સુરતના ક્યા દિગ્ગજ નેતાએ કોંગ્રેસના તમામ હોદ્દાઓ પરથી રાજીનામું આપી દીધું, જાણો વિગત

ધીરૂ ગજેરાએ પોતાને સમર્થિત 26થી વધુ કાર્યકરો હોદ્દેદારોના નામ સાથે કોંગ્રેસ પક્ષમાંથી રાજીનામું આપી દીધું છે. અગાઉ ધીરૂ ગજેરાએ કોંગ્રેસ પક્ષમાં વિવિધ જવાબદારીઓ સંભાળી હતી. જેમાં તેઓ પ્રદેશ કોંગ્રેસના હોદ્દેદારની સાથે પ્રદેશમાં ઉપાધ્યક્ષ સુધીની જવાબદારીઓ સંભાળી ચુક્યાં હતાં.

ધીરૂભાઈ ગજેરાએ જણાવ્યું હતું કે, હું ઘણાં સમયથી રાજીનામું આપવાની તૈયારીમાં હતો અને આખરે નિર્ણય કરીને રાજીનામું આપી દીધું છે. કોંગ્રેસમાં કોઈ જ સંગઠન જેવું નથી. તેમણે ભાજપમાં જોડાવા અંગે કહ્યું હતું કે, સમય આવશે ત્યારે ભાજપમાં જોડાઈશ હજુ તો રાજીનામું આપ્યું છે.