બસ કંડક્ટરના પુત્રને ટીમ ઇન્ડિયામાં મળ્યું સ્થાન, સચિન તેંડુલકરને કરી ચૂક્યો છે આઉટ

આ ખેલાડનું નામ અથર્વ અંકોલેકર છે. તેના માતા વૈદેહી મુંબઈની બેસ્ટ બસોમાં કંડક્ટર છે. અથર્વના પિતા વિનોદભાઈનું 2010માં નિધન થયું હતું.

મુંબઈઃ ભારતમાં એક સમયે ક્રિકેટને અમીર લોકોની રમત ગણવામાં આવી હતી. ત્યાર બાદ સમય આવ્યો જ્યારે રમતમાં મધ્યમ વર્ગ પરિવારના લોકોએ મોર્ચો સંભાળ્યો. સુનીલ ગાવસકરથી સચિન તેંડુલકર અને ધોની, એવા અનેક ક્રિકેટર છે જે મધ્યમ વર્ગ પરિવારના હોવા છતાં પોતાનું સપનુ પૂરું કર્યું અને ભારતીય ક્રિકેટની શાન બન્યા. હવે આવી જ એક કહાની જાણવા મળી છે જેમાં મુંબઈના એક બસ કંડક્ટરના પુત્રની પણ પસંદ ક્રિકેટમાં થઈ છે. આ ખેલાડનું નામ અથર્વ અંકોલેકર છે. તેના માતા વૈદેહી મુંબઈની બેસ્ટ બસોમાં કંડક્ટર છે. અથર્વના પિતા વિનોદભાઈનું 2010માં નિધન થયું હતું. બાદમાં તેની માતા તેની સાર સંભાળ રાખી રહી છે. અથર્વ સ્પિનર છે અને મુંબઈની રિઝવી કોલેજમાં સેકન્ડ યરનો વિદ્યાર્થી છે. જ્યારે તેની ટીમમાં પસંદ થઈ તો તેની માતાને લગભગ 40 હજાર અભિનંદનના મેસેજ આવ્યા હતા. અંગ્રેજી અખબાર ડીએનએને વૈદેહી અંકોલેકરે કહ્યું હતું કે અમને ઘણા અભિનંદનના મેસેજ મળી રહ્યા છે. જેમાં સંબંધીઓ અને બેસ્ટનો સ્ટાફ પણ સામેલ હતો. મારા પતિ વિનોદ બેસ્ટમાં કંડક્ટર હતા. પરિવારમાં એકમાત્ર કમાનાર હતા. તેમના મોતે અમને નિસહાય કરી દીધા હતા. આવા સમયે શરુઆતમાં મેં મિત્રની મદદથી ટ્યૂશન આપવાનું શરુ કર્યું હતું. પછી મને મારા પતિની નોકરી મળી ગઈ હતી. વૈદેહીની ડ્યૂટી મારોલ બસ ડેપો ઉપર છે અને તે બસ નંબર 186 (અગરકર ચોકથી વિહાર લેક) અને 340 (ઘાટકોપર સ્ટેસનથી અગરકર ચોક)માં કાર્યરત છે. અથર્વએ જણાવ્યું હતું કે પોતાના પિતાને ઘણા યાદ કરે છે. જ્યારે હું નાનો હતો ત્યારે તે મારા બેડ પાસે ક્રિકેટનું બેટ રાખી દેતા હતા. જ્યારે હું સારું રમું તો તે મને ક્રિકેટનો ઘણો સમાન ગિફ્ટમાં લાવીને આપતા હતા. તે બધું યાદ આવે છે. હું સખત મહેનત કરીને ટીમ ઇન્ડિયા માટે રમવા માંગું છું. 9 વર્ષ પહેલા અથર્વએ એક પ્રેક્ટિસ મેચમાં માસ્ટર બ્લાસ્ટર સચિન તેંડુલકરને આઉટ કર્યો હતો. આ કારણે તેને ઘણી પ્રશંસા મળી હતી. સચિને તેને ઓટોગ્રાફ વાળા ગ્લવ્ઝ ભેટમાં આપ્યા હતા.