Cold Wave: ગુજરાતમાં કાતિલ ઠંડીનું મોજુ ફરી વળ્યું, નલિયામાં રેકોર્ડબ્રેક 3.4 ડિગ્રી તાપમાન, આ 8 શહેરો પણ ઠૂંઠવાયા
Gujarat Weather: આજે રાજ્યમાં મોટાભાગના શહેરોમાં કૉલ્ડવેવ જોવા મળ્યુ છે. તાજા અપડેટ પ્રમાણે, નલિયામાં સિઝનનું સૌથી ઓછું તાપમાન નોંધાયુ છે
Gujarat Weather: ગુજરાતમાં કાલિત ઠંડીનું મોજુ ફરી વળ્યુ છે, આજે રાજ્યમાં ઠંડીનો મોટો રાઉન્ડ શરૂ થયો છે. રાજ્યમાં ઠંડીનો રાઉન્ડ શરૂ થતાંની સાથી જ ફરી એકવાર નલિયા ઠંડુગાર શહેર બન્યુ છે. રાજ્યમાં ઠંડા પવનોની સાથે પારો ગગડતાં કડકડતી ઠંડીનો અહેસાસ થઈ રહ્યો છે. વહેલી સવારથી જ રાજ્યમાં ઠંડા પવનો ફૂંકાવવાના શરૂ થયા હતા. તાજા અપડેટ પ્રમાણે, આજે નલિયા ફરી એકવાર રેકોર્ડબ્રેક ઠંડી સાથે સૌથી ઠંડુ શહેર બન્યુ હતુ. નલિયામાં આજે 3.4 ડિગ્રી સુધીનું સૌથી નીચુ તાપમાન નોંધાયુ હતુ, એટલુ જ નહીં રાજ્યના અન્ય શહેરોમાં પણ સૂસવાટા મારતા ઠંડા પવનો ફૂંકાયા હતા.
હવામાન વિભાગ અનુસાર, રાજ્યમાં વધુ એક ઠંડીનો રાઉન્ડ શરૂ થઇ ગયો છે, આજે રાજ્યમાં મોટાભાગના શહેરોમાં કૉલ્ડવેવ જોવા મળ્યુ છે. તાજા અપડેટ પ્રમાણે, નલિયામાં સિઝનનું સૌથી ઓછું તાપમાન નોંધાયુ છે. આજે નલિયામાં રેકોર્ડબ્રેક 3.4 ડિગ્રી તાપમાન નોંધાતા સમગ્ર શહેર ઠંડુગાર બન્યુ હતું. આ ઉપરાંત આજે રાજ્યના અન્ય 8 શહેરોમાં 10 કે તેથી પણ ઓછું લઘુત્તમ તાપમાન નોંધાવામાં આવ્યુ હતુ. નર્મદામાં 5.2 ડિગ્રી તાપમાન, રાજકોટમાં 7.3 ડિગ્રી તાપમાન, ગાંધીનગરમાં 9.2 ડિગ્રી તાપમાન અને અમદાવાદમાં 12.1 ડિગ્રી તાપમાન નોંધવામાં આવ્યુ છે. સમગ્ર રાજ્યમાં અત્યારે ઠંડીનો વધુ એક રાઉન્ડ શરૂ થયો છે, સૌરાષ્ટ્ર-કચ્છથી લઇને ઉત્તર, મધ્ય અને દક્ષિણ ગુજરાત કાતિલ ઠંડીમાં ઠૂંઠવાયું છે. મળતી માહિતી પ્રમાણે, અત્યારે કાતિલ ઠંડીના મારથી લોકો ધ્રુજી ઉઠ્યા છે.
નોંધનીય છે કે, રાજ્યમાં કાતિલ ઠંડીનું જોર વધશે. ઠંડીને લઈ હવામાન વિભાગની આગાહી પણ સામે આવી છે. ઉત્તર પૂર્વના પવનોથી ગુજરાતમાં કાતિલ ઠંડી જોવા મળી રહી છે. આવામાં 24 કલાક ઠંડીનું જોર યથાવત રહેશે. બે દિવસ બાદ 2થી 3 ડિગ્રી તાપમાન વધી શકે છે. જ્યારે આગામી 6 વાતાવરણ સૂકું રહેવાની આગાહી કરવામાં આવી છે.
બીજી બાજુ હવામાન નિષ્ણાત પરેશ ગોસ્વામીએ પોતાની સોશિયલ મીડિયા ચેનલ પર ગુજરાતના હવામાન અંગેની આગાહી આપી હતી. જેમાં તેમણે જણાવ્યું હતું કે, શનિવાર સુધીમાં ગુજરાતના કોઈપણ ભાગમાં માવઠાની શક્યતાઓ નથી. બે દિવસથી પવનમાં વધારો નોંધાયો છે. હાલ પવનની સ્પીડ સામાન્ય કરતાં વધારે ચાલી રહી છે. 14થી 18 કિમીની ઝડપે પવન ફૂંકાઈ રહ્યો છે. 15 જાન્યુઆરી સુધી આ પવનની ગતિ આવી જ રહેશે. આ સામાન્યથી થોડો જ વધારે પવનની ગતિ છે એટલે આપણે કોઈ ઊંચાઈવાળા પાકને આનાથી ખતરો થાય તેવું નથી.
પરેશ ગોસ્વામીએ જણાવ્યું હતું કે, એકથી બે દિવસ તાપમાન થોડું નીચું જઈ શકે છે અને રાજ્યના અનેક વિસ્તારોમાં લઘુત્તમ તાપમાન સિંગલ ડિજિટમાં નોંધાશે. ઉત્તર ગુજરાતનું અમીરગઢ અને કચ્છના નલિયા જેવા વિસ્તારોમાં 0થી બે ડિગ્રી સુધીનું તાપમાન પણ જઈ શકે છે. 15 તારીખ સુધી ઠંડીનો રાઉન્ડ યથાવત રહેશે. હાલ કાતિલ ઠંડી છે પરંતુ તેનાથી વધારે કોલ્ડવેવ પણ જોવા મળશે. એટલે પવનની ગતિની સાથે ઠંડીનો માહોલ પણ જોવા મળશે.
આ પણ વાંચો
Gujarat Weather: નલિયા 6 ડિગ્રી સાથે ફરી ઠંડુગાર બન્યું, અમદાવાદ-રાજકોટમાં પણ ઠંડા પવનો ફૂંકાયા
ટોપ સ્ટોરી
ટ્રેન્ડિંગ સમાચાર
