વિરાટ કોહલીએ IPL માં રચ્યો ઇતિહાસ, બનાવ્યો એટલો મોટો રેકોર્ડ કે વિશ્વ ક્રિકેટમાં ધૂમ મચાવી દીધી
RCB vs DC મેચ દરમિયાન કોહલીએ ૨૨ રનની ઇનિંગમાં બે છગ્ગા અને એક ચોગ્ગો ફટકારીને આ સિદ્ધિ મેળવી, શિખર ધવન બીજા ક્રમે.
Virat Kohli IPL record: રોયલ ચેલેન્જર્સ બેંગ્લોર (RCB)ના સ્ટાર બેટ્સમેન વિરાટ કોહલીએ IPL 2025માં એક નવો ઇતિહાસ રચ્યો છે. ગુરુવારે દિલ્હી કેપિટલ્સ (DC) સામે રમાયેલી મેચમાં કોહલીએ ૨૨ રનની ઇનિંગ દરમિયાન બે છગ્ગા અને એક ચોગ્ગો ફટકાર્યો હતો. આ સાથે જ વિરાટ કોહલી IPLના ઇતિહાસમાં ૧૦૦૦ બાઉન્ડ્રીનો (Kohli 1000 boundaries) આંકડો સ્પર્શ કરનાર પ્રથમ ખેલાડી બની ગયા છે.
વિરાટ કોહલી IPLની શરૂઆતથી જ માત્ર RCB ટીમ માટે રમ્યો છે. તેણે ૨૦૦૮થી અત્યાર સુધીમાં કુલ ૨૪૮ મેચ રમી છે. આ દરમિયાન તેણે ૭૨૧ ચોગ્ગા અને ૨૭૯ છગ્ગા ફટકાર્યા છે. આમ, વિરાટે કુલ ૧૦૦૦ બાઉન્ડ્રી પૂરી કરી લીધી છે અને આ સિદ્ધિ મેળવનાર તે IPLના ઇતિહાસમાં પ્રથમ ખેલાડી છે.
સૌથી વધુ બાઉન્ડ્રી ફટકારવાની યાદીમાં શિખર ધવન બીજા ક્રમે છે. ધવને IPLમાં અત્યાર સુધીમાં ૯૨૦ બાઉન્ડ્રી ફટકારી છે. જો કે, સૌથી વધુ ચોગ્ગા મારવાના મામલે શિખર ધવન વિરાટ કોહલીથી આગળ છે.
IPLમાં સૌથી વધુ બાઉન્ડ્રી મારનાર ટોચના પાંચ ખેલાડીઓ:
| ક્રમ | ખેલાડીનું નામ | બાઉન્ડ્રીની સંખ્યા |
| ૧ | વિરાટ કોહલી | ૧૦૦૦ |
| ૨ | શિખર ધવન | ૯૨૦ |
| ૩ | ડેવિડ વોર્નર | ૮૯૯ |
| ૪ | રોહિત શર્મા | ૮૮૫ |
| ૫ | ક્રિસ ગેલ | ૭૬૧ |
આ યાદીમાં ટોચના પાંચ ખેલાડીઓમાં ત્રણ ભારતીય ખેલાડીઓનો સમાવેશ થાય છે, જેમાં કોહલી અને ધવન ઉપરાંત રોહિત શર્મા પણ સામેલ છે. રોહિત શર્માએ IPLમાં ૨૫૬ મેચ રમીને ૨૮૨ છગ્ગા અને ૬૦૩ ચોગ્ગાની મદદથી કુલ ૮૮૫ બાઉન્ડ્રી ફટકારી છે અને તે આ યાદીમાં ચોથા સ્થાને છે. ડેવિડ વોર્નર ૮૯૯ બાઉન્ડ્રી સાથે ત્રીજા અને ક્રિસ ગેલ ૭૬૧ બાઉન્ડ્રી સાથે પાંચમા ક્રમે છે.
ઉલ્લેખનીય છે કે વિરાટ કોહલી IPLમાં સૌથી વધુ રન બનાવનાર બેટ્સમેન પણ છે. તેણે અત્યાર સુધીમાં ૮૧૯૦ રન બનાવ્યા છે, જેમાં ૮ સદી અને ૫૭ અડધી સદી સામેલ છે. આ યાદીમાં શિખર ધવન ૬૭૬૯ રન સાથે બીજા અને રોહિત શર્મા ૬૬૬૬ રન સાથે ત્રીજા સ્થાને છે. વિરાટ કોહલીની આ સિદ્ધિ IPLના ઇતિહાસમાં એક મહત્વપૂર્ણ સીમાચિહ્નરૂપ છે.
જો આઈપીએલની વાત કરીએ તો આઈપીએલમાં સૌથી વધુ ચોગ્ગા મારનારા બેટ્સમેનોની યાદીમાં વિરાટ કોહલી પહેલાથી જ બીજા સ્થાને છે. દિલ્હી સામેની મેચ પહેલા વિરાટ કોહલીએ 256 મેચની 248 ઇનિંગ્સમાં 720 ચોગ્ગા લગાવ્યા હતા. જ્યારે શિખર ધવન આ યાદીમાં ટોપ પર છે. શિખર ધવને IPLમાં 222 મેચોની 221 ઇનિંગ્સમાં 768 ચોગ્ગા ફટકાર્યા છે.
ટોપ સ્ટોરી
ટ્રેન્ડિંગ સમાચાર
