Meta Blue Verification in India: ભારતમાં ફેસબુક અને ઇન્સ્ટાગ્રામ બ્લૂ ટિક માટે આટલા રૂપિયા લેશે મેટા, રિપોર્ટમાં ખુલાસો

મેટા બ્લૂ ટિક વેરિફિકેશન ઑસ્ટ્રેલિયા, યૂએસએ અને ન્યૂઝીલેન્ડમાં પહેલેથી જ રૉલઆઉટ કરવામાં આવ્યું છે. Meta આ દેશોમાં દર મહિને $11.99 ચાર્જ વસૂલ કરી રહ્યું છે.

પ્રતિકાત્મક તસવીર

Meta Blue Verification Charge in India: ટ્વિટર બાદ હવે ફેસબુકની પેરન્ટ કંપની મેટા પણ ભારતમાં બ્લૂ ટિક વેરિફિકેશન માટે ચાર્જ વસૂલવા જઇ રહી છે. એલન મસ્કના બ્લૂ ટિક પ્લાનથી પ્રેરિત, મેટાએ આ વર્ષે ફેબ્રુઆરી દરમિયાન આ માટે ચાર્જ વસૂલવાની યોજના બનાવી હતી. 

મેટા બ્લૂ ટિક વેરિફિકેશન ઑસ્ટ્રેલિયા, યૂએસએ અને ન્યૂઝીલેન્ડમાં પહેલેથી જ રૉલઆઉટ કરવામાં આવ્યું છે. Meta આ દેશોમાં દર મહિને $11.99 ચાર્જ વસૂલ કરી રહ્યું છે. હવે મેટા તેને ભારતમાં લૉન્ચ કરવાની યોજના પર કામ કરી રહ્યું છે, અને ટૂંક સમયમાં ભારતીય યૂઝર્સને પણ આ માટે ચૂકવણી કરવી પડી શકે છે.

ભારતમાં કેટલો લાગશે ચાર્જ - 
ઈન્ડિયન એક્સપ્રેસના એક અહેવાલ પ્રમાણે, મેટા વેરિફાઈડ માટે ભારતીય યૂઝર્સને મોબાઈલ માટે દર મહિને 1,450 રૂપિયા ચૂકવવા પડશે, અને વેબ એક્સેસ વેરિફિકેશન માટે ભારતીય યૂઝર્સને દર મહિને 1,099 રૂપિયા ચૂકવવા પડશે. બ્લૂ ટિક ફેસબુકની સાથે ઈન્સ્ટાગ્રામ પર પણ આપવામાં આવશે. તેને હાઇ લેયર સિક્યૂરિટી સાથે જોડવામાં આવશે. 

વેરિફિકેશનને લઇને મેટાનો શું છે પ્લાન  - 
રિપોર્ટમાં કહેવામાં આવ્યું છે કે, મેટા આના માટે ચાર્જ લેવાની સાથે સાથે બ્લૂ ટિક પણ આપશે. જોકે, વેરિફિકેશન માટે યૂઝર્સે સરકારી આઈડી આપવી પડશે. આની મદદથી Facebook અને Instagram પર બ્લૂ ટિકની સુવિધા આપવામાં આવશે. આ સિવાય મેટા વેરિફાઈડ સબસ્ક્રિપ્શન યૂઝર્સને ઈન્સ્ટન્ટ યૂઝર્સ સેફ્ટી પ્રૉવાઇડ કરશે, અને વધુ રીચ આપશે. જોકે આ સેવા હજુ સુધી માત્ર પુખ્ત વયના લોકો માટે જ હતી, 18 વર્ષથી ઓછી અને વ્યવસાયિક યૂઝર્સને ન હતી આપવામાં આવતી.

બીટા ટેસ્ટિંગ કરી રહ્યું છે મેટા - 
મેટા વેરિફિકેશન અત્યારે બીટા ટેસ્ટિંગમાં ચાલી રહ્યું છે. યૂઝર્સ હજુ મેટા વેબસાઈટ પર એક ફોર્મ સબમિટ કરીને મેમ્બરશિપ મેળવવા વેઈટીંગ લિસ્ટમાં જોડાઈ શકે છે. ઉલ્લેખનીય છે કે, ટ્વિટર બ્લૂ, સબ્સ્ક્રિપ્શન બેઝ્ડ સર્વિસ ભારતમાં પહેલેથી જ ઉપલબ્ધ છે. iOS માટે તેની કિંમત રૂ. 900 અને એન્ડ્રોઇડ માટે રૂ. 650 છે.

 

Meta Layoff: ફેસબુકની પેરેન્ટ કંપની મેટાએ ફરી એક વખત કરી છટણી, 10,000 કર્મચારીઓેને દેખાડ્યો બહારનો રસ્તો

Meta Layoff Update: ફેસબુકની પેરેન્ટ કંપની મેટાએ ફરી એક વખત 10,000 કર્મચારીઓની છટણીની જાહેરાત કરી છે. કંપની ભૂતકાળમાં 11,000 કર્મચારીઓની છટણી કરી ચૂકી છે. મેટાના સીઈઓ માર્ક ઝૂકરબર્ગે પોતાના કર્મચારીઓને એક સંદેશમાં કહ્યું છે કે અમે અમારી ટીમની સંખ્યામાં 10,000નો ઘટાડો કરવા જઈ રહ્યા છીએ. આ સાથે તેમણે કહ્યું કે, એવી 5,000 પોસ્ટ નાબૂદ કરવાનો નિર્ણય લેવામાં આવ્યો છે જેના માટે અત્યાર સુધી ભરતી કરવામાં આવી ન હતી. મેટામાં આ છટણીને કંપનીમાં ચાલી રહેલા રિસ્ટ્રક્ચરિંગ સાથે જોડવામાં આવી રહી છે. કંપની તેના સંગઠન માળખામાં મોટા ફેરફારો કરી રહી છે તેમજ ઓછી પ્રાથમિકતા ધરાવતા પ્રોજેક્ટને રદ કરી રહી છે. આ સિવાય કંપની હાયરિંગમાં પણ ઘટાડો કરવા જઈ રહી છે. મેટામાં 10,000 કર્મચારીઓની છટણીના સમાચાર બાદ મેટાના સ્ટોકમાં જબરદસ્ત તેજી જોવા મળી રહી છે. મેટાના શેરમાં પ્રી-માર્કેટ ઓપનિંગમાં 2 ટકાનો ઉછાળો જોવા મળી રહ્યો છે.

છટણીનું મુખ્ય કારણ અમેરિકન ટેક કંપનીઓ પર ગહન સંકટ છે. તેના ઉપર, મેટાના ખરાબ પરિણામોએ સમસ્યામાં વધારો કર્યો છે. મેટાની જાહેરાતની આવકમાં ઘટાડો થયો છે. અગાઉ નવેમ્બર 2022 માં, મેટાએ 11,000 કર્મચારીઓની છટણીની જાહેરાત કરી હતી. 2004માં ફેસબુકની સ્થાપનાના 18 વર્ષના ઈતિહાસમાં પ્રથમ વખત આટલી મોટી છટણી કરવામાં આવી છે, જે ડિજિટલ એડવર્ટાઈઝિંગથી થતી આવકમાં ભારે ઘટાડો દર્શાવે છે.