Swiss Open: પીવી સિંધુ પ્રથમવાર બની સ્વિસ ઓપન ચેમ્પિયન, થાઇલેન્ડની Busananને આપી હાર

ભારતીય મહિલા બેડમિન્ટન ખેલાડી પીવી સિંધુએ સ્વિસ ઓપનનો ખિતાબ જીતી લીધો છે.

FotoJet_-_2022-03-27T170258147

ભારતીય મહિલા બેડમિન્ટન ખેલાડી પીવી સિંધુએ સ્વિસ ઓપનનો ખિતાબ જીતી લીધો છે. ફાઈનલ મેચમાં વિશ્વની નંબર-7 સિંધુએ થાઈલેન્ડની Busanan Ongbamrungphanને 21-16, 21-8 થી પરાજય આપ્યો હતો. સિંધુએ પ્રથમ વખત સ્વિસ ઓપન સુપર 300 ટાઈટલ જીત્યું છે.  પ્રથમ ગેમમાં થાઈલેન્ડની ખેલાડીએ બે વખતની ઓલિમ્પિક મેડલ વિજેતા સિંધુને ટક્કર આપી હતી, પરંતુ બીજી ગેમમાં સિંધુએ Busanan Ongbamrungphanને કોઈ તક આપી નહોતી.

PV Sindhu beats Busanan Ongbamrungphan of Thailand by 21-16, 21-8 to claim the Swiss Open 2022 women's singles title.

(File photo) pic.twitter.com/pvQolIzhuZ

— ANI (@ANI) March 27, 2022

પ્રથમ ગેમમાં બંને ખેલાડીઓ વચ્ચેનો મુકાબલો 13-13થી બરાબર રહ્યો હતો. ત્યાર બાદ સિંધુએ સતત ત્રણ પોઈન્ટ મેળવીને લીડ મેળવી હતી. બુસાનને 18-16થી વાપસી કરી હતી, પરંતુ ત્યારબાદ સિંધુએ સતત ત્રણ પોઈન્ટ મેળવીને 21-16થી ગેમ જીતી લીધી હતી. બીજી ગેમમાં સિંધુએ બુસાનનને કોઈ તક આપી નહોતી. એક સમયે ભારતીય ખેલાડી 20-4થી આગળ હતી.

બુસાનને ફરી એકવાર વાપસી કરવાનો પ્રયાસ કર્યો હતો  અને સતત 4 પોઈન્ટ મેળવ્યા હતા. પરંતુ એક પોઈન્ટ સાથે સિંધુએ મેચ જીતી લીધી હતી.  સિંધુ અને બુસાનન વચ્ચે આ 17મી મેચ હતી. આમાં સિંધુએ 16 મેચ જીતી છે. તેની એકમાત્ર હાર 2019 હોંગકોંગ ઓપનમાં થઈ હતી.

આ વર્ષે સિંધુનું આ બીજું ટાઈટલ છે. તેણે જાન્યુઆરીમાં સૈયદ મોદી ઈન્ડિયા ઈન્ટરનેશનલ ટાઈટલ જીત્યું હતું. સિંધુએ 2019માં બેસલમાં વર્લ્ડ ચેમ્પિયનશિપનો ખિતાબ જીત્યો હતો. સિંધુ વિશ્વ ચેમ્પિયનશિપ જીતનારી પ્રથમ અને એકમાત્ર ભારતીય ખેલાડી છે.