ChatGPT : ChatGPT પાછળ આ વ્યક્તિનું હતું દિમાગ, અધવચ્ચે જ છોડેલી કોલેજ
ChatGPTના સર્જક સેમ ઓલ્ટમેન છે. સેમ ઓલ્ટમેન ઓપનએઆઈના સીઈઓ છે. સેમે ઈલોન મસ્ક સાથે 2015માં કંપનીની સહ-સ્થાપના કરી હતી.
Who Devloped Chatgpt : ChatGPTએ ટેક્નોલોજીની દુનિયામાં એક અલગ ક્રાંતિ સર્જી છે. ChatGPTના આગમન બાદ Google, Microsoft જેવી કંપનીઓ પણ AIની રેસમાં લાગી ગઈ છે. આર્ટિફિશિયલ ઇન્ટેલિજન્સ લાંબા સમયથી હાજરઅ હોવા છતાં ChatGPTએ સર્ચ એન્જિનની જેમ AI ચેટબોટ રજૂ કર્યું છે. ChatGPTની લોકપ્રિયતાએ લોકોને તેના વિશે વ્યાપકપણે વાત કરવાની ફરજ પાડી છે. વિદ્યાર્થીઓથી લઈને કર્મચારીઓએ ChatGPTનો ઉપયોગ શરૂ કર્યો છે. ChatGPT વિશે ઘણી ચર્ચા થઈ રહી છે. તો ચાલો જાણીએ તેની પાછળના માસ્ટરમાઇન્ડ વિષે. ચાલો જાણીએ કે કઈ વ્યક્તિએ ChatGPT બનાવ્યું છે અને તેનું બેકગ્રાઉન્ડ શું છે?
ChatGPT કોણે બનાવ્યું?
ChatGPTના સર્જક સેમ ઓલ્ટમેન છે. સેમ ઓલ્ટમેન ઓપનએઆઈના સીઈઓ છે. સેમે ઈલોન મસ્ક સાથે 2015માં કંપનીની સહ-સ્થાપના કરી હતી. એક અંગ્રેજી સમાચાર પત્રમાં પ્રકાશિત થયેલા 2016ના લેખ અનુસાર સેમને ટેક્નોલોજીનો શોખ હતો અને તેમણે આઠ વર્ષની ઉંમરે પ્રોગ્રામિંગ કરવાનું શરૂ કર્યું.
સેમ ઓલ્ટમેન સેન્ટ લુઇસ મિઝોરીમાં ઉછર્યા હતા. તેમને નાની ઉંમરમાં જ કોડિંગમાં ઘણો રસ હતો. મેકિન્ટોશના પ્રોગ્રામિંગમાં પણ તે પરફેક્ટ બન્યો. સેમ ઓલ્ટમેન સમલૈંગિક છે. ધ ન્યૂ યોર્કર સાથેની મુલાકાતમાં તેમણે કહ્યું હતું કે, 2000માં મિડવેસ્ટમાં ગે બનવું એ સૌથી ડરામણી બાબત ન હતી.
શા માટે સેમ ઓલ્ટમેને કોલેજ છોડી દીધી?
સેમ ઓલ્ટમેન સ્ટેનફોર્ડ યુનિવર્સિટીમાં કોમ્પ્યુટર સાયન્સનો વિદ્યાર્થી હતા, પરંતુ તેમણે બે મિત્રો સાથે લુપ્ટ (એક એપ્લિકેશન જે મિત્રોને તેમનું સ્થાન શેર કરવાની મંજૂરી આપે છે) પર કામ કરવા માટે કોલેજ છોડી દીધી હતી. તેમણે આ એપ પર સરસ કામ કર્યું અને પછી કંપનીને US$43 મિલિયનમાં વેચી દીધી. રિપોર્ટમાં એમ પણ કહેવામાં આવ્યું છે કે, સેમ લુપ્ટના સહ-સ્થાપકોમાંના એકને નવ વર્ષથી ડેટ કરે છે અને બંને અલગ થયા પહેલા. લુપ્ટનું વેચાણ કર્યા પછી સેમે હાઇડ્રેજિન કેપિટલની સ્થાપના કરી હતી.
ઈલોન મસ્ક સાથે ઓપનએઆઈનું શું છે કનેક્શન?
મીડિયા રિપોર્ટ્સ અનુસાર, OpenAIની સ્થાપના 2015માં કરવામાં આવી હતી. સેમ ઓલ્ટમેન અને ઈલોન મસ્ક કંપનીના સ્થાપકોમાંના હતા, પરંતુ ઈલોન મસ્કે 2018માં ઓપનએઆઈમાંથી રાજીનામું આપ્યું કારણ કે, તેમની અન્ય બે કંપનીઓ સ્પેસએક્સ અને ટેસ્લા પણ એઆઈ ટેક્નોલોજી પર કામ કરી રહી હતી. 2019માં ઓપનએઆઈએ પોતાને નફા માટે એક કંપની જાહેર કરી અને માઇક્રોસોફ્ટ અને અન્ય મોટી કંપનીઓ સાથે ભાગીદારી કરી. ઓપનએઆઈએ તેની શરૂઆતથી ઘણા AI સાધનો વિકસાવ્યા છે જેમ કે ChatGPT અને DALL.E. બંનેનો ઉપયોગ આજે વિશ્વભરમાં થઈ રહ્યો છે.
ટોપ સ્ટોરી
ટ્રેન્ડિંગ સમાચાર
