Paris Paralympics 2024: ફક્ત 1 પોઈન્ટના કારણે તૂટ્યું પેરાલિમ્પિક્સમાં મેડલ જીતવાનું સપનુ,હાર છતા શિતલ દેવીએ રચી દીધો ઈતિહાસ

Paris Paralympics 2024:  ભારતે પેરિસ પેરાલિમ્પિક્સ 2024માં અત્યાર સુધીમાં 5 મેડલ જીત્યા છે, જેમાં એક ગોલ્ડ મેડલ પણ સામેલ છે. ગેમ્સના ત્રીજા દિવસે શૂટર રૂબિના ફ્રાન્સિસે 10 મીટર એર પિસ્તોલ SH1 ઈવેન્ટની ફાઇનલમાં બ્રોન્ઝ મેડલ જીત્યો હતો.

શિતલ દેવી

Source : PTI

Paris Paralympics 2024:  ભારતે પેરિસ પેરાલિમ્પિક્સ 2024માં અત્યાર સુધીમાં 5 મેડલ જીત્યા છે, જેમાં એક ગોલ્ડ મેડલ પણ સામેલ છે. ગેમ્સના ત્રીજા દિવસે શૂટર રૂબિના ફ્રાન્સિસે 10 મીટર એર પિસ્તોલ SH1 ઈવેન્ટની ફાઇનલમાં બ્રોન્ઝ મેડલ જીત્યો હતો. પરંતુ હવે ભારતને  મોટો ફટકો પડ્યો છે. તીરંદાજ શિતલ દેવી નજીકની મેચમાં હાર્યા બાદ પેરિસ પેરાલિમ્પિક્સ 2024માંથી બહાર થઈ ગઈ છે. પ્રી-ક્વાર્ટર ફાઇનલમાં તેનો સામનો ચિલીની મારિયાના ઝુનિગા સામે થયો હતો. આ મેચમાં શીતલ દેવીને માત્ર 1 પોઈન્ટથી હારનો સામનો કરવો પડ્યો હતો.

 

"If I can do it , anyone can do it. Just need to work hard " - Sheetal Devi 🎥pic.twitter.com/fTf99cmbeX

— The Khel India 2.0 (@BharatAtOlympic) August 31, 2024

શીતલ દેવીનું સપનું 1 પોઈન્ટથી તૂટી ગયું
ટોક્યો પેરાલિમ્પિક્સની સિલ્વર મેડલ વિજેતા મારિયાનાએ આ નજીકની મેચમાં શીતલ દેવીને 138-137થી હરાવી. બંને ખેલાડીઓ વચ્ચે જોરદાર સ્પર્ધા જોવા મળી હતી. પ્રથમ ત્રણ રાઉન્ડ બાદ બંને ખેલાડીઓ બરાબરી પર હતા. પરંતુ ચોથા રાઉન્ડમાં વિજેતા મારિયાનાએ 1 પોઈન્ટની લીડ મેળવી હતી. તેણે પાંચમા રાઉન્ડમાં પણ આ લીડ જાળવી રાખી હતી, જેના કારણે શીતલ દેવી 1 પોઈન્ટથી મેચ હારી ગઈ હતી.

ડેબ્યૂ મેચમાં ઈતિહાસ રચાયો હતો
માત્ર 17 વર્ષની તીરંદાજ શીતલ દેવીએ તેની પેરાલિમ્પિક ડેબ્યૂ મેચમાં ઈતિહાસ રચ્યો હતો. વિશ્વની પ્રથમ આર્મલેસ તીરંદાજ શીતલ દેવીએ તીરંદાજીના રેન્કિંગ રાઉન્ડ દરમિયાન 703 પોઈન્ટ મેળવ્યા હતા અને વર્લ્ડ રેકોર્ડ તોડ્યો હતો. શીતલે 720માંથી 703 માર્ક્સ મેળવ્યા છે. આ સાથે તે 700 પોઈન્ટ મેળવનારી ભારતની પ્રથમ મહિલા તીરંદાજ બની ગઈ છે. જો કે થોડા સમય બાદ તુર્કીની ઓઝનુર ગીર્ડી ક્યોરે પણ 704 પોઈન્ટ સાથે શીતલનો રેકોર્ડ તોડી નાખ્યો હતો.

શીતલ દેવી જમ્મુ-કાશ્મીરના એક નાના ગામ કિશ્તવાડની રહેવાસી છે. 17 વર્ષની શીતલને જન્મથી જ બે હાથ નથી. તે જન્મજાત રીતે ફોકોમેલિયા નામની બીમારીથી પીડિત છે. પરંતુ તેણે જીવનમાં ક્યારેય હાર ન માની. શીતલ દેવી ખુરશી પર બેઠી છે, તેના જમણા પગથી ધનુષ્ય ઉપાડે છે, પછી તેના જમણા ખભામાંથી દોરી ખેંચે છે અને તેના જડબાની તાકાતથી તીર છોડે છે. તેની કળા જોઈને દરેક લોકો આશ્ચર્યચકિત થઈ જાય છે. શીતલ દેવી હાથ વિના સ્પર્ધા કરનાર વિશ્વની પ્રથમ અને એકમાત્ર સક્રિય મહિલા તીરંદાજ પણ છે.

આ પણ વાંચો...