અરે આ શું ? હવે જુતાથી કન્ટ્રૉલ થશે તમારો ફોન, Samsungએ લૉન્ચ કર્યા ધાંસૂ સ્નીકર્સ

Samsung Shortcut Sneakers: સેમસંગ વિશ્વમાં શાનદાર અને હાઇટેક ટેક્નોલોજી માટે જાણીતું છે. પછી તે સ્માર્ટફોન હોય, સ્માર્ટ ટીવી હોય કે કનેક્ટેડ ડિવાઇસ હોય. સેમસંગે દરેક જગ્યાએ પોતાનું નામ બનાવ્યું છે

(તસવીર- એબીપી લાઇવ)

Samsung Shortcut Sneakers: સેમસંગ વિશ્વમાં શાનદાર અને હાઇટેક ટેક્નોલોજી માટે જાણીતું છે. પછી તે સ્માર્ટફોન હોય, સ્માર્ટ ટીવી હોય કે કનેક્ટેડ ડિવાઇસ હોય. સેમસંગે દરેક જગ્યાએ પોતાનું નામ બનાવ્યું છે. હવે આ કેટેગરીમાં સેમસંગે એક જૂતા (સ્નીકર્સ) લૉન્ચ કર્યા છે જેને તમે તમારા સ્માર્ટ ફોન સાથે કનેક્ટ કરી શકો છો.

એટલું જ નહીં, આ સ્માર્ટ સ્નીકર્સમાં તમને એક સેન્સર મળે છે, જેની મદદથી તમે તમારા ફોનને પણ કંટ્રોલ કરી શકો છો. આ માટે સ્નીકર્સને તમારા ફોન સાથે કનેક્ટ કરવા પડશે.

કોણે કર્યા સ્નીકર્સને ડિઝાઇન ? 
સેમસંગના આ સ્માર્ટ સ્નીકર્સ ટેક્નોલોજીની દુનિયામાં ખૂબ જ ચર્ચામાં છે. આ સ્નીકર્સને 'શૉર્ટકટ' નામ આપવામાં આવ્યું છે. આ સ્નીકર્સ રૉએલ વેન હોફે ડિઝાઇન કર્યા છે. આ સિવાય Cheil Benelux, Elitac Wearables, Bruut Amsterdam પણ તેમાં ભાગીદાર છે. સેમસંગે આ બધા સાથે મળીને 'શૉર્ટકટ' લૉન્ચ કર્યો છે. તમને જણાવી દઈએ કે 'શૉર્ટકટ' માત્ર લિમિટેડ એડિશનમાં જ લૉન્ચ કરવામાં આવ્યું છે.

'Shortcut'ના ખાસ ફિચર્સ 
સેમસંગના સ્માર્ટ સ્નીકરમાં ખાસ સેન્સર લગાવવામાં આવ્યા છે, જેના કારણે તમારો ફોન ખૂબ જ સરળતાથી કનેક્ટ થઈ જશે અને તમે તેને કંટ્રોલ પણ કરી શકશો. વિવિધ હલનચલન કરતી વખતે શોર્ટકટ 5 ક્રિયાઓ કરશે. સેમસંગે દાવો કર્યો છે કે તેનું અલ્ગૉરિધમ અને મોશન રેકગ્નિશન સચોટ છે. કંપની અનુસાર, તમે મૂનવોક દ્વારા ફોન કૉલ કરી શકો છો અથવા સંગીત વગાડી શકો છો.

માત્ર 6 યૂનિટ કરવામાં આવ્યા છે તૈયાર 
હાલમાં 'શૉર્ટકટ'ના માત્ર 6 યૂનિટનું જ ઉત્પાદન થયું છે. આ અંગે સ્પર્ધા પણ યોજાશે. જેમાં યૂઝર્સ સેમસંગ મેમ્બર્સ એપ દ્વારા ભાગ લઈ શકશે. યૂઝર્સ 9 જુલાઈ સુધી તેમાં ભાગ લઈ શકે છે. વિજેતાની જાહેરાત 15 જુલાઈએ કરવામાં આવશે.