Team India Schedule: હવે 40 દિવસ બાદ મેદાનમાં ઉતરશે ટીમ ઈન્ડિયા, જાણો ક્યારે અને કોની સામે થશે મુકાબલો
IND vs BAN Test Series: ટીમ ઈન્ડિયા 40 દિવસ આરામ કરશે. આ પછી તે બાંગ્લાદેશ સામેની ટેસ્ટ શ્રેણી માટે મેદાનમાં ઉતરશે.
IND vs BAN Test Series: ભારતે તાજેતરમાં શ્રીલંકા સામે T20 અને ODI શ્રેણી રમી. ટીમ ઈન્ડિયાએ સૂર્યકુમાર યાદવની કેપ્ટન્સીમાં ટી-20 સિરીઝ જીતી હતી. પરંતુ વનડે શ્રેણીમાં હારનો સામનો કરવો પડ્યો હતો. હવે ભારતીય ટીમ 40 દિવસ આરામ કરશે. આ પછી તે ફરીથી મેદાનમાં ઉતરશે. રસપ્રદ વાત એ છે કે ભારતે આ વર્ષે ODI રમવાની નથી. ટીમ ઈન્ડિયા માત્ર ટેસ્ટ અને ટી20 સિરીઝ રમશે. બાંગ્લાદેશ ક્રિકેટ ટીમ સપ્ટેમ્બરમાં ભારતના પ્રવાસે આવી રહી છે.
ભારત અને બાંગ્લાદેશ વચ્ચે બે ટેસ્ટ અને ત્રણ ટી-20 મેચોની શ્રેણી રમાશે. ટેસ્ટ શ્રેણીની પ્રથમ મેચ 19 સપ્ટેમ્બરથી ચેન્નાઈમાં રમાશે. બીજી ટેસ્ટ મેચ 27 સપ્ટેમ્બરથી કાનપુરમાં રમાશે. ભારત અને બાંગ્લાદેશ વચ્ચે T20 શ્રેણીની પ્રથમ મેચ ધર્મશાલામાં રમાશે. આ મેચ 6 ઓક્ટોબરે રમાશે. આ પછી બીજી T20 મેચ 9 ઓક્ટોબરે દિલ્હીમાં રમાશે. ત્રીજી અને છેલ્લી મેચ 12 ઓક્ટોબરે હૈદરાબાદમાં રમાશે.
ટીમ ઈન્ડિયાને બાંગ્લાદેશ બાદ ન્યુઝીલેન્ડનો સામનો કરવાનો છે. ભારત અને ન્યુઝીલેન્ડ વચ્ચે બે ટેસ્ટ મેચની શ્રેણી રમાશે. ટીમ ઈન્ડિયા ઓસ્ટ્રેલિયા સામે 5 ટેસ્ટ મેચ રમવાની છે. આ શ્રેણી ભારત અને ઓસ્ટ્રેલિયા બંને માટે ખૂબ જ મહત્વપૂર્ણ છે, કારણ કે ICC વર્લ્ડ ટેસ્ટ ચેમ્પિયનશિપ 2023-25ની ફાઇનલમાં પહોંચવા માટે બંને ટીમોએ આ શ્રેણી જીતવી જરૂરી છે. ભારતીય ટીમે આ પાંચ મેચોની ટેસ્ટ શ્રેણીમાં એક ટેસ્ટ મેચ ડે-નાઈટ રમવાની છે. રોહિત શર્માની કપ્તાનીમાં ભારતે ચેમ્પિયન્સ ટ્રોફી પહેલા ઘણો પરસેવો પાડવો પડશે.
નિરાશાજનક રહી શ્રીલંકા સામેની વનડે સિરીઝ
Sri Lanka win the Third ODI and the series 2-0.
— BCCI (@BCCI) August 7, 2024
Scorecard ▶️ https://t.co/Lu9YkAmnek#TeamIndia | #SLvIND pic.twitter.com/ORqj6aWvRW
તમને જણાવી દઈએ કે શ્રીલંકાએ હાલમાં જ ભારતને ત્રણ મેચની વનડે શ્રેણીમાં 2-0થી હરાવ્યું છે. શ્રીલંકાએ બે મેચ જીતી હતી અને એક મેચ ટાઈ રહી હતી. આ સિરીઝમાં રોહિત શર્મા સિવાય લગભગ તમામ ખેલાડીઓ ફ્લોપ રહ્યા હતા. અક્ષર પટેલે પણ સારું પ્રદર્શન કર્યું હતું. પરંતુ કેએલ રાહુલ, શ્રેયસ અય્યર અને શુભમન ગિલ સહિત તમામ બેટ્સમેનો ફ્લોપ રહ્યા હતા. રાહુલ અને અય્યર લાંબા સમય બાદ ટીમ ઈન્ડિયામાં પરત ફર્યા છે. પરંતુ તે સારું પ્રદર્શન કરી શક્યા નહોતો.
ટોપ સ્ટોરી
ટ્રેન્ડિંગ સમાચાર
