અંગૂઠામાં ફેક્ચર થતા ટીમ ઈન્ડિયામાંથી બહાર થયો પંત, આ ખેલાડીની અચાનક લાગી લોટરી

Manchester Test: ટીમ ઈન્ડિયાને માન્ચેસ્ટર ટેસ્ટ દરમિયાન મોટો ઝટકો લાગ્યો છે. વિકેટકીપર-બેટ્સમેન ઋષભ પંતના જમણા પગના અંગૂઠામાં ફ્રેક્ચર હોવાની પુષ્ટિ થઈ છે.

ઋષભ પંત

Source : Social Media

Manchester Test: ઇંગ્લેન્ડ પ્રવાસ દરમિયાન ટીમ ઇન્ડિયાને મોટો ઝટકો લાગ્યો છે. સ્ટાર વિકેટકીપર બેટ્સમેન ઋષભ પંતના જમણા પગના અંગૂઠામાં ફ્રેક્ચર હોવાની પુષ્ટિ થઈ છે. ડોક્ટરોએ તેમને ઓછામાં ઓછા 6 અઠવાડિયા આરામ કરવાની સલાહ આપી છે. આવી સ્થિતિમાં, પંતના વાપસી અંગે હજુ પણ સસ્પેન્સ છે.

 

🚨 RISHABH PANT ADVISED FOR 6 WEEK REST 🚨

- Medical team is checking if Pant can bat after taking a pain-killer if need be but chances are slim. [Devendra Pandey from Express Sports]

Ishan Kishan set to be added to the squad for the 5th Test. pic.twitter.com/hDVbtJzLLj

— Johns. (@CricCrazyJohns) July 24, 2025

માન્ચેસ્ટર ટેસ્ટના પહેલા દિવસે, તે ઘાયલ થયો હતો અને રિટાયર્ડ હર્ટ થયો હતો. ભારતની ઇનિંગ્સની 68મી ઓવરમાં, જ્યારે પંત 37 રન પર બેટિંગ કરી રહ્યો હતો, ત્યારે તેણે ઇંગ્લેન્ડના બોલર ક્રિસ વોક્સ સામે રિવર્સ સ્વીપ રમવાનો પ્રયાસ કર્યો, પરંતુ બોલ તેના જૂતામાં વાગ્યો. બોલ તેના બેટની અંદરની ધારથી લાગી ગયો અને તેના અંગૂઠામાં વાગ્યો.

આ પછી, પંત જમીન પર સૂઈ ગયો અને પીડાથી કણસવા લાગ્યો. તેનો પગ સોજી ગયો હતો અને લોહી પણ વહી રહ્યું હતું. તે ચાલી શકતો ન હતો, અને ફિઝિયોની મદદથી તેને મેડિકલ ટીમની કારમાં મેદાનની બહાર લઈ જવામાં આવ્યો. BCCIના સૂત્રોએ જણાવ્યું હતું કે, 'સ્કેનમાં ફ્રેક્ચર જોવા મળ્યું છે. તે 6 અઠવાડિયા સુધી રમી શકશે નહીં. મેડિકલ ટીમ જોઈ રહી છે કે પેઇનકિલર્સ લીધા પછી તે ફરીથી બેટિંગ કરી શકે છે કે નહીં, પરંતુ હાલમાં તે ચાલી પણ શકતો નથી, તેથી તેના ફરીથી રમવાની શક્યતા ખૂબ ઓછી છે.'

ટીમ ઈન્ડિયાના 4 ખેલાડી ઘાયલ

દરમિયાન, પસંદગી સમિતિએ ઈશાન કિશનને અંતિમ ટેસ્ટ (31 જુલાઈથી 4 ઓગસ્ટ, ઓવલ) માટે ટીમમાં ઉમેરવાનો નિર્ણય લીધો છે કારણ કે પંત હવે તે મેચમાં રમી શકશે નહીં. ભારત પહેલેથી જ ઈજાની સમસ્યાઓનો સામનો કરી રહ્યું છે. ઓલરાઉન્ડર નીતિશ કુમાર રેડ્ડી (ઘૂંટણની ઈજા) પહેલાથી જ બહાર છે અને ઝડપી બોલર આકાશ દીપ (જાંઘની ઈજા) અને અર્શદીપ સિંહ (અંગૂઠાની ઈજા) પણ ચોથી ટેસ્ટ માટે ઉપલબ્ધ નથી. આમ હાલમાં ટીમ ઈન્ડિયાના ચાર ખેલાડી ઘાયલ છે.

આ પણ વાંચો

IND vs ENG: યશસ્વી જયસ્વાલે માન્ચેસ્ટરમાં 51 વર્ષ જૂનો રેકોર્ડ તોડ્યો, અડધી સદી ફટકારી ઇતિહાસ રચ્યો

KL Rahul: માન્ચેસ્ટરમાં 28 રન બનાવતા જ કેએલ રાહુલ રચ્યો ઈતિહાસ, ગાવસ્કર બાદ બન્યો બીજો ભારતીય ઓપનર