ભાજપે ટિકિટ કાપતાં ક્યા ધારાસભ્યે લખ્યું: મારૂં એસેસમેન્ટ કરાયેલું કે સોપારી આપીને રાજકીય હત્યા?

જ્યારે પૂર્વ બેઠક પર ઉમેદવાર અરવિંદ રાણા સાથે એકમાત્ર ધારાસભ્ય રણજિત ગિલીટવાલા ગેરહાજર રહ્યા હતાં. જે માટે તબિયત બગડ્યાનું કારણ જાણવા મળ્યું હતું. જોકે, તેઓની નારાજગી જ મુખ્ય કારણ હતું. એવું ઘણાં કાર્યકરો માનતા હતા જે વાત ગિલીટવાલાએ જાતે જ ફેસબુક પોસ્ટ મૂકીને સ્પસ્ટકરી દીધી છે.

ટિકિટ કપાતા રણજિત ગિલીટવાલાએ ઉમેદવાર અરવિંદ રાણા સાથે ફોર્મ ભરવામાં હાજર રહ્યા નહતાં. પોતાની નારાજગી ખુબ સ્પષ્ટ રીતે વ્યક્ત કરી દીધી હતી. તેઓ ટિકિટ ન મળવાના આઘાતમાંથી બહાર આવ્યા નથી. ફોર્મ ભરાઈ ગયાના બે દિવસ બાદ ગિલીટવાલાએ એક ફેસબુક પોસ્ટ મુકીને ફરી પોતાની નારાજગી સાથે ભાજપનો આંતરિક ડખો પણ જાહેર કરી દીધો છે.