આવતી કાલથી અમદાવાદમાં કબડ્ડી વર્લ્ડ કપઃ જાણો કેટલા દેશ લેશે ભાગ

આઇકેએફના પ્રમુખ દેવરાજ ચતુર્વેદીએ જણાવ્યું હતું કે બંને દેશો વચ્ચે વધી રહેલા તનાવને ધ્યાનમાં રાખીને પાકિસ્તાનને આમંત્રણ નહીં આપવાનો નિર્ણય કર્યો છે. પાકિસ્તાનને વર્લ્ડ કપમાં સામેલ કરવાનો યોગ્ય સમય નથી. પાકિસ્તાન આઇકેએફનું મહત્વપૂર્ણ સભ્ય છે પરંતુ તેને ચેમ્પિયનશિપથી દૂર રાખવું તે વધારે યોગ્ય છે. પાકિસ્તાની ટીમના ખેલાડીઓનું સુરક્ષાનું જોખમ ઉભું થઇ શકે છે. પાકિસ્તાન કબડ્ડી ફેડરેશનના સેક્રેટરી રાણા મોહમ્મદ સરવરે જણાવ્યું હતું કે ભારતે નહીં આપેલા આમંત્રણના મુદ્દા પર ચર્ચા કરવા અમે બેઠક યોજી છે પરંતુ હું તમને જણાવું છું કે પાકિસ્તાન વિના કબડ્ડી વર્લ્ડ કપ કોઇ વર્લ્ડ કપ હશે નહીં. બાબત બ્રાઝિલ વિનાના ફૂટબોલ વર્લ્ડ કપ જેવી છે.

જોકે આ વખતે ભારત પાક વચ્ચે તણાવને પગલે ભારતે પોતાના પરંપરાગત હરીફ પાકિસ્તાનને તેમાં ભાગ લેવાનું આમંત્રણ પણ પાઠવ્યું નથી. ઇન્ટરનેશનલ કબડ્ડી ફેડરેશને (આઇકેએફ) સ્પષ્ટતા કરી છે કે સર્જિકલ સ્ટ્રાઇક બાદ ભારત અને પાકિસ્તાન વચ્ચે ઊભા થયેલા તનાવના કારણે પાકિસ્તાનને આમંત્રણ આપવામાં આવ્યું નથી.

કબડ્ડી વર્લ્ડ કરમાં ભારતીય ટીમની આગેવાની અનુપ કુમાર કરશે જ્યારે ઓલરાઉન્ડર મનજીત છિલ્લરને વાઇસ કેપ્ટન બનાવાયો છે. ભારતીય ટીમમાં કુલ ૧૪ સભ્યો છે. આ ટુર્નામેન્ટમાં કુલ ૧૨ ટીમો ભાગ લઈ રહી છે જેમાં યજમાન ભારત ઉપરાંત ઇરાન, દક્ષિણ કોરિયા, બાંગ્લાદેશ, અમેરિકા, ઇંગ્લેન્ડ, ઓસ્ટ્રેલિયા,પોલેન્ડ, થાઇલેન્ડ, જાપાન, આર્જેન્ટિના અને કેન્યાની ટીમોનો સમાવેશ થાય છે.ભારતીય ટીમાના મુખ્ય કોચ બલવાન સિંહ છે અને સહાયક કોચ તરીકે ભાસ્કરન છે. બલવાનસિંહે પહેલાથી જ જણાવ્યું છે કે, અમારૂ લક્ષ્યાંક કબડ્ડી વર્લ્ડ કપમાં ચેમ્પિયન બનવાથી ઓછું નથી. દરમિયાન આયોજકોએ વર્લ્ડ કપની કોઇપણ વિગતો આપી નહોતી.

આ આ પહેલા અમદાવાદના જીએમડીસી ગ્રાઉન્ડ પર 1લી ઓક્ટોબરે સાંજે ૭.૦૦ કલાકે ગુજરાતના મુખ્યમંત્રી વિજય રૂપાણીના હસ્તે ટ્રોફીનું અનાવરણ કરવામાં આવ્યું હતું. કબડ્ડી વર્લ્ડ કપની યજમાની કરતા અમદાવાદમાં વિદેશી ટીમોનું આગમન શરૂ થઈ ગયું છે અને કેન્યાની ટીમે ગુરુવારે અમદાવાદ સાબરમતીની ટીમ સામે પ્રેક્ટિસ મેચ રમી હતી જેમાં અમદાવાદ સાબરમતીની ટીમનો વિજય થયો હતો.

અમદાવાદઃ આવતીકાલથી અમદાવાદમાં 12 દેશો વચ્ચે કબડ્ડી વર્લ્ડ કપ 2016નો પ્રારંભ થનાર છે. ઇરાન - અમેરિકા વચ્ચે આવતીકાલે રમાનારા મુકાબલા સાથે કબડ્ડી વર્લ્ડ કપનો પ્રારંભ થશે. નવ વર્ષ પહેલાં શરૂ થયેલા વર્લ્ડ કપમાં ઓસ્ટ્રેલિયા, સાઉથ કોરિયા, ઇંગ્લેન્ડ, પોલેન્ડ, કેન્યા તથા આર્જેન્ટિનાની નવી ટીમોને સામેલ કરવામાં આવી છે. પરંપરાગત સાઉથ એશિયન રમત પૂરા વિશ્વમાં લોકપ્રિય બની રહી છે.