IPL 2025: પંજાબ હાર્યું તો શું? પ્રીતિ ઝિન્ટાએ વિરોધી ટીમના ખેલાડીને ગળે લગાડ્યો! જુઓ વીડિયો
હોમ ગ્રાઉન્ડ પર હાર છતાં પ્રીતિ ઝિન્ટાએ રાજસ્થાનના ખેલાડી સંદીપ શર્માને ઉષ્માભર્યું આલિંગન આપ્યું.
Preity Zinta Sandeep Sharma: આઈપીએલ 2025ની સિઝનમાં પંજાબ કિંગ્સે પહેલીવાર પોતાના હોમ ગ્રાઉન્ડ પર મેચ રમી હતી અને આ સિઝનમાં પ્રથમ વખત ટીમની સહ-માલિક પ્રીતિ ઝિન્ટા પણ મેચ જોવા માટે હાજર રહી હતી. જો કે, ટીમ અને પ્રીતિ ઝિન્ટાને નિરાશાનો સામનો કરવો પડ્યો હતો. તેમ છતાં, બોલિવૂડ સ્ટાર પ્રીતિ ઝિન્ટાએ પોતાના ખેલાડીઓ ઉપરાંત રાજસ્થાન રોયલ્સના એક ખેલાડીને ખુશીથી ભેટીને સૌનું દિલ જીતી લીધું હતું.
IPL 2025માં પંજાબ કિંગ્સની વિજય કૂચ અટકી ગઈ હતી. બે શાનદાર જીત સાથે સિઝનની શરૂઆત કરનાર પંજાબ કિંગ્સને તેની ત્રીજી મેચમાં રાજસ્થાન રોયલ્સ સામે પ્રથમ હારનો સામનો કરવો પડ્યો હતો. આ હાર પંજાબ કિંગ્સના ખેલાડીઓ અને ચાહકો માટે નિરાશાજનક હતી, પરંતુ ફ્રેન્ચાઇઝીની સહ-માલિક અને બોલિવૂડ અભિનેત્રી પ્રીતિ ઝિન્ટાએ આ મેચમાં મહત્વની ભૂમિકા ભજવનાર રાજસ્થાન રોયલ્સના ખેલાડી સંદીપ શર્માને ખુશીથી ગળે લગાવીને પોતાની ઉદારતા દર્શાવી હતી.
પંજાબ અને રાજસ્થાન વચ્ચેની આ મેચ 5 એપ્રિલ શનિવારના રોજ પંજાબ કિંગ્સના હોમ ગ્રાઉન્ડ મુલ્લાનપુરમાં રમાઈ હતી. આ મેદાન પર IPL 2025ની આ પ્રથમ મેચ હતી અને પ્રીતિ ઝિન્ટા પણ તેને જોવા માટે ખાસ આવી હતી. જો કે તે દર વર્ષે ટીમની મેચ જોવા માટે આવે છે, પરંતુ આ સિઝનમાં તે પ્રથમ વખત મેચ જોવા માટે પહોંચી હતી. પરંતુ તેના હોમ ગ્રાઉન્ડ પર તેની ટીમને હારનો સામનો કરવો પડ્યો હતો.
આ હાર છતાં, પ્રીતિ ઝિન્ટાએ હંમેશની જેમ પોતાના ખેલાડીઓને પ્રેમથી મળી અને તેમને પ્રોત્સાહિત કર્યા હતા. પરંતુ માત્ર તેના જ ખેલાડીઓ નહીં, પરંતુ તે રાજસ્થાન રોયલ્સના મધ્યમ ગતિના બોલર સંદીપ શર્માને પણ એટલી જ ઉષ્મા સાથે મળી હતી. રાજસ્થાન રોયલ્સે સંદીપ અને પ્રીતિ ઝિન્ટાની મુલાકાતનો એક વીડિયો સોશિયલ મીડિયા પર પોસ્ટ કર્યો હતો, જેમાં બંને એકબીજાને ગળે લગાવતા જોવા મળ્યા હતા. આ દરમિયાન પ્રીતિ ઝિન્ટાએ સંદીપ શર્માના સ્વાસ્થ્ય વિશે પૂછપરછ કરી હતી અને થોડા મહિના પહેલા જન્મેલા તેના બીજા બાળક વિશે પણ વાતચીત કરી હતી.
Jab Sandy met a 𝘗𝘳𝘦𝘪𝘵𝘺 𝘞𝘰𝘮𝘢𝘯! 💗👌 pic.twitter.com/UpkyBbfL3g
— Rajasthan Royals (@rajasthanroyals) April 6, 2025
પ્રીતિ ઝિન્ટાનું આ રીતે સંદીપ શર્માને મળવું ચાહકોને ખૂબ જ પસંદ આવ્યું હતું. તમને જણાવી દઈએ કે આ મેચમાં સંદીપ શર્માએ રાજસ્થાન રોયલ્સની જીતમાં મહત્વની ભૂમિકા ભજવી હતી. તેણે પોતાની 4 ઓવરમાં માત્ર 21 રન આપ્યા હતા અને માર્કસ સ્ટોઈનિસ સહિત 2 મહત્વની વિકેટો ઝડપી હતી. પ્રીતિ ઝિન્ટા સંદીપ શર્મા પ્રત્યે આટલું સારું વર્તન એટલા માટે ધરાવે છે કારણ કે થોડા સીઝન પહેલા સુધી સંદીપ શર્મા પંજાબ કિંગ્સનો જ ભાગ હતો અને તેણે ટીમ માટે 6 સીઝન વિતાવી હતી અને મહત્વનું યોગદાન આપ્યું હતું.
ટોપ સ્ટોરી
ટ્રેન્ડિંગ સમાચાર
