ઓસ્ટ્રેલિયાના દિગ્ગજ ક્રિકેટરે વિરાટ કોહલીના કર્યા ભરપેટ વખાણ, જાણો શું કહ્યું....

સ્ટીવ વૉ અગાઉ પણ કોહલીની પ્રશંસા કરી ચૂક્યો છે. ઈંગ્લેન્ડ સામેની પ્રથમ ટેસ્ટમાં વિરાટની શાનદાર ઈનિંગ જોયા બાદ વૉએ તેના વખાણ કરતા લખ્યું હતું કે, આ ગ્લોબલ સુપરસ્ટાર છે જે ક્રિકેટની દુનિયાના તમામ રેકોર્ડ્ઝ તોડશે.

એક ઈન્ટરવ્યુમાં વૉએ કહ્યું કે, કોહલી પાસે ગજબની ટેકનીક છે અને તેવી કળા વર્તમાન ક્રિકેટમાં અન્ય કોઈની પાસે નથી. એબી ડિ વિલિયર્સ આવો જ છે પણ તે ટેસ્ટ ક્રિકેટ છોડી ચૂક્યો છે, આવામાં વિરાટ આગળ નીકળી જાય છે.

કોહલીની પ્રશંસા કરતા વૉએ જણાવ્યું કે, મને લાગે છે કે, સ્ટીવ સ્મિથમાં રનની ભૂખ સૌથી વધુ છે પણ અત્યારે તે 1 વર્ષ માટે ક્રિકેટથી દૂર છે. માટે વિરાટ સૌથી શાનદાર છે. તેને મોટી તકની શોધ રહે છે, એવી જ રીતે જેવી રીતે બ્રાયન લારા, સચિન તેંડુલકર, વિવ રિચર્ડ્સ અને જાવેદ મિયાંદાદને રહેતી હતી.

નવી દિલ્હીઃ ભારતીય ક્રિકેટ ટીમના કેપ્ટન વિરાટ કોહલી અથવા દિગ્ગજ ઓસ્ટ્રેલિયાન બેટ્સમેન સ્ટીવ સ્મિથ....આ બન્નેમાથી કોણ છે વિશ્વનો સર્વશ્રેષ્ઠ બેટ્સમેન એ ચર્ચા હાલમાં ક્રિકેટનો હોટ ટોપિક છે. આ મામલે ઓસ્ટ્રેલિયાના દિગ્ગજ બેટ્સમેન સ્ટીવ વો પોતાનો પક્ષ સામે રાખ્યો છે. તેમણે વિરાટ કોહલીના ભરપેટ વખાણ કર્યા છે. વૉએ કોહલીને તેના દેશના ટૉપ ક્રિકેટર સ્ટીવ સ્મિથથી પણ ઉપર ગણાવ્યો.