રાજકોટઃ આજથી ભારત-વેસ્ટ ઈન્ડિઝ વચ્ચે પ્રથમ ટેસ્ટ, જાણો કેટલા વાગે શરૂ થશે મેચ અને કઈ ચેનલ પરથી થશે લાઇવ ટેલિકાસ્ટ

મેચનું લાઇવ ટેલિકાસ્ટ સ્ટાર સ્પોર્ટ્સ નેટવર્ક પરથી જોઈ શકાશે. જ્યારે હોટ સ્ટાર પરથી સ્ટ્રિમિંગ નીહાળી શકાશે.

ભારતીય સમય પ્રમાણે સવારે 9 કલાકે ટોસ થશે અને 9.30 કલાકથી મેચનો પ્રારંભ થશે.

એશિયા કપમાં આરામ આપવામાં આવ્યા બાદ કેપ્ટન કોહલી ફરીથી ટીમમાં સામેલ થઈ ગયો છે. જ્યારે ટેસ્ટ શ્રેણીમાં ભુવનેશ્વર કુમાર અને જસપ્રીત બુમરાહને આરામ આપવામાં આવ્યો છે.

રાજકોટઃ ખંઢેરી સ્ટેડિયમ પર ભારત અને વેસ્ટ ઈન્ડિઝ વચ્ચે આજથી બે ટેસ્ટ મેચની શ્રેણી પૈકીની પ્રથમ ટેસ્ટ મેચનો પ્રારંભ થશે. ઓસ્ટ્રેલિયાના પ્રવાસ પહેલા ભારતીય ટીમ આ શ્રેણીમાં કેટલાક નવા ખેલાડીઓને તક આપી શકે છે. ભારતીય ક્રિકેટ ટીમના ટેસ્ટ બેટ્સમેન અને સૌરાષ્ટ્રના રન મશીન કહેવાતા ચેતેશ્વર પુજારાનું આ હોમ ગ્રાઉન્ડ છે.