સચિનની પુત્રી સારાનું ફેક ટ્વિટર હેન્ડલ બનાવી પવાર વિશે ખરાબ કોમેન્ટ કરનાર પકડાયો

ફ્રેન્ડ્સ સાથે સારા તેંડુલકર

પોલીસના જણાવ્યા મુજબ પકડાયેલા એન્જિનિયર નીતિને આશરે 5-6 મહિના પહેલા ગુગલ પરથી સારાના ફોટા ડાઉનલોડ કર્યા હતા અને બાદમાં તેની મદદ વડે ફેક ટ્વિટર હેન્ડલ બનાવ્યું હતું.

સચિન તેંડુલકરે થોડા દિવસો પહેલા ટ્વિટર સહિતની તમામ સોશિયલ સાઇટ પરથી તેના પુત્રીનું ફેક એકાઉન્ટ ડિલીટ કરવાની અરજી કરી હતી. લંડનમાં અભ્યાસ કરતી સારાના નામે સોશિયલ મીડિયા પર થઇ રહેલા આપત્તિજનક મેસેજથી પરેશાન થઈ માસ્ટર બ્લાસ્ટરના પીએ દ્વારા સાઇબર ક્રાઇમમાં ફરિયાદ પણ નોંધાવવામાં આવી હતી.

નીતિને સારા તેંડુલકરના નકલી ટ્વિટર હેન્ડલ પરથી એનસીપી પ્રમુખ શરદ પવાર સામે આપત્તિજનક કોમેન્ટ કરી હતી. જે બાદ એનસીપીના ધારાસભ્યએ આ મુદ્દે સચિન પાસે સ્પષ્ટતા માંગી હતી. થોડા દિવસો પહેલા જ સારાને ધમકી આપનારા એક વ્યક્તિની પશ્ચિમ બંગાળથી ધરપકડ કરવામાં આવી હતી.

મુંબઈઃ ક્રિકેટના ભગવાન ગણાતા ભારતીય ક્રિકેટર સચિન તેંડુલકરની પુત્રી સારાના નામે ફેક ટ્વિટર હેન્ડલ બનાવનારા વ્યક્તિની અંધેરીમાંથી ધરપકડ કરવામાં આવી છે. પકડાયેલા વ્યક્તિનું નામ નીતિન શિશોદ અને તે સોફ્ટવેર એન્જિનિયર હોવાનું જાણવા મળ્યું છે.