17 વર્ષ, 6 ટીમ, 1 ખિતાબ.. દિનેશ કાર્તિકે IPLમાંથી નિવૃત્તિ લીધી? ગાર્ડ ઓફ ઓનર સાથે આપી વિદાય

IPL એલિમિનેટરમાં રાજસ્થાન રોયલ્સ સામેની મેચમાં દિનેશ કાર્તિક 11 રન બનાવીને આઉટ થયો હતો. સતત 6 મેચ જીતીને એલિમિનેટરમાં પ્રવેશેલી RCBની સફર IPLમાં હાર સાથે સમાપ્ત થઈ ગઈ છે.

દિનેશ કાર્તિકે IPLમાંથી નિવૃત્તિ લીધી

Source : Social Media

રોયલ ચેલેન્જર્સ બેંગ્લોરના વિકેટકીપર દિનેશ કાર્તિકે આઈપીએલમાંથી નિવૃત્તિ લીધી હોવાના અહેવાલ છે. રાજસ્થાન રોયલ્સ સામે રમાયેલી IPL એલિમિનેટર મેચ બાદ કાર્તિકને તેના RCB ટીમના ખેલાડીઓએ ગાર્ડ ઓફ ઓનર આપ્યું હતું. વિરાટ કોહલીએ કાર્તિકને ગળે લગાડ્યો અને આંસુ ભરેલી આંખો સાથે તેને મેદાન પરથી ઉતારી દીધો. અમદાવાદના નરેન્દ્ર મોદી સ્ટેડિયમમાં કાર્તિકે તેની છેલ્લી ઇનિંગમાં 13 બોલમાં 11 રન બનાવ્યા હતા. રાજસ્થાન રોયલ્સ સામેની હાર બાદ RCB IPLમાંથી બહાર થઈ ગયું છે. કાર્તિકે સીઝનની શરૂઆત પહેલા કહ્યું હતું કે આ આઈપીએલ તેના કરિયરની છેલ્લી સીઝન બનવા જઈ રહી છે.

રાજસ્થાન સામેની મેચ હાર્યા બાદ દિનેશ કાર્તિકે હાથમાં બંને ગ્લોવ્સ ઉંચા કરીને દર્શકોનું અભિવાદન સ્વીકાર્યું હતું. કોહલીએ કાર્તિકને ગળે લગાવ્યો. કાર્તિકે પણ ભાવનાત્મક રીતે મેદાન છોડી દીધું હતું. 38 વર્ષીય દિનેશ કાર્તિકે IPL 2024માં 15 મેચમાં 326 રન બનાવ્યા હતા. આ સમયગાળા દરમિયાન તેણે 187.36ની સ્ટ્રાઈક રેટથી રન બનાવ્યા હતા. આરસીબીએ તેને ટીમના ફિનિશરની ભૂમિકા આપી હતી પરંતુ આ સિઝનમાં કાર્તિક તેની ભૂમિકા યોગ્ય રીતે નિભાવી શક્યો નથી. તેણે આ સિઝનમાં 2 અડધી સદી ફટકારી છે. કાર્તિકે 27 ચોગ્ગા અને 22 છગ્ગા ફટકાર્યા હતા. તેણે 4 કેચ લીધા અને એક સ્ટમ્પિંગ કર્યું.

Dinesh Karthik getting guard of honour from RCB and the crowd chanting 'DK, DK'.

- The most emotional video. 🥹💔 pic.twitter.com/XZ3WmbO5Ne

— Mufaddal Vohra (@mufaddal_vohra) May 22, 2024

દિનેશ કાર્તિકે 257 IPL મેચોમાં 50 વખત અણનમ રહીને 4842 રન બનાવ્યા હતા. આ જમણા હાથના બેટ્સમેને તેની IPL કારકિર્દીમાં 22 અડધી સદી ફટકારી હતી, જેમાંથી શ્રેષ્ઠ સ્કોર અણનમ 97 રન હતો. આ દરમિયાન તેના બેટમાંથી 466 ચોગ્ગા અને 161 છગ્ગા આવ્યા હતા. કાર્તિકે IPLમાં 145 કેચ પકડ્યા જેમાં 37 સ્ટમ્પિંગ પણ સામેલ છે.

DK signing off 💔💔 pic.twitter.com/Nwzp06wrRM

— Archer (@poserarcher) May 22, 2024

દિનેશ કાર્તિક આઈપીએલમાં દિલ્હી કેપિટલ્સ, પંજાબ કિંગ્સ, મુંબઈ ઈન્ડિયન્સ, રોયલ ચેલેન્જર્સ બેંગ્લોર, ગુજરાત લાયન્સ અને કોલકાતા નાઈટ રાઈડર્સ તરફથી રમ્યો હતો. મુંબઈ ઈન્ડિયન્સે 2013માં ટ્રોફી ઉપાડી હતી, કાર્તિક તે ટીમનો ભાગ હતો. તે મહેન્દ્ર સિંહ ધોની પછી આઈપીએલના ઈતિહાસમાં બીજા સૌથી સફળ વિકેટકીપર હતા. આ લીગમાં સૌથી વધુ મેચ રમનાર તે ત્રીજો ખેલાડી છે.

Virat Kohli giving a Farewell hug to Dinesh Karthik from IPL. ❤️ pic.twitter.com/TZXQvl3EOQ

— Johns. (@CricCrazyJohns) May 22, 2024