વિરાટ કોહલીએ પહેલી ટી-20 પહેલાં ઓસ્ટ્રેલિયાને શું આપી ખુલ્લી ધમકી?

કોહલીએ કહ્યું કે, મારા માટે આક્રમકતાનો મતલબ જીતવાનું ઝનૂન છે અને હું કોઈ પણ સંજોગોમાં જીત મેળવવા માંગુ છું. મારી ટીમ માટે 110 ટકા યોગદાન આપવુ એ મારા માટે ઝનૂન છે. કોહલીએ સ્ટીવન સ્મિથ અને ડેવિડ વોર્નર લગાવવામાં આવેલા પ્રતિબંધ અંગે કશું કહેવાનો ઈનકાર કરી દીધો હતો.

વિરાટે કહ્યું કે, અમારી ટીમ એવી નથી કે જે સામેથી કોઈ બાબતની શરૂઆત કરે પણ અમે અમારા સન્માનની એક લક્ષ્મણરેખા નક્કી કરી છે. ઓસ્ટ્રેલિયા કે બીજી કોઈ પણ ટીમ તેને ઓળંગવાની કોશિશ કરશે તો તેની સામે અમે જોરદાર લડત આપીશું અને સામેની ટીમને નહી જવા દઈએ.