Year Ender 2023: ભારતીય ટીમના કેપ્ટન રોહિત શર્મા માટે અશુભ રહ્યું વર્ષ 2023, વર્લ્ડ કપ ફાઇનલ સહિત અનેક વખત મળી નિરાશા

Goodbye 2023: ભારતીય સુકાની તરીકે રોહિત શર્મા આ વર્ષે બે ICC ટ્રોફી ફાઈનલ હારી ગયો હતો.

વર્લ્ડકપ 2023ની ફાઈલનમાં હાર બાદ રોહિત શર્મા રડી પડ્યો હતો

Source : PTI

Flash Back 2023: રોહિત શર્મા માટે 2023નું વર્ષ દુઃસ્વપ્નથી ઓછું નથી. એક ખેલાડી તરીકે તે સારા ફોર્મમાં દેખાતો હતો પરંતુ કેપ્ટન તરીકે આ વર્ષ તેના માટે 'અશુભ' રહ્યું. ભારતીય કેપ્ટનને આ વર્ષે ઘણી વખત નિરાશાનો સામનો કરવો પડ્યો હતો. રોહિત શર્મા માત્ર ટીમ ઈન્ડિયા તરીકે જ નહીં પરંતુ આઈપીએલના કેપ્ટન તરીકે પણ અસફળ દેખાયા હતા. IPL 2024 પહેલા મુંબઈ ઈન્ડિયન્સે રોહિતને કેપ્ટનશિપ પરથી હટાવી દીધો હતો. ભારતીય સુકાની તરીકે તે આ વર્ષે બે ICC ટ્રોફી ફાઈનલ હારી ગયો હતો.

ICC વર્લ્ડ ટેસ્ટ ચેમ્પિયનશિપની ફાઇનલમાં હાર

સૌથી પહેલા રોહિત શર્માની કેપ્ટન્સીવાળી ટીમ ઈન્ડિયા જૂનમાં ઓસ્ટ્રેલિયા સામે રમાયેલી વર્લ્ડ ટેસ્ટ ચેમ્પિયનશિપની ફાઈનલ મેચ હારી ગઈ હતી. રોહિતની કેપ્ટનશીપમાં ટીમ ઈન્ડિયા ખૂબ જ નજીક આવી અને આઈસીસી ટ્રોફી હારી ગઈ. ટેસ્ટ ચેમ્પિયનશિપની ટાઈટલ મેચમાં ઓસ્ટ્રેલિયાએ ટીમ ઈન્ડિયાને 209 રનથી હરાવ્યું હતું.

ODI વર્લ્ડ કપ 2023ની ફાઇનલમાં હાર

ભારતની ધરતી પર રમાયેલા ODI વર્લ્ડ કપ 2023માં રોહિત શર્માની કપ્તાનીવાળી ટીમ ઈન્ડિયાને ફાઇનલમાં ઓસ્ટ્રેલિયાના હાથે હારનો સામનો કરવો પડ્યો હતો. ટાઈટલ મેચમાં ઓસ્ટ્રેલિયાએ રોહિત બ્રિગેડને 6 વિકેટથી હરાવ્યું હતું. રોહિત શર્માની કપ્તાનીવાળી ટીમ ઈન્ડિયા સેમીફાઈનલ સહિત સતત તમામ 10 વર્લ્ડ કપ મેચ જીત્યા બાદ ઓસ્ટ્રેલિયા સામે ટાઈટલ મેચ હારી ગઈ હતી.

મુંબઈ ઈન્ડિયન્સે તેને સુકાનીપદેથી હટાવી દીધો હતો

રોહિત શર્મા હમણાં જ બે ICC ટ્રોફી ગુમાવવાના દુઃખમાંથી બહાર આવી રહ્યો હતો જ્યારે તેની IPL ટીમે તેને સુકાનીપદેથી હટાવીને મોટો આંચકો આપ્યો હતો. રોહિત શર્માએ તેની કપ્તાની હેઠળ મુંબઈ ઈન્ડિયન્સને 5 વખત આઈપીએલ ટાઇટલ જીતાડ્યું છે, પરંતુ તેમ છતાં મુંબઈએ તેમના નિયમિત કેપ્ટનને ટાટા કહીને નવા કેપ્ટન તરીકે હાર્દિક પંડ્યાની પસંદગી કરી છે. હાર્દિક પંડ્યા શરૂઆતમાં ફક્ત મુંબઈ ઈન્ડિયન્સનો જ ભાગ બન્યો હતો, પરંતુ થોડા દિવસો પસાર થયા બાદ મુંબઈ ઈન્ડિયન્સે હાર્દિકને કેપ્ટન બનાવવાની સત્તાવાર જાહેરાત કરી હતી.

આ પણ વાંચોઃ