FIFA WC 2022 Final: મેસી માટે આજે સૌથી મોટો દિવસ, ટ્રોફીની સાથે-સાથે આ 8 રેકોર્ડ પર રહેશે નજર

આર્જેન્ટિનાના સ્ટાર ફૂટબોલર લિયોનેલ મેસ્સી માટે આજનો દિવસ મોટો છે, જે તેનો પાંચમો અને સંભવતઃ છેલ્લો વર્લ્ડ કપ રમી રહ્યો છે.

લિયોનલ મેસી

Lionel Messi's Records: આર્જેન્ટિનાના સ્ટાર ફૂટબોલર લિયોનેલ મેસ્સી માટે આજનો દિવસ મોટો છે, જે તેનો પાંચમો અને સંભવતઃ છેલ્લો વર્લ્ડ કપ રમી રહ્યો છે. આજે તેની ટીમ વર્લ્ડ કપની ફાઇનલમાં ફ્રાન્સ સામે ટકરાશે. મેસ્સી માટે વર્લ્ડ કપ ટ્રોફી જીતવાની આ છેલ્લી તક હશે. તેની નજર આર્જેન્ટિનાને વર્લ્ડ ચેમ્પિયન બનાવવા પર હશે, આ સાથે તે 8 મોટા રેકોર્ડ પણ પોતાના નામે કરી શકે છે. અહીં જાણો આજે ફાઈનલ મેચમાં તે કયા રેકોર્ડ તોડી શકે છે...

1. લિયોનેલ મેસ્સી અત્યાર સુધીમાં 25 વર્લ્ડ કપ મેચ રમી ચૂક્યો છે. તેણે સૌથી વધુ વર્લ્ડ કપ મેચ રમવાના જર્મનીના લોથર મથૌસના રેકોર્ડની બરાબરી કરી લીધી છે. ફિફા વર્લ્ડ કપની ફાઈનલ મેચમાં ઉતરવાની સાથે જ તે સૌથી વધુ વર્લ્ડ કપ મેચ રમનાર ખેલાડી બની જશે.

2. ઈટાલીનો પાઉલો માલદીની વર્લ્ડ કપમાં 2,217 મિનિટ સુધી મેદાન પર રહ્યો હતો. મેસ્સી (2,194 મિનિટ) આ રેકોર્ડથી માત્ર 23 મિનિટ પાછળ છે. આજની મેચમાં મેદાન પર 24 મિનિટ વિતાવ્યા બાદ તે વિશ્વકપમાં સૌથી વધુ સમય રમનાર ખેલાડી બની જશે.

3. બ્રાઝિલના દિગ્ગજ ફૂટબોલર પેલેએ વર્લ્ડ કપમાં સૌથી વધુ ગોલ (10) કરવામાં મદદ કરી છે. જો મેસ્સી આજે બે ગોલ કરવામાં મદદ કરશે તો તે પેલેને પાછળ છોડી દેશે.

4. વર્લ્ડ કપ નોકઆઉટ રાઉન્ડમાં સૌથી વધુ ગોલ (6) કરવામાં મદદ કરવામાં મેસ્સી પણ બ્રાઝિલના દિગ્ગજ ખેલાડી પેલેની બરાબર છે. જો તે આજે એક પણ ગોલમાં મદદ કરશે તો તે આ મામલે પણ નંબર-1 બની જશે.

5. મેસ્સીએ વર્લ્ડ કપ 2014માં ગોલ્ડન બોલ પણ જીત્યો હતો. આ વખતે પણ તે આ એવોર્ડ જીતવાની ખૂબ નજીક છે. જો તે આવું કરી શકશે તો તે વિશ્વ કપમાં બે વખત ગોલ્ડન બોલ એવોર્ડ મેળવનાર પ્રથમ ફૂટબોલર બનશે.

6. મેસ્સીએ 13 વર્લ્ડ કપ મેચોમાં નિર્ણાયક ભૂમિકા ભજવી છે. આ 13 મેચોમાં તેણે કાં તો ગોલ કર્યા છે અથવા તો મદદ કરી છે. આ મામલામાં તે બ્રાઝિલના રોનાલ્ડોની બરાબરી પર છે. તે આજની મેચમાં ગોલ કરીને અથવા આસિસ્ટ કરીને રોનાલ્ડોને પાછળ છોડી શકે છે.

7. અત્યાર સુધીમાં સાત ખેલાડીઓએ ગોલ્ડન બોલ અને ગોલ્ડન બૂટ બંને મોટા એવોર્ડ જીત્યા છે. જો આજે મેસ્સી ફ્રાન્સના Mbappeને ગોલની રેસમાં હરાવશે તો તે પણ આ યાદીમાં સામેલ થઈ જશે.

8. મેસ્સીએ અત્યાર સુધીમાં 11 ગોલ અને 9 આસિસ્ટ કર્યા છે. તે બ્રાઝિલના પેલે (22)થી માત્ર બે ડગલાં પાછળ છે. આજે તેની પાસે આ મામલે પણ પેલેને પાછળ છોડવાની તક છે.