ICCએ બેટ્સમેનોને મહેન્દ્રસિંહ ધોનીથી સાવચેત રહેવાની આપી સલાહ, જાણો શું કહ્યું....

ધોનીએ રન આઉટનું પરાક્રમ ન્યુઝિલેન્ડની ઇનિંગમાં 37મી ઓવરમાં કર્યું. તમને જણાવી દઈએ કે, કેદાર જાદવની બોલિંગમાં નીશમ અક્રોસ ધ લાઈન શોટ રમવા ગયો, પરંતુ બોલ મિસ કરી ગયો અને બોલ પેડ સાથે ટકરાયો. ત્યારબાદ તેની વિરુદ્ધ LBWની જબરદસ્ત અપીલ થઈ. અમ્પાયરે નીશમને નોટ આઉટ આપ્યો. અમ્પાયરને જોતા નીશમ આ સમયે ક્રીઝની બહાર આવી ગયો, પરંતુ ધોનીની નજર તો બોલ પર જ હતી.

તેણે જેવો નીશમને બહાર જતો જોયો. તરત જ ધોનીએ બોલ લઈને સ્ટંપ પર મારી દીધો અને આ રીતે અમ્પાયરને LBW નહી તો રન આઉટ આપવો પડ્યો. હાઈલાઈટમાં ખબર પડી કે, તે બોલ પર વાસ્તવમાં નીશમ LBW પણ આઉટ જ હતો. જોકે, નીશમ રન આઉટ થઈ ગયો, જેથી તે નિર્ણય હવે કોઈ કામનો ન રહ્યો. જોકે જે અંદાજમાં ધોનીએ વિકેટની પાછળ કામ કર્યું તે જોઈ બધા જ આશ્ચર્યમાં પડી ગયા.