શમીએ કેપ્શન દ્વારા સંકેત આપ્યો કે તે સંપૂર્ણ રીતે ફિટ છે અને પસંદગી માટે પણ ઉપલબ્ધ છે. જોકે, આ અંગે ભારતીય ક્રિકેટ કંટ્રોલ બોર્ડ તરફથી કોઈ પ્રતિક્રિયા આપવામાં આવી નથી..

Precision, Pace, and Passion, All Set to Take on the World! 🌍💪 #Shami #TeamIndia pic.twitter.com/gIEfJidChX

— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) January 7, 2025

આ પણ વાંચો....