TECH NEWS: પહેલાથી વધુ હાઇટેક થશે ઇન્ડિયન આર્મી, તૈયાર થયા કરન્ટ વાળા જુતા, લાઇવ લૉકેશન સહિત મળશે આ ફિચર્સ
Shoes for Indian Army: ભારતીય આર્મીના જવાનો હવે વધુ હાઇટેક થશે, ઈન્ડિયન ઈન્સ્ટિટ્યૂટ ઓફ ટેક્નોલોજી (IIT) ઈન્દોરે નવી ટેક્નોલોજી સાથે સૈનિકો માટે ખાસ શૂઝ તૈયાર કર્યા છે
Shoes for Indian Army: ભારતીય આર્મીના જવાનો હવે વધુ હાઇટેક થશે, ઈન્ડિયન ઈન્સ્ટિટ્યૂટ ઓફ ટેક્નોલોજી (IIT) ઈન્દોરે નવી ટેક્નોલોજી સાથે સૈનિકો માટે ખાસ શૂઝ તૈયાર કર્યા છે. આ પગરખાં પહેરીને ચાલવાથી માત્ર વીજળી જ ઉત્પન્ન નહીં થાય પરંતુ સાથે સાથે રિયલ ટાઇમ સૈન્ય કર્મચારીઓનું લૉકેશન પણ જાણી શકાશે. IIT અધિકારીઓએ મંગળવારે આ જાણકારી આપી છે.
અધિકારીઓએ જણાવ્યું કે IIT ઇન્દોરે સંરક્ષણ સંશોધન અને વિકાસ સંગઠન (DRDO)ને આવા જૂતાની 10 જોડીની પ્રથમ ખેપ પણ પ્રદાન કરી છે. તેમણે જણાવ્યું કે આ શૂઝને IIT ઈન્દોરના પ્રૉફેસર આઈએ પલાનીના માર્ગદર્શન હેઠળ તૈયાર કરવામાં આવ્યા છે. અધિકારીઓએ જણાવ્યું કે આ શૂઝ ટ્રાઈબૉ-ઈલેક્ટ્રિક નેનૉજનરેટર (TENG) ટેક્નોલોજીથી બનાવવામાં આવ્યા છે, જેના કારણે તેમને પહેરતી વખતે લેવામાં આવતા દરેક પગલા સાથે વીજળી ઉત્પન્ન થશે. તેમણે કહ્યું કે આ વીજળીને જૂતાના તળિયામાં સ્થાપિત ઉપકરણમાં સંગ્રહિત કરવામાં આવશે જેના દ્વારા નાના ઉપકરણો ચલાવી શકાય છે.
અધિકારીઓઓ આપી આ જાણકારી
અધિકારીઓએ જણાવ્યું કે 'ગ્લૉબલ પૉઝિશનિંગ સિસ્ટમ' (GPS) અને 'રેડિયો ફ્રીક્વન્સી આઇડેન્ટિફિકેશન' (RFID) ટેક્નોલોજીથી સજ્જ જૂતાની મદદથી રિયલ ટાઇમમાં સૈન્ય કર્મચારીઓનું લૉકેશન પણ જાણી શકાય છે. આઈઆઈટી ઈન્દોરના ડિરેક્ટર પ્રૉફેસર સુહાસ જોશીએ જણાવ્યું હતું કે આ શૂઝની લેટેસ્ટ વિશેષતાઓ લશ્કરી કર્મચારીઓની સુરક્ષા, સંકલન અને કાર્યક્ષમતાને મજબૂત બનાવશે.
લોકોને આ રીતે મળશે મદદ
અધિકારીઓએ જણાવ્યું કે ટેંગ ટેક્નોલોજીથી સજ્જ જૂતાનો ઉપયોગ અલ્ઝાઈમરથી પીડિત વૃદ્ધ લોકો, શાળાએ જતા બાળકો અને પર્વતારોહકોનું સ્થાન શોધવા માટે પણ થઈ શકે છે. આ સિવાય આ શૂઝ ફેક્ટરીઓમાં કામદારોની હાજરી અને તેમના કામ પર નજર રાખવામાં મદદરૂપ સાબિત થઈ શકે છે. તેણે કહ્યું કે આ શૂઝની મદદથી ખેલાડીઓના પગની હિલચાલનું સચોટ વિશ્લેષણ પણ કરી શકાય છે જેથી વધુ સારી તાલીમ દ્વારા તેમનું પ્રદર્શન સુધારી શકાય છે.
ટ્રેન્ડિંગ સમાચાર
ટોપ સ્ટોરી
