IPL 2025: 'એમએસ ધોનીને બનાવો...', CSKએ BCCIની સામે રાખી અનોખી માંગ; કાવ્યા મારને કર્યો વિરોધ....
BCCI Meeting IPL Owers: BCCIની અને ટીમ માલિકોની મીટિંગમાં એમએસ ધોની પર પણ ચર્ચા થઈ. CSKએ બોર્ડની સામે જાણો કેવી અનોખી માંગ રાખી છે?
MS Dhoni Uncapped Player IPL 2025 Mega Auction: છેલ્લા દિવસોમાં IPL 2025 ચર્ચાનો વિષય રહ્યો છે અને મેગા ઓક્શન પર ચર્ચા શરૂ થઈ ગઈ છે. આ દરમિયાન ચેન્નઈ સુપર કિંગ્સ (CSK)ના મેનેજમેન્ટે BCCIને વિનંતી કરી છે કે મેગા ઓક્શન પહેલાં એમએસ ધોનીને એક અનકેપ્ડ પ્લેયર તરીકે જોવામાં આવે. એક મીડિયા રિપોર્ટમાં ખુલાસો થયો છે કે CSK એક જૂના નિયમને ફરીથી લાગુ કરાવવા માંગે છે. આ નિયમ અનુસાર જો કોઈ ખેલાડીને નિવૃત્ત થયે પાંચ વર્ષ કે તેથી વધુ સમય થઈ ગયો હોય, તેને અનકેપ્ડ પ્લેયર માનવામાં આવશે.
યાદ અપાવી દઈએ કે ઇન્ડિયન પ્રીમિયર લીગ સમિતિએ 2022ના ઓક્શન પહેલાં આ નિયમ પર રોક લગાવી દીધી હતી. આ નોંધવા જેવી વાત છે કે ધોનીએ આંતરરાષ્ટ્રીય સ્તરે ભારત માટે છેલ્લી મેચ 2019માં રમી હતી, જ્યારે 15 ઓગસ્ટ 2020ના રોજ તેમણે આંતરરાષ્ટ્રીય ક્રિકેટને અલવિદા કહી દીધી હતી. 31 જુલાઈએ મુંબઈમાં થયેલી મીટિંગ દરમિયાન CSKએ ધોનીને અનકેપ્ડ પ્લેયર જાહેર કરવાનો મુદ્દો ઉઠાવ્યો હતો, પરંતુ SRHની માલિક કાવ્યા મારન સહિત ઘણી ટીમોના માલિકો આ નિર્ણયના વિરોધમાં છે. તેમનું માનવું છે કે આનાથી ધોની સહિત અન્ય મહાન ખેલાડીઓની લીગસી ઝાંખી પડશે.
કાવ્યા મારને વિરોધ નોંધાવ્યો
સનરાઇઝર્સ હૈદરાબાદની માલિક કાવ્યા મારને તાજેતરમાં થયેલી મીટિંગમાં કહ્યું કે જો એક નિવૃત્ત થઈ ચૂકેલા ખેલાડીને અનકેપ્ડનો ટેગ આપીને ઓક્શનમાં લાવવામાં આવે તો આ તેની મહાનતા સાથે રમત રમવા જેવું થશે. કાવ્યાના અનુસાર જો કોઈ અનકેપ્ડ ખેલાડી ઓક્શનમાં આવીને રિટેન કરાયેલા અનકેપ્ડ પ્લેયર કરતાં વધારે રકમ લઈ જાય તો તે ધોની જેવા દિગ્ગજોનું અપમાન કરવા જેવું થશે. તેમનું સ્પષ્ટ શબ્દોમાં એ જ કહેવું હતું કે ધોનીએ ઓક્શનમાં ઉતરવું જોઈએ, જેથી હરાજીમાં તેમને યોગ્ય કિંમત મળી શકે.
ધોનીની ઘટી શકે છે સૅલરી?
BCCI અને IPL ટીમ માલિકોની મીટિંગમાં એક મુદ્દો એ પણ ઉઠાવવામાં આવ્યો કે જે ખેલાડીઓને નિવૃત્ત થયે પાંચ વર્ષ કે તેથી વધુ સમય થઈ ગયો છે, તેમની બેઝ પ્રાઇસ ઓછી હોવી જોઈએ. રિપોર્ટ્સ અનુસાર આ સૂચન IPLના ચીફ ઓપરેટિંગ ઓફિસર હેમંગ અમીને આપ્યું. તેમનું માનવું હતું કે આ ખેલાડીઓનું બેઝ પ્રાઇસ ઓછું હશે તો તેમને હરાજીમાં ખરીદવા જવાની સંભાવના વધી જશે.
ટોપ સ્ટોરી
ટ્રેન્ડિંગ સમાચાર
