Dhoni Video: IPL જીત્યા બાદ ધોની રાત્રે સાડા ત્રણ વાગે ફરીથી આવ્યો ગ્રાઉન્ડ પર, જાણો કેમ

હાલમાં એક વીડિયો વાયરલ થઇ રહ્યો છે, જેમાં દેખાઇ રહ્યું છે કે, ચેન્નાઈની ટીમના તમામ સભ્યો ફાઇનલ મેચ જીત્યા બાદ આઈપીએલ ટ્રોફી ડ્રેસિંગ રૂમમાં પહોંચી ચૂક્યા હતા,

તસવીર (સોશ્યલ મીડિયા પરથી....)

IPL Final: ઇન્ડિયન પ્રીમિયર લીગમાં સોમવારે રિઝર્વ ડેના દિવસે આઇપીએલની 16મી સિઝનમાં નવું ચેમ્પયીન મળી ગયું, ચેન્નાઇની ટીમે ગુજરાતની ટીમને હરાવીને પાંચમી વાર ટ્રૉફી પોતાના નામે કરી લીધી, આ સાથે જ સોશ્યલ મીડિયા પર આઇપીએલ ફાઇનલ મેચના જુદાજુદા વીડિયો વાયરલ થઇ રહ્યા છે, હવે કેપ્ટન કૂલ ધોનીની નવો વીડિયો સામે આવ્યો છે, આ વીડિયો આઇપીએલ ફાઇનલ જીત બાદનો છે, જ્યારે ધોની અડધી રાત્રે સાડા ત્રણ વાગે ફરીથી મેદાન પર આવ્યો હતો.

હાલમાં એક વીડિયો વાયરલ થઇ રહ્યો છે, જેમાં દેખાઇ રહ્યું છે કે, ચેન્નાઈની ટીમના તમામ સભ્યો ફાઇનલ મેચ જીત્યા બાદ આઈપીએલ ટ્રોફી ડ્રેસિંગ રૂમમાં પહોંચી ચૂક્યા હતા, પરંતુ આ સમયે કેપ્ટન કૂલની નજર મેદાન પર જ હતી, મોડી રાત્રે લગભગ સાડા ત્રણ વાગે મેદાન પણ કવર્સથી ઢંકાઈ ચૂક્યું હતું. પંરતુ અચાનક કેપ્ટન કૂલ ધોની મેદાન આંટો મારવા નીકળ્યો હતો. આ સમયે માહીના ફેન્સ સ્ટેડિયમમાં જ હાજર હતા અને રાત્રે ફરી એકવાર ધોની પોતાના ફેન્સને આ રીતે સ્ટેડિયમમાં બેસેલા અને સૂતેલા જોઇને ભાવુક થઇ ગયો હતો, ધોનીએ હાથ હલાવીને તમામનો આભાર માન્યો. ખાસ વાત છે કે, ધોની રાત્રે અચાનક મેદાન પર પોતાના ફેન્સને જોવા માટે જ આવ્યો હતો. આ સમયે ધોની ખુબ જ ભાવુક હતો.

ઉલ્લેખનીય છે કે, 28મી મેએ આઇપીએલની 16મી સિઝનની ફાઇનલ મેચ રમાવવાની હતી, પરંતુ આ મેચ વરસાદના કારણે ન હતી રમાઇ શકી, અને બીસીસીઆઇએ તાત્કાલિક ધોરણે રિઝર્વ ડેનો નિર્ણય કર્યો અને ધોનીની ટીમ બીજા દિવસે 29મી મેએ ચેમ્પીયન બની ગઇ હતી. મેચમાં ગુજરાત તરફથી એટલે કે ડકવર્થ લૂઇસના નિયમ પ્રમાણે મળેલા 15 ઓવરમાં 171 રનના ટાર્ગેટને સીએસકેની ટીમે છેલ્લા બૉલ પર હાંસલ કરી લીધો હતો. આ મેચમાં ડેવૉન કૉનવે ભલે પ્લેયર ઓફ ધ મેચ રહ્યો પરંતુ તમામ ફેન્સનું દિલ રવિન્દ્ર જાડેજાએ જીતી લીધુ હતુ. જાડેજાએ છેલ્લા બે બૉલમાં છગ્ગો અને ચોગ્ગો ફટકારીને ધોનીને પાંચમીવાર ચેમ્પીયન કેપ્ટન બનાવ્યો હતો.

MS Dhoni thanks peoples & fan at 3:30 am for staying back ! 💛❤️💙 pic.twitter.com/FwhPTgmi2n

— VK (@Motera_Stadium) May 30, 2023

આ સિઝનમાં સીએસકેના બેટ્સમેનો ચમક્યા હતા, ડેવૉન કૉનવેએ ટીમ માટે સૌથી વધુ 672 રન બનાવ્યા, ગાયકવાડે 590 રન બનાવ્યા. શિવમ દુબેએ પણ 418 રન બનાવ્યા છે, તો રહાણેએ 326 રન બનાવ્યા હતા. બૉલિંગમાં જાડેજાએ 20 અને પથિરાનાએ 19 વિકેટ લીધા. તુષાર દેશપાંડેએ સૌથી વધુ 21 વિકેટ લીધી છે. સ્પષ્ટ છે કે તમામ ખેલાડીઓએ પોતાનું યોગદાન આપ્યું અને આ જ કારણ છે કે ટીમ ચેમ્પીયન બની. ગજબની વાત એ છે કે છેલ્લા વર્ષે આ ટીમ 9 નંબર પર હતી પણ હવે દુનિયા તેને સલામ કરી રહી છે.