સચિન તેંડુલકરે સેમી ફાઈનલમાં ક્યા ખેલાડીને કાઢીને રવિન્દ્ર જાડેજાને રમાડવાની કરી તરફેણ?

સચિને કહ્યું કે, રવિન્દ્ર જાડેજા એવો ખેલાડી છે કે જે અંતિમ ઈલેવનમાં હોવો જોઈએ.

માંચેસ્ટરઃ ભારતીય ક્રિકેટ ટીમ આજે ન્યુઝીલેન્ડ સામે વર્લ્ડ કપ રમવાની છે ત્યારે મહાન ક્રિકેટર સચિન તેંડુલકરે ભારતીય ટીમના કેપ્ટન વિરાટ કોહલીને રવિન્દ્ર જાડેજાને ટીમમાં રમાડવાની સલાહ આપી છે. સચિને દિનેશ કાર્તિકને સ્થાને રવિન્દ્ર જાડેજાને રમાજવો જોઈએ એવો સ્પષ્ટ મત વ્યક્ત કર્યો છે. સચિને કહ્યું કે, રવિન્દ્ર જાડેજા એવો ખેલાડી છે કે જે અંતિમ ઈલેવનમાં હોવો જોઈએ. સચિનના મતે, ભારતીય ક્રિકેટ ટીમમાં દિનેશ કાર્તિકને સાતમા સ્થાને બેટિંગ કરવા મોકલવામાં આવે છે ત્યારે તેના કરતાં તો રવિન્દ્ર જાડેજા સારો વિકલ્પ છે કેમ કે સાતમા સ્થાને તો જાડેજા પણ સારી બેટિંગ કરે છે. સચિનના મતે જાડેજા બોલિંગમાં વધારે અસરકારક છે અને તેની ફિલ્ડિંગ પણ બહેતર છે એ જોતાં તેને ટીમમાં રમાડવો જોઈએ. રવિન્દ્ર જાડેજા પાંચમા બોલર અને લોઅર ઓર્ડર બેટ્સમેન તરીકે રમી શકે તેમ હોવાથી તેને રમાડવાની સચિને તરફેણ કરી છે.