IPLમાં દાદાગીરી કરવી પંતને ભારે પડી, BCCIએ ફટકારી આટલી મોટી સજા, જાણો વિગતે

આઇપીએલમાં દિલ્હીના કેપ્ટન ઋષભ પંતને મેચ દરમિયાન ગુસ્સે થવાની મળી છે. IPLની કમિટીએ પંતને આચાર સંહિતાનું ઉલ્લંઘન કરવા બદલ દોષી ઠેરવીને દંડ ફટકાર્યો છે.

(પ્રતિકાત્મક તસવીર)

DC vs RR: ગઇકાલે આઇપીએલ 2022માં દિલ્હી અને રાજસ્થાન વચ્ચે રમાયેલી 34મી મેચમાં થયેલો નૉ બૉલ વિવાદ હવે વધુ વકર્યો છે. એમ્પાયરના નિર્ણય સામે નારાજગી અને ગુસ્સાના કારણે પંત અને શાર્દૂલ ઠાકુર અને પ્રવિણ આમરેને સજા ફટકારવામાં આવી છે. ત્રણેયને આ વિવાદમાં ઉતરવાનુ ભારી પડી ગયુ છે. ઉલ્લેખનીય છે કે, ગઇકાલની મેચમાં છેલ્લી ઓવરમાં વિવાદ સર્જાયા બાદ રાજસ્થાને 15 રને મેચ જીતી લીધી હતી.  

આઇપીએલમાં દિલ્હીના કેપ્ટન ઋષભ પંતને મેચ દરમિયાન ગુસ્સે થવાની મળી છે. IPLની કમિટીએ પંતને આચાર સંહિતાનું ઉલ્લંઘન કરવા બદલ દોષી ઠેરવીને દંડ ફટકાર્યો છે. તેની સાથે ટીમના ફાસ્ટ બોલર ઓલરાઉન્ડર શાર્દુલ ઠાકુર અને સહાયક કૉચ પ્રવીણ આમરેને પણ દંડ ફટકારવામાં આવ્યો છે. કમિટીએ પંતને મેચ ફીનો 100% દંડ ફટકાર્યો છે, શાર્દૂલ ઠાકુરની ઉપર મેચ ફીનો 50 ટકા દંડ ફટકારવામાં આવ્યો છે. 

The IPL has announced sanctions for code of conduct breaches in the #DCvRR match:
- Rishabh Pant fined 100% of his match fee
- Shardul Thakur fined 50% of his match fee
- Pravin Amre, Capitals' assistant coach, banned for one match and fined 100% of his match fee #IPL2022 pic.twitter.com/ajjqex77i4

— ESPNcricinfo (@ESPNcricinfo) April 23, 2022

પ્રવિણ આમરે પર પણ મેચ ફીનો 100 ટકા દંડ ફટકારવામાં આવ્યો છે. અમ્પાયર સાથે દલીલ કરવા અને પોતાના ખેલાડીઓને પાછા બોલાવવા માટે મેદાનમાં ઉતરેલા દિલ્હી ટીમના સહાયક કોચ પ્રવીણ આમરેને કંઇક વધુ જ સજા મળી છે. તેના પર મેચ ફીના 100% દંડ પણ ફટકારવામાં આવ્યો છે. તેની સાથે જ તેના પર આગામી એક મેચનો પ્રતિબંધ પણ લગાવવામાં આવ્યો છે. આમરેને IPL આચાર સંહિતાના લેવલ-2 હેઠળ કલમ 2.2 નિયમનું ઉલ્લંઘન કરવા બદલ દોષી ઠેરવવામાં આવ્યા છે.

રાજસ્થાનન મેકૉયની છેલ્લી ઓવરમાં દિલ્હીના બેટર પોવેલે બેક ટુ બેક 3 છગ્ગા ફટકારી મેચ ઓન રાખી હતી. જોકે ત્રીજો બોલ ફુલટોસ અને કમરની ઉપર હોવાનું પંતને લાગ્યું હતું. હવે આ બોલમાં સિક્સ તો ગઈ પરંતુ અમ્પાયરે નો બોલ ન આપતા પંત ગુસ્સે થઈ ગયો હતો. 

આ પણ વાંચો...........