Paris Olympics 2024: નીરજ ચોપરાએ પ્રથમ પ્રયાસમાં જ ફાઈનલમાં કર્યો પ્રવેશ
ભારતીય સ્ટાર જેવલિન થ્રોઅર નીરજ ચોપરાએ ક્વોલિફિકેશનના તેના પહેલા જ પ્રયાસમાં ફાઇનલમાં પ્રવેશ મેળવ્યો હતો.
Paris Olympics 2024: ભારતીય સ્ટાર જેવલિન થ્રોઅર નીરજ ચોપરાએ ક્વોલિફિકેશનના તેના પહેલા જ પ્રયાસમાં ફાઇનલમાં પ્રવેશ મેળવ્યો હતો. નીરજે તેના પહેલા જ પ્રયાસમાં 89.34 મીટરનો થ્રો કર્યો, જે 84 મીટરની ઓટોમેટિક ક્વોલિફિકેશન કરતા ઘણો વધારે હતો.
Paris Olympics 2024 | Defending champion Neeraj Chopra qualifies for the final of Men's javelin throw in the first attempt, with a throw of 89.34 metres.#Olympics
— ANI (@ANI) August 6, 2024
(File photo) pic.twitter.com/QK5G1f3uaZ
આ સિઝનમાં નીરજનું સર્વશ્રેષ્ઠ પ્રદર્શન છે. તે જાણીતું છે કે જે ખેલાડીઓ ક્વોલિફિકેશનમાં 84 મીટર ફેંકે છે તેઓ સીધા જ ફાઈનલ માટે ક્વોલિફાય થાય છે.
નીરજની જેમ પાકિસ્તાનના અરશદ નદીમે પણ પ્રથમ પ્રયાસમાં જ ફાઈનલ માટે ક્વોલિફાય કર્યું હતું. અરશદે તેના પ્રયાસમાં 86.59 મીટરનો થ્રો કર્યો અને ફાઈનલ માટે ક્વોલિફાઈ થઈ ગયો. અરશદનો આ થ્રો તેનું સિઝનનું સર્વશ્રેષ્ઠ પ્રદર્શન છે.
ગ્રેનાડાના એન્ડરસન પીટર્સે પણ શાનદાર પ્રદર્શન કર્યું હતું અને પ્રથમ પ્રયાસમાં જ ફાઈનલ માટે ક્વોલિફાઈ કર્યું હતું. પીટર્સે તેના પ્રથમ પ્રયાસમાં 88.63નો સ્કોર કર્યો અને ગ્રુપ Bમાંથી સીધો ક્વોલિફાય કરનાર ત્રીજો એથ્લેટ બન્યો. નીરજ પ્રથમ પ્રયાસમાં શ્રેષ્ઠ પ્રદર્શન કરનાર એથલીટ હતો.
નીરજ ચોપડાએ ટોક્યો ઓલિમ્પિક 2020માં 87.58 મીટર ભાલા ફેંકીને ગૉલ્ડ મેડલ જીતીને ઈતિહાસ રચ્યો હતો. વિશ્વ ચેમ્પિયનશિપ સ્તરે એથ્લેટિક્સમાં ગૉલ્ડ મેડલ જીતનારા અભિનવ બિન્દ્રા પછી તે બીજો ભારતીય છે. આ વખતે પણ તે ગૉલ્ડ જીતવા માટે ફેવરિટ છે. કરોડો ભારતીયોને આશા છે કે તે ચોક્કસપણે કમાલ કરશે.
વર્લ્ડ ચેમ્પિયનશીપ જીતવા પર નીરજને મળી 50 લાખથી વધુની પ્રાઇસ મની -
વર્લ્ડ એથ્લેટિક્સ ચેમ્પિયનશિપ 2023માં ગૉલ્ડ મેડલ જીતવા પર નીરજ ચોપરાને ઈનામી રકમ તરીકે 70 હજાર યૂએસ ડૉલર મળ્યા, જે ભારતીય રૂપિયા અનુસાર લગભગ 58 લાખ રૂપિયા છે. સ્વિત્ઝર્લેન્ડ ટુરિઝમે પણ 25 વર્ષીય નીરજને તેના શાનદાર પ્રદર્શન માટે સન્માનિત કર્યા છે અને તેને ભવિષ્ય માટે શુભકામનાઓ પાઠવી હતી.
ભારતીય સ્ટાર જેવલિન થ્રોઅર નીરજ ચોપરાને ઝ્યુરિચ ડાયમંડ લીગમાં સિલ્વર મેડલથી જ સંતોષ માનવો પડ્યો હતો. ડાયમંડ લીગના આ તબક્કામાં પણ થોડા દિવસો પહેલા બુડાપેસ્ટમાં એથ્લેટિક્સ વર્લ્ડ કપમાં 88.17 મીટરમાં ગોલ્ડ મેડલ જીતનાર નીરજ પાસેથી દરેકને ગોલ્ડ મેડલની અપેક્ષા હતી, પરંતુ નીરજને માત્ર સિલ્વર મેડલથી જ સંતોષ માનવો પડ્યો હતો.
ટોપ સ્ટોરી
ટ્રેન્ડિંગ સમાચાર
