‘ફેંગલ’ વાવાઝોડાને લઈને અંબાલાલ પટેલે કરી દીધી મોટી આગાહી, ગુજરાતમાં.....
Gujarat unaffected by Cyclone Fangal: હવામાન નિષ્ણાત અંબાલાલ પટેલે આગાહી કરી છે કે, આગામી જાન્યુઆરીમાં હાડ થીજવતી ઠંડી પડશે.
Cyclone Fangal Gujarat update: હવામાન નિષ્ણાત અંબાલાલ પટેલે ફેંગલ વાવાઝોડા અંગે મહત્વની આગાહી કરી છે. તેમણે જણાવ્યું છે કે, ફેંગલ વાવાઝોડાની ગુજરાતમાં અસર થવાની શક્યતા ઓછી છે. જો કોઈ અસર થાય તો સુરતના કેટલાક ભાગોમાં હળવો વરસાદ પડી શકે છે.
અંબાલાલ પટેલના મતે, 3 થી 5 ડિસેમ્બર દરમિયાન બંગાળની ખાડીમાં તોફાન બની રહ્યું છે. જો કે, ગુજરાત પર તેની ખાસ અસર થવાની શક્યતા નથી. તેમણે વધુમાં જણાવ્યું કે, વેસ્ટર્ન ડિસ્ટર્બન્સના કારણે જાન્યુઆરી મહિનામાં હાડ થીજવતી ઠંડી પડશે. ડિસેમ્બરની શરૂઆતમાં શીતલહેરની સંભાવના ઓછી છે.
હવામાન વિભાગે પણ આગામી 3 દિવસ દરમિયાન લઘુતમ તાપમાનમાં કોઈ ખાસ ફેરફાર નહીં થાય તેવી આગાહી કરી છે. ત્રણ દિવસ બાદ 2 થી 3 ડિગ્રી તાપમાન વધતાં ઠંડીથી રાહત મળી શકે છે. આજે નલિયા, કંડલા, કેશોદ, ડીસા અને વડોદરા સૌથી ઠંડાગાર રહ્યા છે. આ તમામ શહેરોમાં 13 ડિગ્રી લઘુતમ તાપમાન નોંધાયું છે.
તમિલનાડુ અને પુડુચેરીના કેટલાક ભાગોમાં શનિવારે બપોરથી ચક્રવાત ફેંગલની અસર દેખાવા લાગી હતી. અહીંના અનેક વિસ્તારોમાં ભારે વરસાદને કારણે લોકોને ભારે મુશ્કેલીનો સામનો કરવો પડી રહ્યો છે. ચેન્નાઈ એરપોર્ટ પર ફ્લાઈટ સેવાઓ સ્થગિત કરવામાં આવી હતી. ભારતીય હવામાન વિભાગ (IMD) કહે છે કે બંગાળની ખાડી પર ફરતું ચક્રવાતી તોફાન "ફેંગલ" આજે (30 નવેમ્બર 2024) બપોરે પુડુચેરીમાં લેન્ડફોલ કરી શકે છે.
ભારે વરસાદ અને ચક્રવાતના જોખમને ધ્યાનમાં રાખીને, તમિલનાડુ સરકારે રાજ્યની તમામ શૈક્ષણિક સંસ્થાઓમાં રજા જાહેર કરી છે અને IT કંપનીઓને તેમના કર્મચારીઓને ઘરેથી કામ કરવાની મંજૂરી આપવા વિનંતી કરી છે. ઇસ્ટ કોસ્ટ રોડ અને ઓલ્ડ મહાબલીપુરમ રોડ પર આજે બપોરે જાહેર પરિવહન સેવાઓ બંધ રહેશે.
પુડુચેરીમાં ચક્રવાત ફેંગલના આગમન પહેલા, તમિલનાડુના મુખ્યમંત્રી એમકે સ્ટાલિને તૈયારીઓની સમીક્ષા કરી અને ચેન્નાઈમાં ડિઝાસ્ટર મેનેજમેન્ટ કંટ્રોલ રૂમની મુલાકાત લીધી. તમિલનાડુના મહેસૂલ અને આપત્તિ વ્યવસ્થાપન પ્રધાન કેકેએસએસઆર રામચંદ્રને શનિવારે ચક્રવાતની તૈયારીઓની સમીક્ષા કરવા માટે એક બેઠક યોજી હતી અને લોકોને દરિયાકિનારા અને મનોરંજન પાર્કમાં જવાનું ટાળવા કહ્યું હતું.
માહિતી અનુસાર, દરિયાકાંઠાના વિસ્તારોમાં રહેતા 164 પરિવારોના 471 લોકોને તિરુવલ્લુર અને નાગપટ્ટનમ જિલ્લાના છ રાહત કેન્દ્રોમાં લઈ જવામાં આવ્યા છે. દરિયાકાંઠાના વિસ્તારોમાં બોટ, જનરેટર, મોટર પંપ અને જરૂરી સાધનસામગ્રી કોઈપણ અનિચ્છનીય ઘટનાને પહોંચી વળવા માટે તૈયાર રાખવામાં આવી છે. સંવેદનશીલ વિસ્તારોમાં NDRF, રાજ્યની બચાવ ટુકડીઓ તૈનાત કરવામાં આવી છે.
આ પણ વાંચો...
ટોપ સ્ટોરી
ટ્રેન્ડિંગ સમાચાર
