INDvAUS: ધોની-ચહલને મળેલી પ્રાઇઝ મની જાણીને લાગી જશે આંચકો, ગાવસ્કરે ગણાવી શરમજનક

મુંબઈઃ ભારતના પૂર્વ કેપ્ટન સુનીલ ગાવસ્કરે ભારતીય ટીમની ઐતિહાસિક શ્રેણી જીત બાદ કોઈ રોકડ પુરસ્કાર આપવાની જાહેરાત ન કરવામાં આવતા ગાવસ્કરે નારાજગી વ્યક્ત કરી છે. એક કાર્યક્રમમાં તેમણે કહ્યું કે, સીરિઝથી ઓસ્ટ્રેલિયાને જે કમાણી થઇ છે તેમાં ઇન્ડિયાનો પણ હક બને છે.

ઓસ્ટ્રેલિયામાં ટીમ ઈન્ડિયાએ ત્રણ વન ડે મેચની શ્રેણી 2-1થી જીતી હતી. ત્રીજી મેચમાં મેન ઓફ ધ મેચ રહેનાર યઝુવેન્દ્ર ચહલ અને મેન ઓફ ધ સીરિઝ જાહેર થયેલા મહેન્દ્ર સિંહ ધોનીને 500-500 ડોલર (આશરે 35,000 રૂપિયા) આપવામાં આવ્યા હતા. આ બંને ખેલાડીઓએ રકમ દાન કરી દીધી હતી.