Ahmedabad: રખિયાલમાં આતંક મચાવનારાનો પોલીસે વરઘોડો કાઢ્યો, ટાંટિયાતોડ સર્વિસથી ચાલવામાં પણ ફાફા
અમદાવાદના રખિયાલમાં આતંક મચાવનાર ગુંડાઓનો પોલીસે વરઘોડો કાઢ્યો છે. પોલીસે ચાર આરોપીઓની ટાંટિયાતોડ સર્વિસ કરી છે. તલવાર લઈને દાદાગીરી કરનાર લુખ્ખાઓને ચાલવાના પણ ફાફા પડ્યા હતા.
અમદાવાદ: અમદાવાદના બાપુનગર અને રખિયાલમાં આતંક મચાવનાર વધુ બે આરોપીની ધરપકડ કરવામાં આવી છે. મહેફુઝ અને અલ્તાફ ઉર્ફે જુમ્મનને દબોચી લેવાયા છે. લુખ્ખાતત્વોએ જાહેરમાં હથિયાર લઇને આતંક મચાવ્યો હતો. અમદાવાદના રખિયાલમાં આતંક મચાવનાર ગુંડાઓનો પોલીસે વરઘોડો કાઢ્યો છે. પોલીસે ચાર આરોપીઓની ટાંટિયાતોડ સર્વિસ કરી છે. તલવાર લઈને દાદાગીરી કરનાર લુખ્ખાઓને ચાલવાના પણ ફાફા પડ્યા હતા. તલવાર બતાવનાર અસામાજિક શખ્સો હાથ જોડતા કેમેરામાં દેખાયા હતા.
અમદાવાદના રખિયાલમાં આતંક મચાવનાર આરોપી સમીર શેખને મેટ્રો કોર્ટમાં રજૂ કરાયો હતો. 24 ડિસેમ્બર સુધી રિમાન્ડ મંજૂર કરવામાં આવ્યા છે. પોલીસે 14 દિવસના રિમાન્ડની માંગ કરી હતી.
અમદાવાદના બાપુનગર અને રખિયાલમાં હથિયાર લઇને આતંક મચાવનાર આરોપીઓના ઘર પર બુલડોઝર ફરી શકે છે. ગેરકાયદે બાંધકામ જમીનદોસ્ત કરાશે. આરોપીઓ ગુનાહિત ઇતિહાસ ધરાવે છે. પાસા હેઠળ પણ કાર્યવાહી થઇ ચૂકી છે.
શું છે સમગ્ર ઘટના
અમદાવાદના રખિયાલ અને બાપુનગર વિસ્તારમાં ગુંડાતત્વોએ જાહેર રસ્તા પર હથિયાર લઈ આતંક મચાવ્યો હતો. આ ઘટનાનો વીડિયો વાયરલ થયો હતો.આ કેસમાં આરોપી વિરૂદ્ધ સમયસર યોગ્ય કાર્યવાહી ન કરી શકનારા બે પોલીસકર્મીઓને સસ્પેન્ડ કરી દેવામાં આવ્યા છે. ઘટનાસ્થળ પર પહોંચેલા પોલીસકર્મીઓને પણ લુખ્ખાતત્વોએ ધક્કો મારીને પોલીસવાહનમાં બેસાડી દેતા હોવાનો વીડિયો સામે આવ્યો હતો.
રખિયાલના ગરીબનગર પાસે અસામાજિક તત્વોએ તલવાર અને અન્ય હથિયાર હાથમાં રાખીને ખુલ્લેઆમ આતંક મચાવ્યો હતો. રખિયાલ નૂર હોટલથી શરૂ થયેલી માથાકુટ બાપુનગર પોલીસની હદ સુધી પહોંચી હતી. રખિયાલમાં આતંક મચાવનાર ટોળકીએ બાપુનગરમાં પણ જાહેરમાં હથિયારથી આતંક મચાવ્યો હતો. પોલીસ વાન પહોંચતા અસામાજિક તત્વોએ પોલીસકર્મીને હથિયાર દેખાડી ગાડીમાં બેસી જવા ઈશારો કરી જબરદસ્તી ગાડીમાં બેસાડ્યા હતા. એટલુ જ નહીં, પોલીસની ગાડીમાં પણ હથિયાર વડે તોડફોડ કરી હતી. બનાવની જાણ થતા ઉચ્ચ પોલીસ અધિકારીઓ પણ રાત્રે ઘટનાસ્થળ પર પહોંચ્યા હતા.
બે પોલીસ કર્મચારીઓ સસ્પેન્ડ
આ સમગ્ર મામલે બાપુનગર પોલીસે એક અને રખિયાલ પોલીસે એક ફરિયાદ નોંધી હતી. રખિયાલ પોલીસે સમીર ઉર્ફે ચીકા મહેબુબ મિયા શેખ નામના આરોપીની ધરપકડ કરી હતી જ્યારે અન્ય ફરાર ગુંડાતત્વોની શોધખોળ શરૂ કરી હતી. વાયરલ વીડિયો બાદ ઈન્ચાર્જ ઝોન છ ડીસીપીએ બે પોલીસ કર્મચારીઓને સસ્પેન્ડ કર્યા છે. જેમાં હેડ કોન્સ્ટેબલ ખુમાનસિંહ અને કોન્સ્ટેબલ મિતેશકુમારને સસ્પેન્ડ કરી દેવામાં આવ્યા છે.
અમદાવાદમાં ગુંડાતત્વોએ જાહેર રસ્તા પર હથિયાર લઈ મચાવ્યો આતંક, બે પોલીસકર્મી સસ્પેન્ડ
ટોપ સ્ટોરી
ટ્રેન્ડિંગ સમાચાર
