વડોદરા: મુસ્લિમ યુવકે 12 હજાર માચિસની સળીથી બનાવી ગણેશજીની અનોખી મૂર્તિ, જુઓ તસવીરો

દેશમાં કોમી એક્તા, શાંતિ અને ભાઈચારાની અપીલનો સંદેશો આપવા માટે મુસ્લિમ યુવકે માચિસની સળીથી ગણેશજીની પ્રતિમા બનાવવાનો નિર્ણય લીધો હતો. મૂર્તિ બનાવનારા હુસેનખાન પઠાણનો મુખ્ય વ્યવસાય સાઈકલ રિપેરિંગ છે.

હુસેનખાન માત્ર ચાર ધોરણ પાસ છે. આ મૂર્તિ બનાવવામાં હુસેન ખાનને ચાર મહિના જેટલો સમય લાગ્યો હતો.

વડોદરા: વડોદરામાં રહેતા એક મુસ્લિમ યુવકે ગણેશ ભગવાનની અનોખી મૂર્તિ બનાવી છે. આ યુવકે માચિસની સળીઓ વડે ગણેશની 2.5 ફૂટ ઊંચી પ્રતિમા બનાવી છે. આ પ્રતિમા બનાવવા માટે માચીસની 12,000 સળીઓનો ઉપયોગ કરવામાં આવ્યો છે.