Windows Photos એપમાં આવ્યુ AI ફિચર, જાણો યૂઝ કરવાની આસાન રીત

માઇક્રોસોફ્ટે વિન્ડોઝ ફોટો એપમાં નવું અપડેટ આપ્યું છે માઇક્રોસોફ્ટે વિન્ડોઝ ફોટો એપ માટે અપડેટની જાહેરાત કરી છે

(તસવીર- સોશ્યલ મીડિયા પરથી)

Windows Photo App: આજકાલ ભારત સહિત સમગ્ર વિશ્વમાં આર્ટિફિશિયલ ઈન્ટેલિજન્સ વિશે ખૂબ ચર્ચા થઈ રહી છે. છેલ્લા કેટલાક મહિનામાં આર્ટિફિશિયલ ઈન્ટેલિજન્સ એટલે કે AI ફિચરે ટેક્નોલોજીની દુનિયામાં એક નવો વિકલ્પ આપ્યો છે. AI એ ઘણા મુશ્કેલ કાર્યોને સરળ બનાવ્યા છે, અને તેથી યૂઝર્સ હવે દરેક ટેકનિકલી કામ માટે AI સુવિધાઓની માંગ કરી રહ્યા છે. આ માંગને ધ્યાનમાં રાખીને માઇક્રોસોફ્ટે વિન્ડોઝ ફોટો એપમાં એક નવું AI ફિચર સામેલ કર્યું છે.

વિન્ડોઝ એપમાં આવ્યું એઆઇ ફિચર  - 
ખરેખર, માઇક્રોસોફ્ટે વિન્ડોઝ ફોટો એપમાં નવું અપડેટ આપ્યું છે માઇક્રોસોફ્ટે વિન્ડોઝ ફોટો એપ માટે અપડેટની જાહેરાત કરી છે. આ અપડેટ સાથે, Windows Photos એપમાં એક અદભૂત અને ખૂબ જ મહત્વપૂર્ણ એડિટિંગ ફિચર આવી ગયું છે. આ એપમાં નવા AI ફિચરની મદદથી યુઝર્સ કોઈપણ ફોટોમાંથી ઓબ્જેક્ટ સરળતાથી ઈરેઝ કરી શકશે.

આ ફિચરનું નામ જનરેટિવ AI ફિચર છે, જેના દ્વારા યૂઝર્સને વર્કઅરાઉન્ડમાંથી પસાર થવાની જરૂર નથી. તમને જણાવી દઈએ કે માઇક્રોસોફ્ટ દ્વારા વિન્ડોઝ ફોટો એપમાં રજૂ કરવામાં આવેલ આ ફિચર એ જ છે જે ગૂગલે પણ તેની ફોટો એપમાં રજૂ કર્યું હતું અને તાજેતરમાં સેમસંગે પણ તેને તેની ગેલેરીમાં રજૂ કર્યું હતું.

જો કે, ગૂગલ અને સેમસંગ ફોનમાં હાજર આ AI ફિચર ફક્ત સ્માર્ટફોનની ફોટો એપમાં જ કામ કરે છે, પરંતુ માઇક્રોસોફ્ટની ફોટો એપમાં AI ફિચર ડેસ્કટોપ અને લેપટોપમાં પણ કામ કરે છે. આ નવા ફિચરના કારણે યુઝર્સે ફોટોશોપ અને કેનવા જેવા સોફ્ટવેરનો ઉપયોગ કરવો પડશે નહીં.

આ ફિચરનો ઉપયોગ કઇ રીતે કરવો ?

આ ફિચરનો ઉપયોગ કરવા માટે યૂઝર્સે Windows Photos એપને Windows 11ના લેટેસ્ટ વર્ઝનમાં અપડેટ કરવી પડશે.
તે પછી, તમે ફોટો એપમાં સીધો ફોટો ખોલી શકો છો જેમાં તમે AI જનરેટિવ ઇરેઝ ફિચરનો ઉપયોગ કરવા માંગો છો.
તે પછી તમને ફોટાની ઉપરની ટ્રેલમાં એક નવો ઇરેઝ વિકલ્પ મળશે.
તે પછી, માઉસ પર ડાબું ક્લિક કરો, તેને પકડી રાખો અને તેને ઑબ્જેક્ટના તે ભાગ પર ખેંચો જેને તમે ફોટામાંથી દૂર કરવા માંગો છો. આ માટે તમે બ્રશની સાઇઝ પણ પસંદ કરી શકો છો અને ઓટો-એપ્લાય ફિચરનો ઉપયોગ કરી શકો છો.
દૂર કરવાના ભાગને પસંદ કરીને અને ભૂંસી નાખવા પર ક્લિક કરીને, તમારા ચિત્રનો ઑબ્જેક્ટ સરળતાથી દૂર થઈ જશે. તે પછી તમે સેવ ઓપ્શન પર ક્લિક કરો અને પછી તમારો એડિટ કરેલ ફોટો સેવ કરવા માટે સેવ એડિટેડ ફોટો પર ક્લિક કરો.