ઓસ્ટ્રેલિયામાં પ્રથમ T20 માટે ટિમ ઇન્ડિયાએ 12 ખેલાડીના નામની કરી જાહેરાત, આવતી કાલે છે મેચ

નવી દિલ્હીઃ મેજબાન ઓસ્ટ્રેલિયા વિરૂદ્ધ ટીમ ઇન્ડિયા પોતાના પ્રવાસની શરૂઆત ટી20 સીરીઝથી કરવા જઈ રહી છે. ત્રણ મેચની સીરીઝનો પ્રથમ મેચ બુધવારે બ્રિસ્બેનમાં રમાશે. વિરાટ બ્રિગેડ પોતાની તૈયારીને અંતિમ રૂમ આપી રહી છે. બન્ને કેપ્ટન (વિરાટ કોહલી અને એરોન ફિંચ) ટી20 ટ્રોફીનું અનાવરણ કરી ચૂક્યા છે.

ટી20 શેડ્યૂલઃ પ્રથમ ટી20 મેચ - 21 નવેમ્બર (બુધવાર) - બ્રિસ્બેન - બપોરે 1.20 વાગ્યે. બીજી ટી20 મેચ - 23 નવેમ્બર (શુક્રવાર) - મેલબોર્ન - બપોરે 2.20 વાગ્યે. ત્રીજી ટી20 મેચ - 25 નવેમ્બર (રવિવાર) - સિડની - બપોરે 2.20 વાગ્યે.

મેચ પહેલા બ્રિસ્બેન ટી20 માટે ટીમ ઇન્ડિયાએ પોતાના 12 ખેલાડીઓની ટીમની જાહેરાત કરી દીધી છે. જેમાં વિરાટ કોહલી (કેપ્ટન), રોહિત શર્મા (વાઈસ કેપ્ટન), શિખર ધવન, કેએલ રાહુલ, રિષભ પંત, દિનેશ કાર્તિક, કૃણાલ પંડ્યા, કુલદીપ યાદવ, ભુવનેશ્વર કુમાર, જસપ્રીત બુમરાહ, ખલીલ અહમદ, યુજવેન્દ્ર ચહલ.