iPhone 16e નું બુકિંગ આજથી શરૂ, જાણો સેલ ડેટ અને ઑફર્સ વિશેની તમામ માહિતી
એપલે ભારતમાં પોતાનો નવો iPhone 16e લોન્ચ કર્યો છે. તેનું પ્રી-બુકિંગ ૧૯ ફેબ્રુઆરીથી શરૂ થઈ ગયું છે અને સેલ ૨૮ ફેબ્રુઆરીથી શરૂ થશે. આ ફોન દર મહિને 2-3 હજાર રૂપિયાના EMI પર ખરીદી શકાય છે.
Apple iPhone 16e Pre Booking: Apple એ 19 ફેબ્રુઆરીના રોજ ભારતમાં iPhone 16E લોન્ચ કર્યો. આ ફોનનું પ્રી-બુકિંગ આજથી શરૂ થઈ ગયું છે. જ્યારે વેચાણ 28 ફેબ્રુઆરી, 2025 થી શરૂ થશે. તમે આ ફોનને દર મહિને લગભગ 2 થી 3 હજાર રૂપિયાના EMI વિકલ્પમાં ખરીદી શકો છો. આ EMI 24 મહિના માટે રહેશે.
જૂના ફોન પર એક શાનદાર ઓફર આપવામાં આવી રહી છે
એપલ ટ્રેડ ઇન ડીલમાં જૂના ફોન પર એક શાનદાર ઓફર આપવામાં આવી રહી છે. ગ્રાહકો આ ઑફર્સનો લાભ એપલ સ્ટોર ઓનલાઈન અથવા એપલ સ્ટોર પરથી લઈ શકે છે. iPhone 16e ખરીદવા પર, ત્રણ મહિના માટે Apple Music, Apple TV+, Apple Arcade, Apple News+ અને Apple Fitness+ નું મફત સબ્સ્ક્રિપ્શન પણ આપવામાં આવી રહ્યું છે.
iPhone 16E કલર ઓપ્શન
iPhone 16e બે અદભુત મેટ ફિનિશ કલર વિકલ્પો બ્લેક અને વ્હાઈટમાં આવશે. આ ફોન સાથે લોર્ડ કેસ ઉપલબ્ધ થશે. iPhone 16e સિલિકોન કેસ 5 કલર ઓપ્શન વિન્ટર બ્લુ, ફુશિયા, લેક ગ્રીન, બ્લેક અને વ્હાઇટમાં આવશે.
iPhone 16E ની કિંમત
128 જીબી – 59,990 રૂપિયા
256GB – 69,900 રૂપિયા
512જીબી - 89,900 રૂપિયા
iPhone 16e ની ખાસ વિશેષતાઓ
iPhone 16e માં 6.1-ઇંચની OLED સ્ક્રીન છે. તે iPhone 16 ની જેમ A18 ચિપસેટથી સજ્જ છે અને Apple Intelligence સુવિધાઓને સપોર્ટ કરે છે. તેમાં 48-મેગાપિક્સલનો સિંગલ રીઅર કેમેરા અને પ્રોગ્રામેબલ એક્શન બટન છે. ભારતમાં, iPhone 16e ના 128GB સ્ટોરેજ વેરિઅન્ટની કિંમત 59,900 રૂપિયા, 256GB વેરિઅન્ટની કિંમત 69,900 રૂપિયા અને 512GB વેરિઅન્ટની કિંમત 89,900 રૂપિયા રાખવામાં આવી છે.
કેમેરાની ગુણવત્તા કેવી છે?
ફોનના કેમેરા સેટઅપ વિશે વાત કરીએ તો, કંપનીએ iPhone 16e માં 48MP સિંગલ કેમેરા આપ્યો છે જે ઓપ્ટિકલ ઇમેજ સ્ટેબિલાઇઝેશન (OIS) સાથે આવે છે. તે જ સમયે, ફોનમાં સેલ્ફી અને વીડિયો કોલ માટે 12MPનો ફ્રન્ટ કેમેરા છે.
ફોનમાં સ્ટીરિયો સ્પીકર્સ આપવામાં આવ્યા છે. આ ઉપરાંત, કનેક્ટિવિટી માટે, તેમાં 5G, 4G LTE, Wi-Fi 6, બ્લૂટૂથ 5.3, NFC અને GPS સપોર્ટ જેવા ફીચર્સ છે. આ ફોનમાં એપલનો ઇમરજન્સી એસઓએસ વાયા સેટેલાઇટ સપોર્ટ પણ આપવામાં આવ્યો છે.
આ પણ વાંચો....
WhatsAppની મોટી કાર્યવાહી, એક મહિનામાં બ્લોક કર્યા 84 લાખથી વધુ એકાઉન્ટસ
ટોપ સ્ટોરી
ટ્રેન્ડિંગ સમાચાર
