RIL AGM 2023: Jio અને Vivo આ શાનદાર સ્માર્ટફોન કાલે કરશે લોન્ચ, જાણો કિંમત અને ફિચર્સ

RIL AGM 2023: રિલાયન્સ જિયોની એજીએમ બેઠક આવતીકાલે એટલે કે 28મી ઓગસ્ટે યોજાવાની છે. આ મીટિંગમાં કંપની Jio ફોન લોન્ચ કરી શકે છે અને એર ફાઈબરની કિંમત જાહેર કરી શકે છે. આ સિવાય Vivo પણ આવતીકાલે એક સ્માર્ટફોન લોન્ચ કરશે.

કાલે આ ફોન થશે લોન્ચ ( Image Source : X(Twiter) )

RIL AGM 2023:ટેલિકોમ વિશ્વની નંબર વન કંપની Jioની આવતીકાલે એટલે કે 28મી ઓગસ્ટે એજીએમની બેઠક છે. આ ઇવેન્ટમાં કંપની 5G JioPhone લોન્ચ કરી શકે છે. લોન્ચ પહેલા સ્માર્ટફોનની વિગતો ઈન્ટરનેટ પર લીક થઈ ગઈ છે. જો લીક્સની વાત માનીએ તો કંપની ફોનને 8 થી 10,000ની વચ્ચે લોન્ચ કરી શકે છે. સ્માર્ટફોનમાં 4GB રેમ અને સ્નેપડ્રેગન ચિપસેટ મળી શકે છે. ગીકબેન્ચની લિસ્ટિંગ દર્શાવે છે કે, આગામી JioPhone 5Gમાં Qualcomm Snapdragon 480+ પ્રોસેસર મળી શકે છે. આ સ્માર્ટફોન એન્ડ્રોઈડ 13 સાથે લોન્ચ થઈ શકે છે.

JioPhone 5G 6.5 ઇંચ HD + LCD 90Hz સ્ક્રીન, 5,000mAh બેટરી અને 13 મેગાપિક્સલનો ડ્યુઅલ રીઅર કેમેરા સેટઅપ મેળવી શકે છે. કંપની ફ્રન્ટમાં સેલ્ફી માટે 8 મેગાપિક્સલનો સેન્સર આપી શકે છે. એવું કહેવામાં આવી રહ્યું છે કે, કંપની આ ફોનમાં ઓછામાં ઓછું 18W ચાર્જિંગ આપશે. નોંધ, આ માહિતી લીક્સ પર આધારિત છે. તમારે વધુ સચોટ માહિતી માટે રાહ જોવી પડશે.

Vivo આ સ્માર્ટફોનને લોન્ચ કરશે

Jio સિવાય ચીની સ્માર્ટફોન નિર્માતા Vivo પણ આવતીકાલે એક નવો સ્માર્ટફોન માર્કેટમાં લૉન્ચ કરશે. તમે Vivo ની YouTube ચેનલ દ્વારા લોન્ચિંગ ઈવેન્ટ જોઈ શકશો. મોબાઈલ ફોનના ઘણા સ્પેક્સ અત્યાર સુધી સામે આવ્યા છે. કંપનીએ ફોનને ફ્લિપકાર્ટ પર ટીઝ કર્યો છે. Vivo V29eની કિંમત 27,999 રૂપિયા અથવા 28,999 રૂપિયા હોઈ શકે છે. આ માહિતી ટીપસ્ટર અભિષેક યાદવે ટ્વિટર પર શેર કરી છે. સ્પેક્સ વિશે વાત કરીએ તો, ફોનમાં ડ્યુઅલ કેમેરા સેટઅપ ઉપલબ્ધ હશે, જેમાં 64MP પ્રાથમિક કેમેરા અને 8MP અલ્ટ્રાવાઇડ કેમેરા હશે. ફ્રન્ટમાં 50MP સેલ્ફી કેમેરા ઉપલબ્ધ હશે.

Vivo V29eમાં 44W ફાસ્ટ ચાર્જિંગ સાથે 5000 mAh બેટરી મળશે. ફોનમાં 6.73-ઇંચ ડિસ્પ્લે, ક્વાલકોમ સ્નેપડ્રેગન 695 અને 8GB રેમ સપોર્ટ મળી શકે છે.

આ  પણ વાંચો