Victory Parade: મુંબઇમાં નીકળશે ટીમ ઇન્ડિયાનું વિજયી સરઘસ, આ રસ્તાઓ રહેશે બંધ, ટ્રાફિક પોલીસનું એલર્ટ
ટી-20 વર્લ્ડ કપ 2024 જીત્યા બાદ ભારતીય ટીમ હવે બાર્બાડોસથી ભારત પરત ફરી છે. આજે એટલે કે 4 જૂલાઈના રોજ સવારે 6:09 વાગ્યે એક વિશેષ વિમાન ઈન્દિરા ગાંધી ઈન્ટરનેશનલ એરપોર્ટ પર પહોંચ્યું હતું
Team India Victory Parade Mumbai Traffic Police Advisory: ટી-20 વર્લ્ડ કપ 2024 જીત્યા બાદ ભારતીય ટીમ હવે બાર્બાડોસથી ભારત પરત ફરી છે. આજે એટલે કે 4 જૂલાઈના રોજ સવારે 6:09 વાગ્યે એક વિશેષ વિમાન ઈન્દિરા ગાંધી ઈન્ટરનેશનલ એરપોર્ટ પર પહોંચ્યું હતું. જેમાં ચેમ્પિયનની સાથે T20 વર્લ્ડ કપની ટ્રોફી પણ હતી. ટીમ ઈન્ડિયા એરપોર્ટથી સીધી તેમની હોટલ પહોંચી હતી. આ પછી ભારતીય ટીમ વડાપ્રધાન નરેન્દ્ર મોદીને તેમના નિવાસસ્થાને મળશે. આ પછી ભારતીય ટીમ મુંબઈ જવા રવાના થશે.
In view of Victory Rally of Indian Cricket team, the traffic movements are likely to be congested from NCPA to Wankhede stadium from 15:00 to 21:00 hrs on 4th July. #RouteForChampions #MTPTrafficUpdates pic.twitter.com/vwTmuyrMDg
— Mumbai Traffic Police (@MTPHereToHelp) July 3, 2024
મુંબઈ ટ્રાફિક પોલીસ એડવાઈઝરી
આ વિજયની ઉજવણીને વધુ શાનદાર બનાવવા માટે મુંબઈમાં વિશાળ સરઘસ કાઢવામાં આવશે. મુંબઈ ટ્રાફિક પોલીસ આ માટે સંપૂર્ણ રીતે તૈયાર છે અને મુંબઈ વાસીઓને કોઈપણ પ્રકારની મુશ્કેલીનો સામનો ન કરવો પડે તે માટે મુંબઈ ટ્રાફિક પોલીસે ચેમ્પિયનના રૂટ અંગે એડવાઈઝરી બહાર પાડી છે.
આ રસ્તાઓ બંધ કરવામાં આવશે.
સાંજે 5 થી 7 દરમિયાન મરીન ડ્રાઈવના નરીમાન પોઈન્ટથી વાનખેડે સ્ટેડિયમ સુધી વિજય સરઘસ કાઢવામાં આવશે. ભારે ભીડને નિયંત્રિત કરવા માટે, ટ્રાફિક પોલીસ દક્ષિણ મુંબઈના સાત રસ્તાઓ બંધ કરશે.
NS રોડ (નોર્થ બાઉન્ડ): NCPA થી મેઘદૂત બ્રિજ સુધી બંધ રહેશે.
વૈકલ્પિક માર્ગ: રામનાથ પોદ્દાર ચોક, મહર્ષિ કારવે રોડ, અહિલેબાઈ હોલકર ચોક, મરીન લાઈન્સ, ચરણી રોડ, પંડિત પલુસ્કર ચોક.
NS રોડ (દક્ષિણ બાઉન્ડ): મેઘદૂત બ્રિજથી NCPA/હુતાત્મા રાજગુરુ ચોક સુધી બંધ રહેશે.
વીર નરીમાન રોડ (ઉત્તર બાઉન્ડ): અહિલબાઈ હોલકર ચોકથી કિલાચંદ ચોક સુધી બંધ રહેશે.
દિનશા વાચા રોડ (ઉત્તર બાઉન્ડ): YAA ચોકથી રતનલાલ બાબુના ચોક સુધી બંધ રહેશે.
મેડમ કામા રોડ (ઉત્તર બાઉન્ડ): હુતાત્મા રાજગુરુ ચોકથી વેઉતાઈ ચવ્હાણ ચોક સુધી બંધ રહેશે.
બેરિસ્ટર રજની પટેલ માર્ગ (ઉત્તર બાઉન્ડ): સખાર ભવન જંકશનથી NS રોડ સુધી બંધ રહેશે.
વિનાય કે શાહ માર્ગ (ઉત્તર બાઉન્ડ): જમનાલાલ બજાજ માર્ગથી મુરલી દેવરા ચોક અને એનએસ રોડ સુધી બંધ રહેશે.
વૈકલ્પિક માર્ગ: રામનાથ ગોએન્કા માર્ગથી સખાર ભવન જંક્શન લો, પછી બેરિસ્ટર રજની પટેલ માર્ગ અને ફ્રી પ્રેસ સર્કલ તરફ આગળ વધો.
પાર્કિંગ પ્રતિબંધો
વિજય સરઘસ માટે નિર્ધારિત રૂટ પર પાર્કિંગ પર પણ પ્રતિબંધ મુકવામાં આવ્યો છે. એનએસ રોડ, વીર નરીમાન રોડ, મેડમ કામા રોડ, ફ્રી પ્રેસ માર્ગ, દિનશા વાચા રોડ અને મહર્ષિ કર્વે રોડ પર આખો દિવસ પાર્કિંગ પર પ્રતિબંધ રહેશે. વિધાનસભા સત્ર ચાલુ હોવાને કારણે જમનાલાલ બજાજ માર્ગ સિવાય બેરિસ્ટર રજની પટેલ માર્ગ, રામનાથ ગોએન્કા માર્ગ, વિનય કે શાહ રોડ સિવાય સવારથી રાત સુધી પાર્કિંગ પર પ્રતિબંધ રહેશે.
ટ્રેન્ડિંગ સમાચાર
ટોપ સ્ટોરી
