No Ads જોઇએ છે FB-Insta, તો ચૂકવવા પડશે આટલા રૂપિયા, અહીં શરૂ થઇ સર્વિસ

ધ વર્જના રિપોર્ટ અનુસાર, હાલમાં નૉ એડ વર્ઝન યૂરોપમાં યૂઝર્સ માટે લાઈવ થઈ ગયું છે.

તસવીર (સોશ્યલ મીડિયા પરથી)

Tech And News Updates: જો તમે ફેસબુક અને ઇન્સ્ટાગ્રામ પર જાહેરાતોથી કંટાળી ગયા છે અને એડ જોવા નથી માંગતા, તો હવે તમારે આ માટે કંપનીને પૈસા ચૂકવવા પડશે. મેટાએ ફેસબુક અને ઈન્સ્ટાગ્રામ માટે નૉ એડ્સ ફિચર શરૂ કર્યું છે. EUના આદેશ બાદ કંપનીએ યૂઝર્સ માટે આ ઓપ્શન લવાયો છે. વાસ્તવમાં, અત્યાર સુધી મેટા યૂઝર્સને તેમના રૂચિ અનુસાર જાહેરાતો સાથે ટાર્ગેટ કરતું હતું, પરંતુ EUના આદેશ બાદ હવે કંપની એડ ફ્રી વર્ઝન લાવી રહી છે. જો કે, આ માટે યૂઝર્સે તગડી ફી ચૂકવવી પડશે.

ધ વર્જના રિપોર્ટ અનુસાર, હાલમાં નૉ એડ વર્ઝન યૂરોપમાં યૂઝર્સ માટે લાઈવ થઈ ગયું છે. ટ્વીટર પર Matt Navarra એ કેટલાક સ્ક્રીનશૉટ પણ શેર કર્યા છે જેમાં મેટા યૂઝર્સને ફ્રી વર્ઝનમાં સબ્સ્ક્રાઇબ કરવાનું કહે છે.

ચૂકવવા પડશે આટલા રૂપિયા 
ફેસબુક અને ઇન્સ્ટાગ્રામ પર એડ ફ્રી એક્સેસ માટે યુઝર્સે $9.99 એટલે કે દર મહિને લગભગ 832 રૂપિયા ચૂકવવા પડશે. આ ચાર્જ વેબ વર્ઝન માટે છે. વળી, મોબાઇલનો ચાર્જ $12.99 એટલે કે 1,082 રૂપિયા છે. ઉલ્લેખનીય છે કે, હાલમાં આ કિંમતે તમારા મેટા સેન્ટર સાથે જોડાયેલા તમામ એકાઉન્ટ્સ એડ ફ્રી થઈ જશે. તેનો અર્થ એ કે તમારે તેમના માટે અલગ ચાર્જ ચૂકવવાની જરૂર નથી, પરંતુ 1 માર્ચ, 2024 પછી ગ્રાહકે દરેક વધારાના લિંક્ડ એકાઉન્ટ માટે વધારાની ફી ચૂકવવી પડશે. દરેક વધારાના એકાઉન્ટ માટે યૂઝર્સને વેબ પર $6 અને મોબાઇલ પર $8 ચૂકવવા પડશે. નોંધ, એડ્સ ફ્રી સર્વિસ 18 વર્ષથી વધુ ઉંમરના લોકો માટે છે.

FIRST LOOK: Meta's Ad-Free Subscription Subscription Sign Up Flow

Facebook and Instagram users in the EU are starting to see the Ad-Free Subscription or Free pic.twitter.com/H4mLFd5U3t

— Matt Navarra - Exiting X… Follow me on Threads (@MattNavarra) November 7, 2023

મેટા દ્વારા યૂઝર્સને બતાવવામાં આવેલા પ્રૉમ્પ્ટમાં એવું કહેવામાં આવી રહ્યું છે કે કંપની યૂઝર્સને નવી પસંદગી આપી રહી છે કારણ કે તમારા ક્ષેત્રમાં કાયદા બદલાયા છે. મેટા આ પસંદગી તે દેશોમાં પુખ્ત યૂઝર્સને આપશે જ્યાં આ સુવિધા લાઇવ થઈ ગઈ છે. કંપની તમને સબસ્ક્રાઇબર અને ફ્રી ફોર એડ ફ્રી વચ્ચે વિકલ્પ પસંદ કરવાનું કહેશે. તમે તમારી પસંદગી મુજબ કોઈપણ વિકલ્પ પસંદ કરી શકો છો.