Video: ફ્લોપ બેટિંગ વચ્ચે પણ વિરાટ કોહલીનો મસ્તી ભર્યા ડાન્સનો વીડિયો વાયરલ

વિરાટ કોહલીનું (Virat Kohli) બેટ ભલે રન ના બનાવી રહ્યું હોય અને ભલે એકદમ શાંત સ્થિતિમાં હોય, પરંતુ આ વાતથી કોહલીના મૂડ પર કોઈ ફર્ક પડતો નથી દેખાઈ રહ્યો.

વિરાટ કોહલી

Virat Kohli Dance at Old Trafford: વિરાટ કોહલીનું (Virat Kohli) બેટ ભલે રન ના બનાવી રહ્યું હોય અને ભલે એકદમ શાંત સ્થિતિમાં હોય, પરંતુ આ વાતથી કોહલીના મૂડ પર કોઈ ફર્ક પડતો નથી દેખાઈ રહ્યો. તે હંમેશા મસ્તીભર્યા અંદાજમાં જ જોવા મળે છે. હવે તેને એક વીડિયો સામે આવ્યો છે જેમાં તે ઓલ્ડ ટ્રેફર્ડ (Old Trafford) મેદાન પર ડાન્સ કરતો જોવા મળી રહ્યો છે.

કોહલી મેદાન પર ડાન્સ કરતો જોવા મળ્યોઃ
ભારત અને ઈંગ્લેન્ડ વચ્ચે ત્રણ મેચોની વન ડે સિરીઝની છેલ્લી અને નિર્ણાયક મેચ આજે મેનચેન્સટરના ઓલ્ડ ટ્રેફર્ડ ક્રિકેટ ગ્રાઉન્ડ પર રમાઈ રહી છે. આ મેચમાં ભારતે ટોસ જીતીને પહેલાં બોલીંગ કરવાનું પસંદ કર્યું છે. આ મેચ શરુ થઈ તે પહેલાં વિરાટ કોહલી મેદાન પર ડાન્સ કરતો જોવા મળ્યો હતો. આ દરમિયાન વિરાટ કોહલી ડાન્સ કરતી વખતે વીડિયો બનાવનાર સામે કંઈક ઈશારો કરતો પર જોવા મળ્યો હતો. કોહલીનો આ વીડિયો હાલ સોશિયલ મીડિયા પર ખુબ વાયરલ થઈ રહ્યો છે.

Virat Kohli is a mood on the ground. pic.twitter.com/FSEmSxUOHQ

— Mufaddal Vohra (@mufaddal_vohra) July 17, 2022

વિરાટ કોહલી ઈંગ્લેન્ડ સામે ત્રીજી વન ડે મેચમાં પણ પ્લેઈંગ ઈલેવનમાં છે. જો કે, અત્યાર સુધી ઈંગ્લેન્ડ પ્રવાસ દરમિયાન વિરાટ કોહલીએ કંઈ ખાસ પ્રદર્શન નથી કર્યું. વિરાટનું ફોર્મ ઈંગ્લેન્ડ સામેની ત્રણેય ફોર્મેટની મેચોમાં ખરાબ રહ્યું છે. ઉલ્લેખનીય છે કે, કોહલી ઘણા લાંબા સમયથી ખરાબ ફોર્મમાં છે. સતત વિરાટ કોહલીનું પ્રદર્શન ખરાબ રહેવાથી ફેન્સ પણ નિરાશ છે ત્યારે હવે વિરાટ કોહલીનો ડાન્સ કરતો વીડિયો લોકોને પસંદ આવી રહ્યો છે.

આ પણ વાંચોઃ