WhatsApp Cibil: લૉન લેતા પહેલા અહીંથી ચેક કરો તમારો સિબિલ સ્કૉર, આ છે ઇઝી પ્રૉસેસ
CIBIL સ્કોર અથવા ક્રેડિટ સ્કોર એ 3 અંકનો નંબર છે જે જણાવે છે કે તમે તમારા બિલ સમયસર ચૂકવી રહ્યા છો કે નહીં.
Check Cibil Score on Whatsapp App In India: જો તમે કોઈ પણ પ્રકારની લોન લેવા જઈ રહ્યા છો, તો તમારે પહેલા તમારો સિબિલ સ્કોર ચેક કરવો પડશે. હવે તમે તમારા સિબિલ સ્કોરને WhatsApp એપ દ્વારા પણ ફ્રીમાં જાણી શકો છો. પોસાય તેવા દરે હોમ અને પર્સનલ લોન મેળવતી વખતે સારો ક્રેડિટ સ્કોર હોવો અત્યંત મહત્વપૂર્ણ છે. ધિરાણ આપતી બેંકો અથવા સંસ્થાઓ તમારો CIBIL સ્કોર ચકાસે છે.
CIBIL સ્કોર અથવા ક્રેડિટ સ્કોર એ 3 અંકનો નંબર છે જે જણાવે છે કે તમે તમારા બિલ સમયસર ચૂકવી રહ્યા છો કે નહીં. તમામ ધિરાણ સંસ્થાઓ તમારો ક્રેડિટ હિસ્ટ્રી અને સ્કોર ચકાસીને તમને કયું વ્યાજ અને કેટલી લોન મળી શકે તે નક્કી કરે છે.
ક્રેડિટ રેટિંગ એજન્સીઓ, ક્રેડિટ ઇન્ફોર્મેશન બ્યુરો (ઇન્ડિયા) લિમિટેડ, ડેટા એકત્રિત કરે છે અને ક્રેડિટ સ્કોર માહિતી પ્રદાન કરે છે. ત્યાં ઘણી ક્રેડિટ રિપોર્ટિંગ એજન્સીઓ છે જે તમને તમારા CIBIL સ્કોર ઑનલાઇન મફતમાં તપાસવાની મંજૂરી આપે છે. હવે તમે WhatsApp દ્વારા CIBIL સ્કોર જાણી શકો છો. આ સ્કૉરના આધાર પર તમને લૉન્ મળવા અંગે પણ ખબર પડે છે.
એક્સપિરિયન ઇન્ડિયા એ ક્રેડિટ ઇન્ફોર્મેશન કંપનીઝ એક્ટ-2005 હેઠળ લાઇસન્સ મેળવનાર પ્રથમ ક્રેડિટ બ્યુરો છે. એક્સપિરિયન ઈન્ડિયા કંપનીએ આ સુવિધા વ્હોટ્સએપથી દરેક માટે શરૂ કરી છે. જેનાથી લોકોને ઘણો ફાયદો મળી રહ્યો છે. ક્રેડિટ સ્કોર તપાસવાની આ પદ્ધતિ ત્વરિત, સલામત અને ખૂબ જ સરળ રીત છે. એટલું જ નહીં, આ સુવિધાથી કોઈપણ પ્રકારની છેતરપિંડી શોધી શકાય છે.
WhatsApp પર ક્રેડિટ સ્કોર તપાસવા માટે, તમારે પહેલા તમારા ફોનમાં Experian India નો WhatsApp નંબર 9920035444 સેવ કરવો પડશે. આ પછી તમારે આ નંબર પર વોટ્સએપ પર 'હે'નો મેસેજ મોકલવાનો રહેશે. પછી તમારે તમારી વિગતો મોકલવાની રહેશે.
વિગતોમાં, તમારે ફોન નંબર, ઈ-મેલ આઈડી અને તમારું નામ મોકલવાનું રહેશે. આ પછી તમને WhatsApp પર જ ક્રેડિટ સ્કોર મળી જશે. તમે આ ક્રેડિટ રિપોર્ટની પાસવર્ડ પ્રોટેક્ટેડ કોપી માટે પણ વિનંતી કરી શકો છો. તમને આ નકલ તમારા રજિસ્ટર્ડ ઈમેલ આઈડી પર મળશે.
ટોપ સ્ટોરી
ટ્રેન્ડિંગ સમાચાર
