FIFA WC 2022: આજે આ દિગ્ગજ ટીમો મેદાનમાં ટકરાશે, જાણો મેચનો સમય-લાઈવ ટેલિકાસ્ટ વિષે
આજે ચાર વખતની વર્લ્ડ ચેમ્પિયન જર્મની જાપાન સાથે ટકરાશે. બરાબર એ જ સમયે 2010 વર્લ્ડકપ વિજેતા સ્પેન કોસ્ટારિકા સામે ટકરાશે. ગત વખતની ઉપવિજેતા ક્રોએશિયાનો મુકાબલો મોરોક્કો સામે થશે.
FIFA WC 2022 Fixture: ફિફા વર્લ્ડકપ પ્રારંભ જ રસપ્રદ બન્યો છે. ગઈ કાલે જ સાઉદી અરબે દિગ્ગજ ગણાતી આર્જન્ટિનાની ટીમને સજ્જડ પરાજય આપી મેજર અપસેટ સર્જ્યો હતો. હવે આજે વધુ ચાર 4 મેચો રમાશે. જર્મની, સ્પેન, ક્રોએશિયા અને બેલ્જિયમ જેવી દિગ્ગજ ટીમો આજે જીતવાના ઈરાદા સાથે મેદાનમાં ઉતરશે.
આજે ચાર વખતની વર્લ્ડ ચેમ્પિયન જર્મની જાપાન સાથે ટકરાશે. બરાબર એ જ સમયે 2010 વર્લ્ડકપ વિજેતા સ્પેન કોસ્ટારિકા સામે ટકરાશે. ગત વખતની ઉપવિજેતા ક્રોએશિયાનો મુકાબલો મોરોક્કો સામે થશે અને કેનેડાનો સામનો બેલ્જિયમ સામે થશે.
1. મોરોક્કો વિ ક્રોએશિયા: આજે પહેલી મેચ મોરોક્કો અને ક્રોએશિયા વચ્ચે રમાશે. આ મેચ બપોરે 3.30 કલાકે શરૂ થશે. આ મેચ 'અલ બેત' સ્ટેડિયમમાં રમાશે. ફિફા રેન્કિંગમાં ક્રોએશિયા 12મા ક્રમે અને મોરોક્કો 22મા ક્રમે છે. બંને ટીમો ગ્રુપ-એફનો ભાગ છે.
2. જર્મની vs જાપાન: આ મેચ સાંજે 6.30 વાગ્યે શરૂ થશે. ખલીફા ઈન્ટરનેશનલ સ્ટેડિયમમાં બંને ટીમો આમને-સામને થશે. જર્મનીની ટીમ હાલમાં ફિફા રેન્કિંગમાં 11મા ક્રમે છે. જ્યારે જાપાનની ફિફા રેન્કિંગ 24 છે. બંને ટીમો ગ્રુપ-ઈમાં સામેલ છે.
3. સ્પેન વિ કોસ્ટારિકા: સ્પેન અને કોસ્ટા રિકાની ટીમો પણ ગ્રુપ-ઇમાં હાજર છે. અલ થુમાના સ્ટેડિયમમાં બંને ટીમો વચ્ચે મુકાબલો થશે. આ મેચ રાત્રે 9.30 કલાકે રમાશે. ફિફા રેન્કિંગમાં સ્પેન 7મા સ્થાને છે. તો કોસ્ટા રિકાની ટીમનું ફિફા રેન્કિંગ 31 છે.
4. બેલ્જિયમ vs કેનેડા: વર્લ્ડ નંબર-2 બેલ્જિયમ પણ આજથી પોતાનું અભિયાન શરૂ કરશે. તેની સામે 41મી ફિફા રેન્કિંગ ટીમ કેનેડા હશે. બંને ટીમો અહેમદ બિન અલી સ્ટેડિયમમાં ટકરાશે. આ મેચ બપોરે 12.30 કલાકે શરૂ થશે. આ બંને ટીમો ગ્રુપ-ઈનો ભાગ છે.
મેચ ક્યાં જોવા મળશે?
FIFA વર્લ્ડ કપ 2022ની તમામ મેચો Sports18 1 અને Sports18 1HD ચેનલો પર લાઈવ ટેલિકાસ્ટ કરવામાં આવશે. આ મેચોનું લાઈવ સ્ટ્રીમિંગ Jio સિનેમા એપ પર પણ જોઈ શકાશે.
સાઉદી અરેબિયાએ આર્જેન્ટિનાને ચોંકાવી દીધું
જોકે આર્જેન્ટિનાને સાઉદી અરેબિયા સામે હારનો સામનો કરવો પડ્યો હતો. આ રીતે આર્જેન્ટિનાનો છેલ્લી 36 મેચમાં ન હારવાનો રેકોર્ડ તૂટી ગયો છે. બીજી તરફ આ મેચની વાત કરીએ તો આર્જેન્ટિનાએ પહેલા હાફમાં આક્રમક રમત બતાવી હતી. પ્રથમ હાફમાં લિયોનેલ મેસ્સીના ગોલને કારણે આર્જેન્ટિના 1-0થી આગળ હતું, પરંતુ તે પછી સાઉદી અરેબિયાએ શાનદાર રમત રમી હતી. સાઉદી અરેબિયાએ 48મી મિનિટે પહેલો ગોલ કર્યો હતો. સાઉદી અરેબિયા માટે સાલેહ અલશેહરીએ આ ગોલ કર્યો હતો. સાલેહ અલશેહરીએ અલ બુરેકાનના પાસ પર ગોલ કર્યો હતો.
સાઉદી અરેબિયાએ 53મી મિનિટે બીજો ગોલ કર્યો. આ રીતે સાઉદી અરેબિયાએ પોતાની લીડ મજબૂત કરી. સાઉદી અરેબિયા માટે સાલેમ અલ્દસારીએ બીજો ગોલ કર્યો હતો. આ રીતે સાઉદી અરેબિયાએ ખિતાબની દાવેદાર આર્જેન્ટિનાને 2-1થી હરાવીને મોટો અપસેટ સર્જ્યો હતો. જોકે, સાઉદી અરેબિયા સામે આર્જેન્ટિનાની આ હારને આ ટુર્નામેન્ટનો અત્યાર સુધીનો સૌથી મોટો અપસેટ માનવામાં આવી રહ્યો છે. જો કે સાઉદી અરેબિયા સામે આર્જેન્ટીનાની આ મેચ લિયોનેલ મેસીના રેકોર્ડ માટે પણ યાદ રહેશે.
ટ્રેન્ડિંગ સમાચાર
ટોપ સ્ટોરી
