LSG vs SRH: હૈદરાબાદ સામે ટકરાશે લખનઉ, આ ખેલાડીને પ્લેઇંગ ઇલેવનમાં સામેલ કરી શકે છે પંત
આવી સ્થિતિમાં લખનઉ સુપર જાયન્ટ્સ આ મેચમાં તેમના પ્લેઇંગ 11માં ફેરફાર કરે તેવી પ્રબળ શક્યતા છે
IPL 2025 ટુર્નામેન્ટની સાતમી મેચ સનરાઇઝર્સ હૈદરાબાદ અને લખનઉ સુપર જાયન્ટ્સ વચ્ચે રમાશે. લખનઉ સુપર જાયન્ટ્સ આ મેચ માટે પ્લેઇંગ 11માં ફેરફાર કરશે. લખનઉ સુપર જાયન્ટ્સનો સામનો સનરાઇઝર્સ હૈદરાબાદ ટીમ સામે થશે. આવી સ્થિતિમાં લખનઉ સુપર જાયન્ટ્સ સામે આ મેચમાં વિજયી વાપસી કરવાનો પડકાર છે પરંતુ પહેલી મેચમાં હૈદરાબાદની બેટિંગ જોયા પછી શ્રેષ્ઠ બોલરોને પ્લેઇંગ ઇલેવનમાં સામેલ કરવા લખનઉ માટે જરૂરી છે.
લખનઉ સુપર જાયન્ટ્સની ટીમમા ફેરફારની શક્યતા
આવી સ્થિતિમાં લખનઉ સુપર જાયન્ટ્સ આ મેચમાં તેમના પ્લેઇંગ 11માં ફેરફાર કરે તેવી પ્રબળ શક્યતા છે. કેપ્ટન ઋષભ પંત બેટિંગ લાઇનઅપમાં કોઈ ફેરફાર કરશે નહીં. જોકે, બોલિંગમાં ફેરફારની શક્યતા છે. કારણ કે દિલ્હી કેપિટલ્સ સામે બોલરોનું પ્રદર્શન સરેરાશ રહ્યું હતું.
દિલ્હી કેપિટલ્સ સામેની મેચમાં લખનઉની બોલિંગ નબળી રહી હતી. શાર્દુલ ઠાકુર સિવાય અન્ય બોલરો કંઈ ખાસ કરી શક્યા નહીં. પ્રિન્સ યાદવે સૌથી વધુ રન આપ્યા હતા. તેણે 4 ઓવરમાં 47 રન આપ્યા હતા.
LSG ની બોલિંગ નિરાશાજનક રહી
જ્યારે રવિ બિશ્નોઈએ 53 રન આપીને 2 વિકેટ લીધી હતી. શાહબાઝ અહેમદનું પ્રદર્શન પણ નિરાશાજનક રહ્યું હતું. આવી સ્થિતિમાં એવી શક્યતા છે કે ઋષભ પંત ફાસ્ટ બોલર અવેશ ખાનને પ્લેઇંગ ઇલેવનમાં સામેલ કરી શકે છે. હૈદરાબાદ સામેની મેચમાં પ્રિન્સની જગ્યાએ તેને તક આપવામાં આવે તેવી શક્યતા છે. હૈદરાબાદ કોઈ ફેરફાર કરવા માંગશે નહીં.
લખનઉની સંભવિત પ્લેઇંગ 11
એડમ માર્કરામ, મિશેલ માર્શ, નિકોલસ પૂરન, ઋષભ પંત, ડેવિડ મિલર, આયુષ બદોની, શાર્દુલ ઠાકુર, શાહબાઝ અહેમદ, રવિ બિશ્નોઈ, દિગ્વેશ રાઠી, અવેશ ખાન.
હૈદરાબાદની સંભવિત પ્લેઇંગ 11
ટ્રેવિસ હેડ, અભિષેક શર્મા, ઇશાન કિશન, નીતિશ કુમાર રેડ્ડી, હેનરિક ક્લાસેન (વિકેટકીપર), અનિકેત વર્મા, અભિનવ મનોહર, પેટ કમિન્સ (કેપ્ટન), સિમરજીત સિંહ, એડમ ઝમ્પા, મોહમ્મદ શમી.
કોલકાતા નાઈટ રાઈડર્સે રાજસ્થાન રોયલ્સને 8 વિકેટથી હરાવીને સીઝનની પોતાની પહેલી જીત નોંધાવી. જ્યારે રાજસ્થાન સતત બીજી મેચ હારી ગયું. પ્રથમ બેટિંગ કરતા રાજસ્થાન રોયલ્સ ફક્ત 151 રન જ બનાવી શક્યું. KKR બોલરોએ શાનદાર પ્રદર્શન કર્યું. લક્ષ્યનો પીછો કરતા, ક્વિન્ટન ડી કોકે 97 રનની અણનમ ઇનિંગ રમી. KKR એ 15 બોલ બાકી રહેતા લક્ષ્ય હાંસલ કરી લીધું.
ટોપ સ્ટોરી
ટ્રેન્ડિંગ સમાચાર
