Paris Olympics 2024: ઓલિમ્પિકમાં નીરજ ચોપડાનો જલવો ક્યારે દેખાશે ? જાણો ગૉલ્ડન બૉયનું પુરેપુરુ શિડ્યૂલ
Neeraj Chopra Schedule In Paris Olympics 2024: પેરિસમાં રમાઈ રહેલી ઓલિમ્પિક 2024 26 જુલાઈથી શરૂ થઈ છે. ભારતે રમતગમતના આ મહાકુંભમાં એક દિવસ પહેલા 25મી જુલાઈએ પોતાનું અભિયાન શરૂ કર્યું હતું
Neeraj Chopra Schedule In Paris Olympics 2024: પેરિસમાં રમાઈ રહેલી ઓલિમ્પિક 2024 26 જુલાઈથી શરૂ થઈ છે. ભારતે રમતગમતના આ મહાકુંભમાં એક દિવસ પહેલા 25મી જુલાઈએ પોતાનું અભિયાન શરૂ કર્યું હતું. અત્યાર સુધી ભારતના ખાતામાં બે મેડલ આવી ચૂક્યા છે, પરંતુ આ બધાની વચ્ચે ચાહકો સ્ટાર ભાલા ફેંક ખેલાડી નીરજ ચોપડાના એક્શનની રાહ જોઈ રહ્યા છે. ગત ઓલિમ્પિકમાં ગૉલ્ડ મેડલ જીતનારો નીરજ ચોપડા આ વખતે ક્યારે એક્શનમાં જોવા મળશે? ચાલો જાણીએ કે આ ઓલિમ્પિકમાં નીરજ ચોપડાનું શિડ્યૂલ શું છે.
ક્યારે એક્શનમાં દેખાશે નીરજ ચોપડા
નીરજ ચોપડા 06 ઓગસ્ટે પેરિસ ઓલિમ્પિકમાં એક્શનમાં જોવા મળશે. નીરજ ચોપડા 06 ઓગસ્ટે જેવલિન થ્રૉઅર ઈવેન્ટમાં ભારતનું પ્રતિનિધિત્વ કરશે. જેવલિનના ગ્રુપ-એનો ક્વૉલિફિકેશન રાઉન્ડ બપોરે 1:50 વાગ્યે શરૂ થશે, જ્યારે ગ્રુપ-બીનો ક્વૉલિફિકેશન રાઉન્ડ બપોરે 3:20 વાગ્યે શરૂ થશે.
જો નીરજ ચોપડા ક્વૉલિફિકેશન રાઉન્ડમાં પાસ થઈ જશે તો તે 8 ઓગસ્ટે ફાઈનલ માટે મેદાનમાં ઉતરશે. ભારતને ફરી એકવાર નીરજ ચોપડા પાસેથી ગૉલ્ડ મેડલની આશા રહેશે.
ક્યાં લાઇવ જોઇ શકશો નીરજ ચોપડાની એક્શન ?
ઓલિમ્પિક્સ 2024નું ભારતમાં ટીવી પર સ્પોર્ટ્સ 18 દ્વારા જીવંત પ્રસારણ કરવામાં આવી રહ્યું છે. ભારતમાં રમતના મહાકુંભનું લાઇવ સ્ટ્રીમિંગ Jio સિનેમા દ્વારા કરવામાં આવી રહ્યું છે. તમે Jio સિનેમા પર તમામ એક્શન ફ્રીમાં જોઈ શકો છો. નીરજ ચોપડાની એક્શન સ્પોર્ટ્સ 18 અને જિઓ સિનેમા પર પણ જોવા મળશે.
ટોક્યો ઓલિમ્પિક્સમાં શાનદાર પ્રદર્શન કરીને જીત્યો હતો ગૉલ્ડ
આ પહેલા નીરજ ચોપડાએ ટોક્યોમાં યોજાયેલી ઓલિમ્પિક ગેમ્સમાં ગૉલ્ડ મેડલ જીત્યો હતો. નીરજ ચોપડાએ 87.58 મીટરના થ્રૉ સાથે ગૉલ્ડ મેડલ જીત્યો હતો. હવે ફરી એકવાર નીરજ ચોપડા ઇતિહાસનું પુનરાવર્તન કરશે અને ભારતની ઝોલીમાં ગૉલ્ડ ઉમેરશે તેવી અપેક્ષા રાખવામાં આવશે.
ટ્રેન્ડિંગ સમાચાર
ટોપ સ્ટોરી
