IPL ફ્રેન્ચાઈઝીને માથે પડ્યા છે આ ‘મોંઘા’ ખેલાડીઓ

KKRએ ઓસ્ટ્રેલિયન ખેલાડી ક્રિસ લિનને RTMથી પોતાની ટીમમાં રાખ્યો છે. લીને આ સિઝનમાં અત્યાર સુધીમાં 6 મેચ રમી છે અને 181 રન બનાવ્યાં છે. આ 6 ઈનિંગમાં લિન એકવાર 0 અને એકવાર પાંચ રન બનાવીને આઉટ પણ થયો જોકે, તેણે KKR માટે સારી ઈનિંગ (49 અને 74) પણ રમી છે. આ રીતે લિન દ્વારા બનાવાયેલો 1-1 રન આશરે બે લાખનો પડી રહ્યો છે. આથી તે KKR માટે પૈસાવસૂલ ખેલાડી સાબિત થઈ રહ્યો છે.

ઓસ્ટ્રેલિયાના ગ્લેન મેક્સવેલને દિલ્હીએ ખરીદ્યો હતો. મેક્સવેલને પાંચમાંથી ચાર મેચ રમવાની તક મળી છે. આ ખેલાડીએ 4 ઈનિંગમાં કુલ 81 રન બનાવ્યાં છે. તેને બે વાર બોલિંગ કરવાની તક મળી. જેમાંથી તે એક વિકેટ લઈ શક્યો હતો. આથી મેક્સવેલ દ્વારા બનાવાયેલા 81 રનમાં દિલ્હીને પ્રતિરન આશરે 3 લાખ રૂપિયા જેવી માતબર રકમ ચૂકવવી પડી છે. જે એકમાત્ર વિકેટ તેણે લીધી છે. એ દિલ્હીને 60 લાખ રૂપિયામાં પડે છે.

અફઘાનિસ્તાનની ટીમના યુવા લેગ સ્પિનર રાશિદ ખાનને સનરાઈઝર્સે 9 કરોડ રૂપિયા પર RTMનો પ્રયોગ કરીને પોતાની ટીમમાં રાખ્યો છે. રાશિદે SRH તરફથી રમેલા પાંચ મેચમાં ચાર વિકેટ લીધી હતી અને 2 ઈનિંગ રમીને 17 રન બનાવ્યાં છે. એટલે રાશિદની એક તૃતિયાંશ કિંમત 3 કરોડ થઈ. આથી સનરાઈઝર્સ માટે રાશિદ દ્વારા લેવામાં આવેલી ચાર વિકેટ, 75 લાખ પ્રતિ વિકેટ પડી રહ્યાં છે. બેટિંગમાં તેણે બનાવેલા 17 રનને બોનસ માની શકીએ છીએ.

નવી દિલ્હીઃ આ રવિવારે આઈજીએલના લીગ સ્ટેજનો એક તૃતીયાંશ ભાગ પૂરો થઈ ગયો છે. અત્યાર સુધી 2 ટીમ 6-6 મેચ રમી ચૂકી છે જ્યારે બાકીની ટીમ 5-5 મેચ રમી ચૂકી છે. એવામાં અહીં ચર્ચા એ થઈ રહી છે કે લીગ સ્ટેજમાં અત્યાર સુધી એવા ખેલાડીઓનું પરફોર્મન્સ કેવું રહ્યું જે સૌથી મોંઘા ભાવે વેચાયા હતા. આગળ વાંચો આઈપીએલમાં મોંઘા ભાવે વેચાયા તેવા ખેલાડીઓનું પ્રદર્શન કેવું રહ્યું....