સચિન તેંડુલકરને ભારતીય ટીમમાં લેવા માટે પસંદગીકારોને સમજાવનારા મહાન કોચનું નિધન, સચિન વિશે શું કહેલું ?
ભારતીય ક્રિકેટના ઘણા મહાન સ્ટાર્સના માર્ગદર્શક તરીકે તેમને ઘણી ઓળખ મળી.
Vasudeo Paranjape Death: માસ્ટર-બ્લાસ્ટર સચિન તેંડુલકર, સુનીલ ગાવસ્કર, દિલીપ વેંગસરકર, સંજય માંજરેકર અને હાલમાં રોહિત શર્મા ટીમ ઇન્ડિયાના કેટલાક મોટા નામ છે. આ મહાન બનવાની સફળમાં અનેક કોચ અને મેન્ટરની ભૂમિકા હોય છે જેમના વિશે આપણે બહુ ઓછું જાણીએ છીએ. એવા જ એક ભારતીય ક્રિકેટના અજાણ્યા હીરો વાસુદેવ પરાંજપેનું ગઈકાલે 82 વર્ષની વયે મુંબઈમાં તેમના નિવાસસ્થાને નિધન થયું. પરંજપેના નિધન પર દુઃખ વ્યક્ત કરતા સચિને એમ પણ કહ્યું કે, એવું લાગે છે કે જાણે મારો એક ભાગ આ દુનિયા છોડી ગયો છે.
તમને જણાવી દઈએ કે વાસુદેવ જતીન પરાંજપેના પિતા પણ હતા, જે ભારત માટે ચાર વન ડે ઈન્ટરનેશનલ રમવાની સાથે રાષ્ટ્રીય પસંદગીકાર પણ રહી ચૂક્યા છે. જોકે પરાંજપેની રમવાની કારકિર્દી ટૂંકી હતી. તેણે મુંબઈ અને બરોડા માટે 29 ફર્સ્ટ ક્લાસ મેચ રમી હતી. ભારતીય ક્રિકેટના ઘણા મહાન સ્ટાર્સના માર્ગદર્શક તરીકે તેમને ઘણી ઓળખ મળી. પરાંજપે તેમના કામમાં એટલા નિષ્ણાત હતા કે ઘણા વિદેશી ખેલાડીઓ પણ તેમની પાસે સલાહ માટે આવતા હતા. આમાંથી એક નામ ઇંગ્લેન્ડના બેટ્સમેન એડ સ્મિથનું પણ હતું. પરાંજપેની બેટિંગ તકનીકોનું જ્ઞાન અને ખેલાડીઓમાંથી શ્રેષ્ઠ મેળવવાની તેમની કળાના લોકો ચાહક હતા.
મારામાંથી એક ભાગ દુનિયા છોડી ગયો છે - સચિન
સચિન તેંડુલકરે પણ પરાંજપેને તેમના મૃત્યુ પર દુઃખ વ્યક્ત કરીને શ્રદ્ધાંજલિ આપી છે. તેંડુલકરે કહ્યું છે કે, "અમે બધા તેને વાસુ સરના નામથી બોલાવીએ છીએ. તે મારા શ્રેષ્ઠ કોચમાંના એક હતા. મારી ક્રિકેટ યાત્રાનો મહત્વનો ભાગ હોવા ઉપરાંત, તેઓ ઘણી રીતે મારા માર્ગદર્શક પણ હતા." તેંડુલકરે એમ પણ કહ્યું હતું કે, "મારી કારકિર્દીના શરૂઆતના દિવસોમાં તે મને મરાઠીમાં કહેતા હતા કે તમે પ્રથમ 15 મિનિટ માટે વિરોધી ટીમની બોલિંગ જુઓ અને તે પછી તેઓ તમને આખો દિવસ બેટિંગ કરતા જોશે."
I feel that a piece of me has left the world.
— Sachin Tendulkar (@sachin_rt) August 30, 2021
Rest in Peace Vasu Sir. 🙏 pic.twitter.com/0ynyJ7LQNu
સચિન તેંડુલકરે એમ પણ કહ્યું હતું કે, "ઇન્દોરમાં અંડર -15 રાષ્ટ્રીય શિબિર દરમિયાન અમે જ્યાં રોકાયા હતા ત્યાંના રખેવાળ વાસુ સર પાસે અમારી ફરિયાદ લઇને ગયા હતા. તેમણે વાસુ સરને ફરિયાદ કરી હતી કે, બાળકો રાત્રે ટેનિસ બોલથી ક્રિકેટ રમે છે. તેના પર વાસુ સરે તેને કહ્યું, તેઓ બાળકો છે અને રમશે. તમે પણ જાઓ અને તેમના માટે ફિલ્ડિંગ કરો. તેમણે આવી ઘણી યાદો અમારી સાથે છોડી છે. મને લાગે છે કે જાણે મારો એક ભાગ આ દુનિયા છોડી ગયો છે. RIP વાસુ સર. "
પરાંજપે સરએ ક્રિકેટને ઘણું આપ્યું: સુનીલ ગાવસ્કર
ગયા વર્ષે પરાંજપે પર લખાયેલ ક્રિકેટ દ્રોણ નામનું પુસ્તક પણ બહાર પાડવામાં આવ્યું હતું. આ માટે આયોજિત સમારોહમાં ગાવસ્કરે પરાંજપે વિશે પણ કહ્યું હતું કે, "પરંજપે સર સંપૂર્ણપણે ક્રિકેટને સમર્પિત છે. તેમણે ક્રિકેટમાંથી જે મેળવ્યું છે તેના કરતાં ક્રિકેટને વધુ આપ્યું છે."
આ જ કાર્યક્રમમાં ટીમ ઈન્ડિયાના ઓપનર રોહિત શર્માએ પણ કહ્યું હતું કે, "પરાંજપે સરે મને શીખવ્યું કે કેવી રીતે વિવિધ પરિસ્થિતિઓમાં બેટિંગની શૈલી બદલવી કોચિંગના શરૂઆતના દિવસોમાં તે હંમેશા કહેતો કે પરિસ્થિતિ ક્યારેય સરખી નથી હોતી. શક્ય તેટલી વહેલી તકે રમત વાંચવાનો પ્રયાસ કરો. તમે ક્યાં રમી રહ્યા છો, આ પરિસ્થિતિમાં તમે ટીમ માટે શું કરી શકો છો. અત્યારે તમારી પાસે આ સુંદર બાબતો શીખવાની તક છે, જ્યારે તમે મુંબઈ અથવા ભારત તરફથી રમશો, ત્યારે તમને એટલી તક નહીં મળે. "
ટ્રેન્ડિંગ સમાચાર
ટોપ સ્ટોરી
